ՄԻՊ-ը պետք է վարույթ հարուցի և առնվազն հայտարարությամբ հանդես գա անհապաղ․ Արամ Վարդևանյան
Политические
«Հայաստան» դաշինքի կենտրոնական շտաբի պաշտոնական ներկայացուցիչ, սահմանադրագետ Արամ Վարդևանյանը հայտարարություն է տարածել, որում ասվում է․
«Զարմանալի չէ՝ վերջին շրջանում նման հոգեկան հուզմունքի դրսևորումները։ Դրանք իհարկե մեզ համար և հանրության ստվար զանգվածի համար դարձել են նորմալ։ Այս մասին Yerevan.Today-ի հետ զրույցում ասել է «Հայաստան» դաշինքի կենտրոնական շտաբի պաշտոնական ներկայացուցիչ, սահմանադրագետ Արամ Վարդևանյանը, անդրադառնալով այսօր Նիկոլ Փաշինյանի կողմից հնչեցված հայտարարություններին՝ վենդետաների, քաղաքական հաշվեհարդարի, և նման այլ տեսակ ձևակերպումներով խոսքին։
«Դրանք դեռևս կատարվում էին, երբ դատարանները շրջափակելու կոչեր էին արվում, դատավորների նկատմամբ ինչպիսի արտահայտություններ էր արվում։ Դրանք գրեթե մշտապես համընկնում են սոցհարցումների կամ վարկանիշի վերաբերյալ օբյեկտիվ պատկերը իմանալուց հետո։ Հիմա արդեն ակնհայտ են «Հայաստան» դաշինքի վարկանիշի վերաբերյալ և հանրության աջակցության վերաբերյալ տվյալները, կարծում եմ դրանով է այս ամբողջը պայմանավորված»,- նշել է նա։
Վարդևանյանը հատուկ ընդգծել է, որ Փաշինյանի խոսքը աներկբա է, որ ատելության խոսք է․
«Այս ատելության խոսքը հնչում է, չնայած հաշված օրեր են մնացել, բայց ամեն դեպքում դեռևս փաստացի իշխանության դիրքից հանդես եկող բարձրագույն պաշտոնյայի կողմից։ Սա իրենից ենթադրում է խիստ դատապարտելի ատելության խոսք, որի մասով կարծում եմ մարդու իրավունքների պաշտպանը՝ պարոն Թաթոյանը պետք է վարույթ հարուցի և առնվազն հայտարարությամբ հանդես գա անհապաղ»»,- ասված է հայտարարության մեջ։
Самое популярное 
Запад «смывает» с Пашиняна вину за сдачу Арцаха
