Շիրինյան-Բաբաջանյան ժողովրդավարների դաշինքը քարոզարշավ իրականացրեց Վարդենիսում

Շիրինյան-Բաբաջանյան ժողովրդավարների դաշինքը Գեղարքունիքի մարզի Վարդենիս համայնքում քարոզարշավ իրականացրին:

«Արմենպրես»-ի հաղորդմամբ՝ դաշինքի ցուցակի երկրորդ համար, Քրիստոնեա-ժողովրդավարական կուսակցության առաջնորդ Լևոն Շիրինյանն իր ելույթը սկսեց «Աստվածաշնչից» մեջբերում անելով, որ եկել է քարերը հավաքելու ժամանակը:

«Մենք եկել ենք Հայաստանը վերափոխելու, ժամանակակից երկիր դարձնելու շատ հստակ առաջարկով: Խորհրդարանական մեր պայքարն իսկական պայքար է պետականության համար:  Մենք պետք է ուժեղացնենք բոլոր ուժերը, պետությունը դարձնել այնպիսին, որը կունենա անվտանգության բարձր չափանիշ: Այդ ամենը կարող ենք անել միայն այն պարագայում, երբ ունենանք ժամանակակից գիտություն, գյուղատնտեսություն, մշակույթ ու արդիական կառուցվածք»,- նշեց Շիրինյանը:

«Հանուն հանրապետության» կուսակցության ղեկավար մարմնի ներկայացուցիչ, դաշինքը գլխավորող Արման Բաբաջանյանն էլ ընդգծեց, որ Արցախյան 44-օրյա պատերազմի հետևանքով Վարդենիսը խոցելի է դարձել:

«Մեզ անհրաժեշտ է ուշադրությունը կենտրոնացնել սահմանային բնակավայրերի ուղղությամբ: Մենք պատկերացում ունենք, թե այդ ամենի համար ինչ աշխատանք պետք է իրականացնենք»,- ասաց Բաբաջանյանը:

Նրա խոսքով՝ առաջիկա արտահերթ խորհրդարանական ընտրությունները որոշելու են ելքը, Հայաստանի լինել-չլինելու հեռանկարը: Դաշինքի առաջնորդը նկատեց, որ հենց այս ընտրություններից հետո պարզ կլինի՝ ՀՀ-ն կլինի անկախ, ժողովրդավար, իր ճակատագիրը որոշող երկիր, թե մի մեծ կայսրության «ծայրամասային գուբերնիա»:

«Մեր պատկերացմամբ՝ չպետք է լինի կոռուպցիայի դեմ պայքար, այլ՝ պետական դավաճանության դեմ»,- շեշտեց Բաբաջանյանը և հավելեց, որ այս ուղղությամբ իրենք հիմնարար անելիքներ ունեն:

Այս թեմայով Վարդենիսում 13-ամյա աղջկա են բռնաբարել Երևանի Բաբաջանյան և Իսակով փողոցները՝ անձրևից հետո (տեսանյութ) Վարդենիսում էլ ենք դպրոց սարքում, ու թող էլ չասեն՝ էս ինչ բանը փակում են, որովհետև տալիս են Մարզպետը արցախցիներին հորդորել է մնալ ու շարունակել ապրել Վարդենիսում՝ տուրք չտալով սադրիչ լուրերին Վարդենիսում զոհվածի հորը մինչև 400 հազար դրամ հարկել են․ բողոքի ակցիայի մասնակից «Վարդենիսում ամեն ինչ փակելը լավ տեղ չի տանելու». Թագուհի Թովմասյան Վարդենիսում լարված իրավիճակ է. բնակիչները ճանապարհ են փակել Մահվան ելքով վրաերթ Բաբաջանյան փողոցում Մահվան ելքով վրաերթ Վարդենիսում Բեռնատարները Երևանի Բաբաջանյան փողոցում ընկել են մեծ փոսը