ԲՀԿ-ում արդեն պատրաստվում են նշել հաղթանակը Վեդիում Գարիկ Սարգսյանը պարտվում է Վանաձորի 7 ընտրատեղամասերում ՔՊ-ն պարտվում է ընդդիմությանը Արտիմետ, Գայ և Գառնահովիտ գյուղերում առաջատարը «Զարթոնք» կուսակցությունն է Հանցավոր 6 ընտրախախտում՝ Լոռու ՏԻՄ ընտրություններում Հարոյանը մասնակցեց «Կադիս»-ի անհաջող խաղին Արմավիրում հաղթանակ տարավ ՔՊ-ն Ախուրյան համայնքում ՔՊ-ն հաղթում է Գեղամավան գյուղում հաղթել է ՀՅԴ-ն Առաջին տվյալները Արարատի մարզից․ Մասիս գյուղում ՔՊ-ն պարտվել է 

Մենք եղել ենք, կանք, ապրելու ենք մեր տանը, ստեղծագործելու ենք մեր սեփական հողի վրա․ Արա Աբրամյան

Բլոգոսֆերա
Հայաստանի Հանրապետության Ազգային ժողովի արտահերթ ընտրությունների մասնակցության վերաբերյալ Արա Աբրամյանի հայտարարությունը.
 
Մենք այստեղ ենք՝ տանը, և ես կոչ եմ անում Հայաստանի, Արցախի և սփյուռքի առողջ հայրենասեր ուժերին, որոնք մտահոգ են մեր երկրի և ժողովրդի ճակատագրով, միավորվել հանուն մեր հայրենիքի անկախության պահպանման, հանուն ազատ, հզոր, արժանապատիվ և բարեկեցիկ պետության:
 
-Սիրելի բարեկամներ, Հայաստանում, Արցախում և ամբողջ աշխարհում ապրող հայրենակիցներ,
 
Մեր հայրենիքն այժմ համակարգային ճգնաժամի մեջ է՝ պատերազմից վիրավոր ու խոշտանգված, համաճարակի հետևանքներից, սոցիալական հակասություններից և բաժանարար գծերից հոգնած ու տանջահար։
 
Դա պայմանավորված է նախորդ և ներկա իշխանությունների գործողություններով, նրանց արհեստավարժության բացակայությամբ և տիրող կաշառակերությամբ, պետության և քաղաքացիների խնդիրների նկատմամբ նրանց անտարբերությամբ, ջախջախված ու պարտված պատերազմի ելքով, չլուծված սոցիալական և տնտեսական խնդիրներով, եկամուտների բացակայությամբ:
 
Անցած երեք տարիների ընթացքում իրավիճակն այնքան է սրվել, որ այսօր սպառնալիքի տակ են թե՛ հայկական անկախ պետության գոյությունը, որի մասին մեր նախնիները երազում էին, և թե՛ երկրի բնակչության կյանքն ու անվտանգությունը:
 
Թուրք-ադրբեջանական միավորված ուժերը, չնայած մեր քաջարի զինվորների 44-օրյա հերոսական դիմադրությանը, դաժան հարված հասցրին Հայաստանի սրտին՝ Արցախին՝ խախտելով բոլոր միջազգային իրավական և քաղաքակրթական չափորոշիչները, ոտնձգություն կատարելով ինքնիշխան Հայաստանի տարածքում՝ առանց երկրի իշխանություններից պատշաճ հակահարված ստանալու, երբեմն էլ՝ նրանց բարի կամքի դրսևորմամբ:
 
Այսօր մենք պետք է համախմբվենք, որպեսզի հաղթահարենք երկրի նախկին բոլոր իշխանությունների կառավարման բերած օրհասական հետևանքները, որոնց հինգերորդ մասը Փաշինյանի ռեժիմն էր՝ իր բաժանարար գծերով, հոգևոր, բարոյական հիմքերի ու ավանդույթների թուլացմամբ և ոչնչացմամբ, գործնականում զրոյից կառուցելու այն Հայաստանը, որի մասին մենք երազում ենք:
 
Նոր ու հզոր Հայաստան ձևավորելու գործընթացում Սփյուռքի դերն ու մասնակցությունն ավելի կարևոր են, քան երբևէ: Ահա, թե ինչու այս ճակատագրական օրերին ինձ հետ Հայաստանում են Ռուսաստանի հայերի միության տասնյակ տարածաշրջանային մասնաճյուղերի ներկայացուցիչներ, այլ երկրներից ժամանած աջակիցներ:
Հայաստանը մեր ճակատագիրն է, մեր ընդհանուր տունը, և մենք ոչ ոքի թույլ չենք տա ոչնչացնել այն: Մենք կուժեղացնենք այն և կստեղծենք հայ ժողովրդի համար ապահով, սոցիալապես արդար և սիրված երկրում ապրելու պայմաններ և հնարավորություն:
 
Մենք ոչ միայն պետք է փոխենք գործող կառավարությունը, այլև կառուցենք նոր քաղաքական համակարգ, որը հիմնված կլինի նախագահական կամ կիսանախագահական կառավարման և սփյուռքի ներգրավվածության արդյունավետ մեխանիզմի վրա (օրինակ, սփյուռքի համար ներկայացնել փոխնախագահի պաշտոնը և ԱԺ-ում ստեղծել Սփյուռքի Պալատ և այլն):
 
Ես և իմ թիմը օգտագործում ենք համաշխարհային քաղաքականության և միջազգային բիզնեսի մեր երկար տարիների փորձը, մեր զարգացումների համակարգը, կայացած և համաձայնեցված նախագծերը՝ Հայաստանի տնտեսությունը զարգացնելու, արտաքին բռնաճնշմանը և մարտահրավերներին համարժեքորեն դիմակայելու համար:
 
Մենք կբուժենք պատերազմի վերքերը, կօգնենք վետերաններին, փախստականներին, հաշմանդամներին:
 
Ձեռք բերելով լավագույն դեղամիջոցները, պատվաստանյութերը և պաշտպանիչ սարքավորումները՝ մենք կարող ենք մեղմել կորոնավիրուսի ազդեցությունը հանրության կյանքում:
Մենք կվերականգնենք հայ քաջ զինվորի բարի համբավը և կզարգացնենք մեր բանակը, որը ոչ միայն հայ ժողովրդի, այլև Հայաստանում ապրող բոլոր ժողովուրդների (եզդիներ, ռուսներ, Ասորիներ և այլք) դարավոր ու հերոսական ավանդույթների կրողն է։
Մենք կվերակենդանացնենք հայկական մշակույթը և կաջակցենք Հայ Առաքելական եկեղեցուն, կամրապնդենք հոգևոր և բարոյական արժեքները:
 
Մենք կստեղծենք բարձր տեխնոլոգիական ձեռնարկություններ, կաջակցենք հողագործությանը և, միևնույն ժամանակ, կսկսենք անցումը դեպի թվային տնտեսություն:
 
Մենք կստեղծենք աշխարհի առաջին թվային պետությունը`«Թվային Հայաստանը», որը կմիավորի ամբողջ աշխարհի հայերին և թույլ կտա արդիականացնել արդյունաբերությունը, գյուղատնտեսությունը և այլ ոլորտներ՝ բարելավելով և հեշտացնելով քաղաքացիների կյանքը:
Բարձրորակ և մատչելի կրթությունը հասարակության և պետության անվտանգության հիմնասյուներից մեկն է: Մենք կզարգացնենք գիտությունն ու կրթությունը, կհամախմբենք աշխարհի լավագույն գաղափարները և երիտասարդներին ժամանակակից կրթության հավասար հասանելիություն կապահովենք:
 
Մենք հայ հասարակությանը կվերադարձնենք այնպիսի ավանդական, բարոյական գենետիկ հասկացություններ, ինչպիսիք են պատիվն ու արժանապատվությունը: Հայ երիտասարդությունը պետք է դաստիարակվի ազգային ավանդույթների ոգով՝ հիմնվելով մեր գնահատանքի արժանի անհատների օրինակների վրա, ովքեր փառաբանում են մեր երկիրն ու ազգը, որոնց անունները գրված են համաշխարհային գիտության, մշակույթի, սպորտի և այլ ոլորտների պատմության մեջ: Երիտասարդների ֆիզիկական դաստիարակության համար մենք կվերականգնենք ու կզարգացնենք հայկական սպորտային փառահեղ ավանդույթները։
 
Մենք կամրապնդենք և նոր ազդակ կհաղորդենք Ռուսաստանի հետ դաշնակցային հարաբերություններին, միևնույն ժամանակ, կզարգացնենք համագործակցությունն աշխարհի այլ երկրների հետ, մեր շուրջը կմիավորենք Հայաստանի բարեկամներին և նրանց մասնակցությամբ այս տարվա աշնանը կանցկացնենք «Արարատյան դաշինք» ֆորումը Երեւանում։
 
Մենք՝ հայերս, խաղաղ և ստեղծագործ ժողովուրդ ենք, այլ ազգերի հետ փոխգործակցության հին ու հաջողակ փորձառությամբ և չենք ցանկանում պատերազմ․ մենք չունենք ավելորդ հայ, մեզ համար թանկ է յուրաքանչյուրը:
 
Բայց եթե մենք զգում ենք, որ վտանգված է մեր ինքնությունն ու մեր տունը՝ Հայաստանը, այդժամ բոլորս կվերադառնանք տուն և կպաշտպանենք մեր ժողովրդին և մեր հայրենի հողը:
 
Մենք եղել ենք, կանք, ապրելու ենք մեր տանը, ստեղծագործելու ենք մեր սեփական հողի վրա: Մենք կօգտագործենք մեր բոլոր միջազգային կապերը, մեր փորձը և գիտելիքները`հայոց պետությունն ամրապնդելու, նրա անվտանգությունն ապահովելու, մեր երեխաների ու թոռների համար արժանապատիվ կյանք, տեսանելի ապագա գալիքը նախանշելու, Հայաստանում հարմարավետ կենսական մթնոլորտ ու միջավայր ստեղծելու, բազմաթիվ հայերի հայրենիք վերադարձի համար։
Այդ պատճառով ես և իմ թիմը Հայաստանում ենք: Մենք ունենք նոր Հայաստան կերտելու կամք, կարողություններ և անսասան ոգի և մենք այն կկերտենք Աստծո հանդեպ ունեցած խորը հավատով և մարդկանց հանդեպ ունեցած հոգատարությամբ:
 
«Հայաստանը մեր տունն է».
 
Այսպես է կոչվում միասնական ցուցակը, որի թիվը քվեաթերթիկում 10-ն է, որի օգտին քվեարկելով դուք կդառնաք մեր թիմի մի մասը: Թիմ, որը սիրում է Հայաստանը, ինչպես դուք և ունակ է ապահովել լավ ապագա ձեզ համար, ձեր երեխաների համար, ունակ է ընձեռել սեփական հողում, սեփական տանն արժանապատիվ ապրելու և աշխատելու հնարավորություն։
 
Մենք պետք է համախմբվենք ցեղասպանությունից փրկված ու հայրենական պատերազմում հաղթած մեր նախնիների անվամբ՝ հանուն մեր 18-ամյա զինվորների վառ ու անմար հիշատակի, ովքեր իրենց կյանքը նվիրեցին՝ պաշտպանելով մեր հայրենիքը՝ Արցախը:
Մեր մեջքին կանգնած է մեր տունը՝ Հայաստանը: Սփյուռքը, դաշնակիցները, քաղաքակիրթ աշխարհը և բոլոր բարի կամեցողները մեզ հետ են:
 
Մենք եղել ենք, կանք ու կլինենք: Եւ միասին մենք կհաղթենք:
Մեր հետնորդները կհպարտանան մեզնով և մեր գործերով:
Հետևե՛ք -ին Youtube-ում`
ԲՀԿ-ում արդեն պատրաստվում են նշել հաղթանակը Վեդիում Գարիկ Սարգսյանը պարտվում էՎանաձորի 7 ընտրատեղամասերում ՔՊ-ն պարտվում է ընդդիմությանը Արտիմետ, Գայ և Գառնահովիտ գյուղերում առաջատարը «Զարթոնք» կուսակցությունն էՀանցավոր 6 ընտրախախտում՝ Լոռու ՏԻՄ ընտրություններում Հարոյանը մասնակցեց «Կադիս»-ի անհաջող խաղին Արմավիրում հաղթանակ տարավ ՔՊ-նԱխուրյան համայնքում ՔՊ-ն հաղթում է Գեղամավան գյուղում հաղթել է ՀՅԴ-նԱռաջին տվյալները Արարատի մարզից․ Մասիս գյուղում ՔՊ-ն պարտվել էԱրարատի մարզի ՏԻՄ ընտրություններում 12 առերևույթ հանցավոր ընտրախախտման դեպքերից 4-ով նյութեր են նախապատրաստվումԱպարան խոշորացված համայնքի 11 գյուղերում նախնական տվյալներով ՔՊ-ն պարտվում է ՏԻՄ ընտրություններին մասնակցել է ընտրողների 42,48 տոկոսըԱդրբեջանի ԶՈւ-ն դարձյալ կրակ է բացել Կարմիր Շուկայի ուղղությամբ Շիրակի մարզի մի շարք համայնքներում ՔՊ-ն առաջատար էՉկալով ու Վարդենիս համայնքներում ՔՊ-ն ևս պարտվել էԱպարանի Չքնաղ գյուղում ՔՊ-ն պարտվել է Առերևույթ հանցավոր 6 ընտրախախտում՝ Լոռու մարզի խոշորացված համայնքների ՏԻՄ ընտրություններում Գրանցվել է քվեարկությունը քվեախցիկից դուրս իրականացնելու առնվազն 167 դեպք Ձայների հաշվարկը՝ Վանաձորի 23/24 ընտրական տեղամասում«Բերե՛ք սրանց սաղին տփենք». լարված իրավիճակ ՊտղնիումԱվարտվեց ՏԻՄ ընտրությունների քվեարկությունը, սկսվել է ձայների հաշվարկըԳեղարքունիքի մարզի Ծովագյուղ և Սեմյոնովկա գյուղերում բնակիչներից ոչ մեկը չի մասնակցել (ՏԻՄ) ընտրություններին«Պետք է սկսենք ասել՝ մաղթում եմ ձեզ այնպիսի օր, որին արժանի եք»․ ԼիլուԳեղարքունիքի մարզում ժամը 17-ի դրությամբ քվեարկել է ընտրողների 36,18 տոկոսըՍրբապղծություն Գեղարքունիքում. թալանել են Արցախյան 44-օրյա պատերազմում նահատակված զինվորի տունը«Անթերի»․ Աննա Դովլաթյանը՝ դասական կերպարումԵս Հանրապետական եմ եղել և դրա համար չեմ ամաչում. Արարատի համայնքապետի թեկնածու ՀՀ 36 խոշորացված համայնքներում ՏԻՄ ընտրություններին մասնակցությունը ժամը 17-ի դրությամբ կազմել է 33,80 տոկոսՀամայնքապետերը կանգնում են ընտրատեղամասի ճանապարհին եւ համագյուղացիներին հորդորում են ընտրել ՔՊ-ինՔերոբյանն ու Մանտուրովը քննարկել են ՀՀ և ՌԴ երկաթուղային համակարգերը միացնելու հնարավորությունները Հանրապետության շրջանների զգալի մասում սպասվում են տեղումներԱյնթապի գյուղապետը, նրա եղբայրը եւ «Դավիթ Համբարձումյան» դաշինքի եւս 2 անդամներն ազատ են արձակվել «Չսովորեցինք հարգել գոնե մեր վիշտը, ոչ լիարժեք ուրախանալ սովորեցինք ուրիշի ուրախությամբ, ոչ լիարժեք ներել կամ ընդունել սխալը»․ Նազենի Հովհաննիսյան Գործող իշխանությունն ամեն գնով փորձում է նվաճել ՏԻՄ մարմինները. Իշխան Սաղաթելյան Ռոմանոս Պետրոսյանի կազմակերպմամբ՝ ՔՊ-ականներն ընտրատեղամասերի առջեւ ուղղորդումներ են անում․ ՀՅԴ Աբովյանի թեկնածուՀայաստանում ոչ մի թուրքական ազդեցության և ուղղակի լրտես չի ձերբակալվել. Ստեփան Դանիելյան Սխալմունք Էջմիածնի ընտրատեղամասերից մեկում․ քաղաքացին մոռացել է քվաթերթիկը քվեախցիկումԵրևանում բախվել են Mercedes-ն ու BMW-ն. վերջինս կոտրել է ծառն ու բախվել էլեկտրասյանը. կան վիրավորներԹումանյան համայնքը շարունակում է առաջատար մնալ ընտրողների ակտիվությամբ«Չարախոսների համար անգամ ժպիտդ է խոսելու առիթ»․ Թամարա ԳեւորգյանՔվեարկեցի հանուն նոր համայնքի և նոր սկզբի. Էդուարդ Բաբայան Չեմ կարծում, որ որեւէ ուժ 50 տոկոսի շեմը կհաղթահարի. ԼՀԿ-ն մաս է կազմելու Վանաձորի կառավարմանը. ԼՀԿ թեկնածու Աբովյանի ԲԿ-ի ՔՊ-ական աշխատակիցը «սպառնում է», որ պարզելու են՝ ով է գնացել ընտրության, ով՝ ոչ Էթերի Ոսկանյանի նուրբ կերպարըԿուտակումներ Հաղթանակ գյուղի տեղամասի մոտ. այնտեղ են մարզպետն ու ՔՊ թեկնածունԴավթաշենի կամրջի տակ հայտնաբերվել է 20-ամյա տղայի դի՝ մի ձեռքը մարմնից անջատվածԱրգավանդում ՔՊ-ականներն ընտրակաշառք են բաժանում. Yerevan today Քվեաթերթիկը նկարահանած երիտասարդը բերման է ենթարկվել. ոստիկանություն Զիջելու միակ տարբերակը ինձ զնդանում փակելն է, ես զիջելու բան չունեմ. էս քաղաքը աճուրդի, զիջելու առարկա չի. Մ. Ասլանյան
Ամենադիտված