Ամենախոշոր նվիրատվությունները ստացած պաշտոնյաների 10-յակը

Կառավարությունը նախորդ տարի փոփոխություն կատարեց պաշտոնատար անձանց գույքի և եկամտի 2019 թվականի տարեկան հայտարարագրերում՝ հանրությանը հասանելի դարձնելով պաշտոնյաների ունեցվածքի վերաբերյալ  ավելի մանրամասն տվյալներ։ Մասնավորապես՝ պաշտոնատար անձինք այսուհետ պետք է նշեն իրենց նվիրատվություն կատարած անձի անուն-ազգանունը, անվանական հայտնեն, թե իրենց եկամուտները որտեղից են ձևավորվում, առանձնացված նշեն, թե որքան ֆինանսական միջոցներ ունեն՝ կանխիկ և բանկային հաշվին։ Այդ հայտարարագրերի ուսումնասիրությունից պարզ է դառնում, որ հեղափոխությունից հետո մի շարք պաշտոնյաներ բավական խոշոր նվիրատվություններ են ստացել, մինչդեռ 2018 թվականին Նիկոլ Փաշինյանը հայտարարում էր, որ նման երևույթը իբրև կոռուպցիայի դրսևորում պետք  է կառավարման համակարգից արմատախիլ անել: Չարվեց: Դիցուք՝ այն պաշտոնյաների ցանկը, ովքեր հեղափոխությունից հետո հաջողակ են գտնվել խոշոր նվերներ ստանալու հարցում:

Վարչական դատարանի դատավոր Ռուզաննա Ազրոյանը 2018-ին ստացել է 30 000 դոլարի նվիրատվություն՝ գույքի տեսքով:

ԲԴԽ անդամ Լիպարիտ Մելիքջանյանը 2019-ին ստացել է 2 000 դոլար գումարի նվիրատվություն:

Իսրայելում ՀՀ դեսպան նշանակված Արմեն Սմբատյանը և վերջինիս կինը Դուբայում և Մոսկվայում ավտոտնակ և բնակարան են հայտարարագրել` որպես նվիրատվություն, որը ստացվել է 2019 թվականին:

ԿԲ նախագահ Մարտին Գալստյանը հայտարարագրել է 2,000,000.00 դրամի նվիրատվություն, որը ստացվել է 2020 թվականին:

Պետական եկամուտների թիվ 3 վերլուծության բաժնի պետ Սուրեն Գալստյանը գույքի, եկամուտների և փոխկապակցված անձանց վերջին  հայտարարագրում նշել է 3 «հատ» 1․9  միլիոն դրամի նվիրատվություն։ Ուշագրավ է, որ պետական համակարգի սույն պաշտոնյան պարբերաբար և այսպիսի «համարափ» նվիրատվություններ և կամ օգնություններ է ստանում։

Վարչապետի աշխատակազմի արդեն նախկին ղեկավար Էդուարդ Աղաջանյանը որպես նվիրատվություն է հայտարարգրել 800 հազար դրամը:

2020-ին Եղեգնուտ համայնքի ղեկավարի տեղակալի պաշտոնը ստանձնած  Համլետ Մանուկյանը նվիրատվություն է ստացել միանգամից 5 ավտոմեքենա՝ OPEL,TOYOTA. MITSUBISHI, VOLKSWAGEN, PORSCHE

Երևանի նախկին փոխքաղաքապետ Հայկ Սարգսյանը նվիրատվության կամ օգնության կարգով ստացված գույքը, դրամական միջոցները բաժնում նշել է 580 000 ռուսական ռուբլի եկամտի մասին:

ՀՀ ԶՈՒ ԳՇ պետ Արտակ Դավթյանը 2018-ին ստացել էր 22 միլիոն 250 հազար դրամի նվիրատվություն կամ օգնության կարգով ստացված գույք:

Պատգամավոր, իմքայլական Աննա Կարապետյանի՝ նվիրատվության կամ օգնության կարգով ստացված գույքը, դրամական միջոցները՝ բացառությամբ աշխատանքի, ծառայության տեսքով ստացած, կազմել են 2,400 և 3,500 դոլար:

Այս թեմայով Ապրիլի 25-ի դրությամբ հայ–ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն Ինչպես Կառավարության շենքից «անհետացան» Տավուշի սահմանամերձ համայնքների ղեկավարները (տեսանյութ) Տավուշի վարչական ղեկավարները կանչվել են կառավարություն. Բագրատ Սրբազան էկոնոմիկայի նախարարությունը նոր գլխավոր քարտուղար ունի Ասել ու կրկին ասում եմ` Հայաստանում չի կարող լինել երկրորդ կառավարություն. Փաշինյան ԼՂ նախկին վերնախավը չի հրաժարվում թշնամական հարվածների փարոսիկի դերից. ՀՀ-ում մեկ կառավարություն կա Գրավադրված ոսկին ստանալու համար ԼՂ-ից բռնի տեղահանվածները պետք է դիմեն Ֆինանսների նախարարություն Հայաստանի Հանրապետությունում բացի ՀՀ կառավարությունից, որևէ այլ կառավարություն չի կարող գոյություն ունենալ. վարչապետ Ոչ մի ԼՂ վտարանդի կառավարություն չկա, սա մարտահրավեր է մեր ազգային անվտանգությանը. Փաշինյան ԱՆ փոխնախարարը ներկայացրել է՝ ՀՀ-ում ինչ քայլեր են իրականացվում Հռոմի ստատուտի վավերացումից հետո