Գնացե՛ք և ընտրե՛ք, և իմացե՛ք, որ ոչ ոքին չընտրելու ձեր ներքին ըմբոստությունը Նիկոլի օգտին է. Միքայել Մինասյան

Արման Թաթոյանը զուտ Հայաստանի Մարդու իրավունքների պաշտպանը չէ, ոչ էլ՝ երկրի խիղճը: Նա երկրի միակ աշխատող պաշտոնյան է, աշխատող միակ օղակը: Մարդ, որը փոխարինում է ԱԳ նախարարին, ԱԻ նախարարին, Հ1-ին և, նույնիսկ, հասարակությանը: Այս մասին իր ֆեյսբուքյան էջում գրել է Սուրբ Աթոռում ՀՀ նախկին դեսպան Միքայել Մինասյանը:

«Արման Թաթոյանը զուտ Հայաստանի Մարդու իրավունքների պաշտպանը չէ, ոչ էլ՝ երկրի խիղճը: Նա երկրի միակ աշխատող պաշտոնյան է, աշխատող միակ օղակը: Մարդ, որը փոխարինում է ԱԳ նախարարին, ԱԻ նախարարին, Հ1-ին և, նույնիսկ, հասարակությանը:

Նա աշխատում է բոլոր այն մարդկանց փոխարեն, ովքեր ի պաշտոնե կամ բնազդներից դրդված պետք է գոնե բանավոր ռեակցիա տային ամեն օր Հայաստանի տարածքում մեծացող անվտանգության սպառնալիքներին, բայց լուռ են՝ հասարակության անտարբերության «բարձր հովանու» ներքո:

Պարզվեց, որ երկիրը հասարակության մեծ մասի խ…. չի: Նրանք ձևացնում են, թե ամեն ինչ լավ է՝ ապացուցելով փաստը, որում այլևս կասկածելու տեղ չկա. Նիկոլը մտածված, պաշտպանված ընտրություն էր, որի իշխանության կատաստրոֆիկ հետևանքները հասարկության մի մասի համար ընդունելի են: Ապացույցը համատարած լռությունն է:

Ուղիղ երկու շաբաթից Հայաստանի ամենագիտակցված ընտրությունն է լինելու: Հայաստանի պատմության մեջ երբեք նման բան չի եղել. բոլոր ֆավորիտների մասին բոլորը ամեն բան գիտեն:

Բոլորի անցած ուղին պարզ է, թերություններն ու բացթողումները՝ ակնհայտ, թիմերի կազմը՝ հրապարկային, անելիքները՝ հասկանալի:

Եվ բոլոր նրանք, ովքեր իրենց «բարձունքից իջնելով» հայտարարում են, թե հիասթափվել են ու չեն ընտրելու, հույս ունեմ, մի օր էլ իրենց հարազատների դիերը որևէ նկուղի հատակին չեն հայտնաբերի 7 ամիս անց:

Գնացե՛ք և ընտրե՛ք ըստ իրականության և իմացե՛ք, որ ոչ ոքին չընտրելու ձեր ներքին ըմբոստությունը Նիկոլի օգտին է:

2021թ. հունիսի 21-ի Հայաստանը լինելու է հենց այն Հայաստանը, որն ուզել է Հայաստանի ժողովուրդը՝ իմանալ, հասկանալով ու տեսնելով: Հունիսի 21-ի Հայաստանի միակ մեղավորը, պատասխանատուն և շահառուն Հայաստանի քաղաքացին է լինելու:

Իրական ընտրությունը Նիկոլի Հայաստանի և այն Հայաստանի միջև է, որն ունեինք ու մի օր գուցե նորից ունենանք»:

Այս թեմայով Միայն հայկական ինքնություն չունեցող մարդը կարող է ասել՝ սա մեզ չի պատկանում. Տեր Միքայել Աջապահյան (տեսանյութ) Ներկայում մոտ 900 անձի նկատմամբ կիրառվել է տնային կալանք և վարչական հսկողություն․ Մինասյան Ոչ մեկ չի կարող թաքնվել կեղծ հրահանգների հետևում. Մինասյան ՀՀ-ի իրականացրած հակակոռուպցիոն բարեփոխումները արժանացել են միջազգային բարձր գնահատականի․ Մինասյան 900 հոգի չի հայտնվել բանտում, որովհետև դատարանն արդեն կարողանում է տնային կալանք տալ. Մինասյան Յուրի Մինասյանի սպանության մեջ մեղադրվող անձը հայտնաբերվել է․ մանրամասներ Միքայել Վարդանյանի 117 մլն. դրամ աջակցության շնորհիվ Մասիս խոշորացված համայնքում ամբողջությամբ կլուծվի աղբահանության խնդիրը Փաշինյանը տարօրինակ զուգադիպությամբ սկսել է հենց իր ծննդավայրից՝ Տավուշից․ Գագիկ Մինասյան Համախմբվենք ու՞մ շուրջ․ թշնամու օրակարգը սպասարկող խմբի շու՞րջ․ Արծվիկ Մինասյան Օրվա իշխանության կողմից հաճախ հանդիպում ենք նման մոտեցման՝ կապ չունի՝ դրական եզրակացություն է, թե ոչ՝ չենք ուզում ու վերջ․ Արծվիկ Մինասյան