Գրպանից` բյուջե՞, թե՞ հակառակը. ո՞ւր են իրականում հոսել միլիարդավոր դրամները

Նիկոլ Փաշինյանն այսօր հերթական մանիպուլատիվ հայտարարությունն է արել` պնդելով, որ վերջին երեք տարիների ընթացքում իրենք կտրել են փողը պաշտոնյաների գրպանից և այն լցրել են բյուջե: Դիտարկենք՝ այդպե՞ս է արդյոք, թե սա հերթական պոպուլիստական թեզն է, որով Փաշինյանը փորձում է դիվիդենտներ հավաքել:

2020 թվականին պետական ապարատում պարգևավճարների ընդհանուր չափը կազմել է 37,726,518,339 դրամ, որը համարժեք է 78.6 միլիոն ԱՄՆ դոլարին։ Մեկ միլիարդից ավելի չափով պարգևավճարներ բաժանվել են 8` մեծամասամբ ուժային կառույցներում։ Պարգևատրումների ամենամեծ չափը բաժին է ընկել Ոստիկանությանը՝ 9,440,069,160 դրամ, որին հաջորդում է Պետական եկամուտների կոմիտեն՝ 6,596,396,100 դրամով։ Ազգային անվտանգության ծառայությունում պարգևատրվել են 3,085,119,370 դրամի չափով, Դատական դեպարտամենտում՝ 2,148,554,350 դրամի չափով, Արտակարգ իրավիճակների նախարարությունում և փրկարարար ծառայությունում միասին պարգևատրվել են 2,110,431,950 դրամի չափով։  Վարչապետի աշխատակազմը՝ 1,634,215,530 դրամի պարգևատրումներ է ստացել։ Ցանկը եզրափակում են Քննչական կոմիտեն՝ 1,398,243,200 և ԱՆ Քրեակատարողական ծառայությունը՝ 1,171,096,310 դրամի չափերով։ Դատախազությունում՝ 909,664,420 դրամ։ Իսկ Ազգային ժողովում պատգամավորներն ու ԱԺ աշխատակազմի աշխատակիցները պագևատրվել են 551,319,770 դրամի չափով։ Հանրապետության մայրաքաղաքի քաղաքապետարանում և վարչական շրջաններում պագևատրումները կազմել են 295,563,645 դրամ, ինչը անհամեմատ քիչ է կառույցում նախորդ տարվա պարգևատրումների չափից։

2020 թվականին՝ թվարկված աղետների պայմաններում, շուրջ 3 միլիարդ դրամով ավելի շատ պարգևավճար է հատկացվել, քան նախորդ՝ 2019 թվականին, որի ընթացքում պարգևավճարների ընդհանուր չափը կազմել է 34,759,381,910 դրամ: Իսկ 2018 թվականին մայիսի 9-ից՝ Նիկոլ Փաշինյանի իշխանությունը ստանձնելուց ի վեր, պետական ապարատում պարգևավճարների ընդհանուր չափը կազմել է 15,744,577,969 դրամ։ Փաստենք, որ   Նիկոլ Փաշինյանի իշխանության օրոք հատկացվել է 98 միլիարդ 271 միլիոն դրամի պարգևավճար, որը համարժեք է ավելի քան 204 միլիոն ԱՄՆ դոլարին։

Այդ նույն ժամանակ բյուջեի հավաքագրման հարցում Փաշինյանը ունեցել է և ունի խնդիրներ: ՊԵԿ կողմից հրապարակված տվյալներից պարզ է դառնում, որ 2020 թվականի արդյունքները պակաս են 2019 թվականի արդյունքներին, սակայն, ամեն դեպքում, ավելին են, քան եղել են 2018 թվականին: Եվ կրկին այդ ամենի պատճառը կորոնավիրուսային իրավիճակն ու դրանով պայմանավորված արտակարգ դրությունն էր, երբ մի քանի ամիս տնտեսությունն ուղղակի կանգ առավ: Ըստ այդմ, 2020 թ. հունվար-հուլիս ամիսներին ավելացված արժեքի հարկի գծով մուտքերը կազմել են 253.9 մլրդ դրամ, որը 2019թ. համապատասխան ցուցանիշին զիջում է 6.6 %-ով, սակայն 2018թ. ցուցանիշը գերազանցում է 11.6 %-ով, շահութահարկի գծով մուտքերը կազմել են 102?5 մլրդ դրամ, որը 2019թ. համապատասխան ցուցանիշից պակաս է 15.4 %-ով, իսկ 2018թ. ցուցանիշից պակաս է 3.7 %-ով:

Ինչպես տեսնում ենք՝ բյուջեի մուտքերի էական կրճատումը որևէ կերպ չի ստիպել ՔՊ-ականներին վերանայել փողի ուղղվածությունը, այն միևնույն է շարունակվել է ուղղվել վերջիններիս գրպաններ...

Այս թեմայով Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ) Փաշինյանը չի պատրաստվում գնալ արտահերթ խորհրդարանական ընտրությունների Էսօր ժողովրդի մեջ մեծ անվստահություն կա. բերքաբերցին Փաշինյանին առաջարկեց նոր ընտրություններ անցկացնել (տեսանյութ) Ես սա անում եմ, որ ՀՀ-ն ի վերջո դառնա անկախ պետություն, ոչ թե ֆորպոստ․ Փաշինյան (տեսանյութ) Քաղաքացիների իրական վերաբերմունքը` «հեղափոխականներին» Փաշինյանի որոշմամբ՝ սահմանվել է Մեծ Բրիտանիայում ՀՀ դեսպանությանը կից ռազմական կցորդի հաստիք