Հայաստանի հավաքականը պարտվեց Շվեդիայի դեմ խաղում

Շվեդական Սոլնայում ավարտվեց Շվեդիայի և Հայաստանի հավաքականների ընկերական հանդիպումը։ Մեր ընտրանին առաջին պարտությունը կրեց վերջին 10 խաղում՝ 1-3 հաշվով։

Տանտերերը շատ ակտիվ սկսեցին խաղն ու արդեն հանդիպման 16-րդ րոպեին շվեդների կազմում հաշիվը բացեց Էմիլ Ֆորսբերգը։ 34-րդ րոպեին տանտերերը նաև կրկնապատկեցին հաշիվը․ աչքի ընկավ Մարկուս Դանիելսոնը։ Հանդիպման 38-րդ րոպեին Շվեդիայի հավաքականը ստացավ 11-մետրանոց հարվածի իրավունք, սակայան Լարսոնի հարվածը hետ մղեց մեր ընտրանու դարպասապահ Դավիթ Յուրչենկոն։ Առաջին խաղակեսն ավարտվեց հօգուտ տանտերերի՝ 2-0։

Խաղի 64-րդ րոպեին մեր տղաները կարողացան ճեղքել մրցակցի պաշտպանությունն ու Կամո Հովհաննիսյանի  փոխանցումից հետո Վահան Բիչախչյանը կարողացավ կրճատել հաշվի տարբերությունը։ Ի դեպ, սա Վահանի առաջին գոլն էր ազգային հավաքականի կազմում։ Սակայն ավելին մեր հավաքականի ֆուտբոլիստներին անել չհաջողվեց, և երկրորդ խաղակեսում Վահանի գոլը եղավ միակ արդյունավետ գործողությունը մեր ֆուտբոլիստների կողմից, հաղորդում է Armsports.am-ը։

Փոխարենը շվեդները կարողացան այս խաղում խփել իրենց երրորդ գնդակը․ հանդիպման 85-րդ րոպեին աչքի ընկավ թիմի վետերան հարձակվող Մարկուս Բերգը։

Շվեդիայի ազգային թիմը ՈւԵՖԱ-ի 55 անդամ երկրներից 46-րդն է, որի հետ Հայաստանի հավաքականը հանդիպեց: Շվեդիայի հավաքականը ՖԻՖԱ-ի դասակարգման աղյուսակում 18-րդն է, Հայաստանի հավաքականը՝ 90-րդը: Հիշեցնենք, որ մայիսի 1-ին Հայաստանի հավաքականը ոչ-ոքի խաղաց աշխարհի փոխչեմպիոն Խորվաթիայի ընտրանու դեմ: Վբեյմար Անգուլոյի շքեղ գոլի շնորհիվ մեր թիմը խաղն ավարտեց 1-1 հաշվով:

Այս թեմայով Հրաձիգ Էլմիրա Կարապետյանը դուրս է եկել Ռիո դե Ժանեյրոյի մրցաշարի եզրափակիչ Հայ կին մրցավարն առաջին անգամ մասնակցել է բասկետբոլի ՖԻԲԱ Եվրոպայի մրցավարական ճամբարին Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Երիտասարդական ԵԱ․ Ռաֆայել Ներսիսյանը պարտության է մատնել Վրաստանի ներկայացուցչին Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ) Բասկետբոլիստ Մականի Ուայթսայդ Քրքորյանը վիրահատվել է Հայաստանի ֆուտբոլի կանանց հավաքականը պարտվեց ռումինացիներին՝ 0:5 (տեսանյութ) «Ուրարտուն» ու «Վանը» խաղացին ոչ ոքի (տեսանյութ)