ԼՀԿ-ն ուզում է հասնել նրան, որ ընտրություններում ոչ մի ուժ չստանա 51 տոկոս ձայն. Մարուքյան
Общество
«Լուսավոր Հայաստան» կուսակցությունն ակնկալում է, որ առաջիկա ընտրություններում որևէ ուժ չի ստանա 51 տոկոս ձայն, խորհրդարան կանցնեն համերաշխություն բերող ուժեր, և ԼՀԿ-ն կպարտադրի ազգային համերաշխության կառավարության ձևավորում:
«Առաջին բանը, որ ԼՀԿ-ն ուզում է անել, հասնելն է նրան, որ ոչ մի ուժ չունենա 51 տոկոս ձայն, որ ամբարտավանությունը երկրում դադարեցվի»,- ասաց Մարուքյանը:
Ըստ նրա՝ Նիկոլ Փաշինյանը չի հավաքելու իր ակնկալած 60 տոկոսից ավելի ձայնը, Մարուքյանը վստահ է, որ որևէ այլ ուժ ևս այդքան ձայն չի հավաքելու: «Կարևոր է այն, որ մտածող, ժողովրդի համար անհանգիստ և հիմնականում համերաշխություն բերող ուժեր մտնեն խորհրդարան՝ «Լուսավոր Հայաստան»-ի գլխավորությամբ, և մենք պարտադրենք ազգային համերաշխության կառավարության ձևավորում: Իսկ եթե մի ուժ ստանում է 51 տոկոսը, ունի օրակարգ՝ ոչնչացնել իր հակառակորդներին, դրա արդյունքում ոչնչանալու ենք բոլորս»,-ասաց Մարուքյանը:
Նա կրկին խոսեց քաղաքական ուժերի՝ միմյանց նկատմամբ վերաբերմունքից՝ նկատի ունենալով հատկապես Նիկոլ Փաշինյանիn և Ռոբերտ Քոչարյանին: «Երկրի վիճակն այնպիսին է, որ ճոխություն է հիմա իրար ատելը, ոչնչացնելու պլաններ մշակելը, պետք է պլան մշակել, թե ադրբեջանցիներին ինչպես հանել Սյունիքից և Գեղարքունիքից, պլան է պետք մշակել բանակը, տնտեսությունը վերականգնելու»,- ասաց նա՝ վստահեցնելով, որ ԼՀԿ-ն գիտի, թե ինչպես:
Самое популярное 
Сирия обвинила Израиль в нанесении ударов по объектам противовоздушной обороны страны
