Խեցգետնի պաշարը Սևանա լճում կազմում է 105 տոննա

ՀՀ շրջակա միջավայրի նախարարի պաշտոնակատար Ռոմանոս Պետրոսյանը 

ներկայացրեց Սևանա լճում և նրա ջրահավաք ավազանում ձկնատեսակների, խեցգետնի արդյունագործական պաշարների չափերը:

«ՀՀ 2020 թ պետական բյուջեի կատարան մասին» տարեկան հաշվետության ներկայացմանը նա, մասնավորապես, ասաց, որ Սևանա լճի համալիր ծրագրով 2020-ին նախատեսված է եղել 2 միջոցառում, փաստացի ծախսը կազմել է 68.2 մլն դրամ, որից Սևանա լճում ձկան և խեցգետնի պաշարի հաշվառման համար՝ 7.6 մլն դրամ: Նա ներկայացրեց  Սևանա լճի ձկնատեսակները, խեցգետնի արդյունագործական պաշարները՝ համաձայն ԳԱԱ-ի կենդանաբանության և հիդրոէկոլոգիայի գիտական կենտրոնի՝ «Սևանա լճում և նրա ջրահավաք ավազանում ձկան և խեցգետնի պաշարի հաշվառում» միջոցառման ավարտական հաշվետվության:

«2020 թվականին սիգը կազմել է 586 տոննա, արծաթափայլ լճածածան (կարասը)՝ 27 տոննա, Սևանի իշխանը՝ 4.56 տոննա: Խեցգետնի ընդհանուր պաշարը ուսումնասիրություններով այս պահին կազմում է 105 տոննա»,- ասաց նախարարի պաշտոնակատարը:

Սևանա լճի ջրածածկ տարածքներից 2005-2020 թթ. մաքրվել է 2300 հա, որից 1983 հա՝ պետբյուջեի միջոցներով, 321 հա՝ ֆիզիկական անձանց կողմից: Հետագա մաքրման ենթակա տարածքը կազմում է շուրջ 1545 հա:

2020 թվականի պետական բյուջեով Շրջակա միջավայրի նախարարության կողմից իրականացված 5 ծրագրերում ներառված 29 միջոցառումների համար նախատեսված է եղել շուրջ 7 մլրդ 578 մլն դրամ: Նախարարության 2020 թվականի պետական բյուջեն, առանց միջազգային դրամաշնորհային ծրագրերի, կատարվել է 90.5 տոկոսով: Փաստացի ծախսը կազմել է 5 մլրդ 421 մլն դրամ, որը 2019-ի ցուցանիշից ավել է 221 մլն դրամով կամ մոտ 4.3 տոկոսով: Դա հիմնականում պայմանավորված է հիդրոօթերևութաբանության ծրագրի՝ Շրջակա միջավայրի նախարարության բյուջե ներառմամբ:

Այս թեմայով Տավուշի վարչական ղեկավարներին ընդգրկել են սահմանազատման հանձնաժողովին Էդգար Սևիկյանը «Ֆերենցվարոշ»-ի կազմում դարձել է Հունգարիայի չեմպիոն Սևանա լճից դուրս է բերվել ապօրինի տեղադրված 184 խեցգետնաորսիչ ՀՀ-ի տարածքը կազմում է 29.743 քկմ, բացե'ք աշխարհագրության դասագրքերը. Ռուբինյանը ընդդիմությանը «Հրապարակ». Ադրբեջանի կազմում, թե՞ կազմից դուրս Սևանա լճի մակարդակը վերջին 1 ամսվա ընթացքում բարձրացել է 9 սանտիմետրով Սևանա լճի մակարդակը ապրիլի 1-7-ն ընկած ժամանակահատվածում բարձրացել է 2սմ-ով Ողբերգական ավտովթար՝ Տավուշի մարզում․ մի քանի տոննա հեղուկ գազ տեղափոխող «Iveco»-ն կողաշրջվել է Փաշինյանը Բելգիա է մեկնել 21-հոգանոց պատվիրակության հետ, որի կազմում է նաև Աննա Հակոբյանը Տո լա՜վ է, որ գործիք չե՞ք, բա ինչու՞ Արցախը ճանաչեցիք Ադրբեջանի կազմում, վաղուց թուրքական գործիք եք