Չենք ճանաչում ԿԸՀ որոշումը, կբողոքարկենք. Տիգրան Արզաքանցյանի թիմը հայտարարություն է տարածել

Հայաստանի դեմոկրատական կուսակցությունը չի ճանաչում ԿԸՀ կողմից կուսակցության վարչապետի թեկնածու Տիգրան Արզաքանցյանին չգրանցելու որոշումը և սա համարում է քաղաքական կողմնակալության դրսևորում։ Այս մասին հայտարարություն է տարածել ՀԴԿ-ն:

Հայտարարությունում նաեւ ասվում է.

«Կարծում ենք, այս որոշումը կայացվել է ճնշման ներքո, քանի որ Դեմոկրատական կուսակցությունը վերածվել է լուրջ ուժի, իսկ Տիգրան Արզաքանցյանն այս ընթացքում ձեռք է բերել այնպիսի համբավ, որ վայելում է տասնյակ հազարավոր ընտրողների վստահությունը։

Նշենք, որ կուսակցական բոլոր փաստաթղթերն ընդունվել և գրանցվել են, օրենքը հետադարձ ուժ չունի: Որոշումը շուտով կբողոքարկվի դատարանում:

Դեմոկրատական կուսակցության առաջնորդի հեռացումը կասկածի տակ է դնում հունիսի 20-ի ընտրությունների օրինականությունն ընդհանրապես։

Ակնհայտ է, որ Կենտրոնական ընտրական հանձնաժողովը նմանատիպ որոշումներ մեկ անգամ չէ, որ կայացնելու է և սա թույլ է տալիս կասկածել նաև ընտրությունների արդյունքների վերաբերյալ հետագա արդարությանը: Միասին պաշտպանենք պետությունը ցանկացած անօրինական քայլերից»:

Հիշեցնենք, որ երեկ ԿԸՀ-ն որոշում էր կայացրել չեղարկել Տիգրան Արզաքանցյանի գրանցումը որպես պատգամավորի թեկնածու:

Այս թեմայով Բրիտանական դատարանը առգրավել է Տիգրան Արզաքանցյանի կնոջ` թագավորական այգիների մոտ գտնվող բնակարանը Բոլոր անձերի և կուսակցությունների հետ պատրաստ եմ ճանապարհ գնալ․ Տիգրան Արզաքանցյան Տիգրան Արզաքանցյանի կինը նշանակվել է ՀՀ մարմնամարզության ֆեդերացիայի փոխնախագահ Տիգրան Արզաքանցյանի բանկային հաշիվները կալանքի տակ են. «Փաստինֆո» Տիգրան Արզաքանցյանին սպառնացե՞լ են․ Aravot.am Վերջում նրանք հաղթում են. Տիգրան Արզաքանցյան «Դուռը, որը փակվեց` քոնը չէր». Տիգրան Արզաքանցյան Մենք պատրաստ ենք արդյունավետ համագործակցել. Նիկոլ Փաշինյանը հանդիպել է Տիգրան Արզաքանցյանի հետ Տիգրան Արզաքանցյանը կատարեց իր ընտրությունը Ընտրարշավի ընթացքում ռեյտինգի բարձրացումը մտավախություն է առաջացրել իշխանությունների մոտ․ Արզաքանցյանը կշարունակի պայքարը