Ռուսաստանը դաշնակցային պարտավորությունների շրջանակներում էական ներդրում ունի Հայաստանի անվտանգության ապահովման գործում. Կոպիրկին

Սյունիքի մարզ կատարած աշխատանքային այցի շրջանակներում Հայաստանում Ռուսաստանի դեսպան Սերգեյ Կոպիրկինը հունիսի 3-ին հանդիպել է Սյունիքի մարզպետ Մելիքսեթ Պողոսյանի հետ: «Արմենպրես»-ին այս մասին հայտնել են ՀՀ-ում ՌԴ դեսպանատնից:

Նշվում է, որ կողմերը քննարկել են Հայաստանի հարավային շրջանում տիրող իրավիճակը, ներառյալ՝ իրավիճակը սահմանամերձ հատվածներում: Դեսպանն ընդգծել է, որ Ռուսաստանը դաշնակցային պարտավորությունների կատարման շրջանակներում էական ներդրում ունի եղբայրական Հայաստանի անվտանգության ապահովման գործում: Մասնավորապես, ավելացվել է ռուս սահմանապահ զորքերի անձնակազմի թվաքանակը, հատկացվել են նյութատեխնիկական և ֆինանսական ռեսուրսներ նրանց գործունեությունն ապահովելու համար:

Մելիքսեթ Պողոսյանը շնորհակալություն է հայտնել Ռուսաստանին և նրա ղեկավարությանը 2020 թվականին տեղի ունեցած արյունահեղությունը դադարեցնելու և դրան հաջորդած հետկոնֆլիկտային վերականգնման հարցում անգնահատելի ներդրման համար: Մարզպետը բարձր է գնահատել մարզում ռուս սահմանապահների ծառայությունը:

Զրույցի ընթացքում քննարկվել է Սյունիքի մարզի և ՌԴ սուբյեկտների միջև համագործակցության ներկա մակարդակը և դրանք ընդլայնելու հեռանկարները: Քննարկվել են Սյունիքի մարզի սոցիալ-տնտեսական զարգացման արդիական հարցեր: Դեսպանը հավաստիացրել է, որ Ռուսաստանը կշարունակի աջակցել մարզի տնտեսական ներուժի իրացմանը, այդ թվում՝ զբոսաշրջության ոլորտում:

Այդ համատեքստում Սերգեյ Կոպիրկինն ընդգծել է մարզում ռուսական կապիտալի տեսանելի ներկայությունը, ինչպես նաև ՄԱԿ-ի ծրագրերի գծով ՌԴ-ի կողմից իրականացվող ֆինանսավորումը, որոնք ուղղված են բնակչության տարբեր խմբերի աջակցությանն ու տնտեսության զարգացմանը:

Դեսպանը նաև շնորհավորել է մարզպետին «ԱՊՀ երիտասարդական մայրաքաղաք» ծրագրի մեկնարկի առիթով, որի շրջանակներում Կապան քաղաքում նախատեսվում  են մի շարք խոշոր միջոցառումներ:

Այս թեմայով Հայաստանի և Ադրբեջանի սահմանին ռուս սահմանապահները տեղակայվել են Փաշինյանի խնդրանքով. Կոպիրկին Լեռնային Ղարաբաղ հայերի վերադարձի հարցը կարևոր է Ռուսաստանի համար. ՀՀ–ում ՌԴ դեսպան Ռուսաստանը պատրաստ է կատարել իր դաշնակցային պարտականությունները՝ Հայաստանի դեմ արտաքին ագրեսիայի դեպքում․ Կոպիրկին Ռուսական կողմը լրջորեն է վերաբերում Հայաստանին զենք տրամադրելու պարտավորությանը. Կոպիրկին (տեսանյութ) ՌԴ-ի դեմ հարձակումները բացահայտ սուտ են. այս ամենը տագնապեցնող է․ Կոպիրկին (տեսանյութ) Դուք անտարբեր չեք ռուս-հայկական հարաբերությունների հանդեպ․ Կոպիրկինը՝ հայ երիտասարդներին ՌԴ–ում հասկանում են, թե Արևմուտքն ինչպիսի ճնշում է գործադրում Հայաստանի վրա․ դեսպան ՌԴ սահմանապահներն ակտիվ դեր են ունեցել Սյունիքում էսկալացիա թույլ չտալու գործում. դեսպան Հայրենիքի պաշտպան հասկացությունը մեզ համար հատուկ նշանակություն ունի․ Կոպիրկին Հարավային Կովկասը մեզ համար կենսական տարածաշրջան է․ Կոպիրկին