Ֆիլիպ Մորրիս Արմենիան հայտարարում է նոր անծուխ սարքի վաճառքի մեկնարկը Հայաստանում

Հասարակություն 14 Հունիս, 2021 10:37

Ֆիլիպ Մորրիս Արմենիան հունիսի 14- ին հայտարարեց, որ սկսում է KT&G ընկերության անծուխ արտադրանքներից մեկի վաճառքը Հայաստանում։ Հայտարարությունը հաջորդում է 2020 թվականի հունվարին Ֆիլիպ Մորրիս Ինթերնեյշնլի (ՖՄԻ) և KT&G-ի՝ ծխախոտի և նիկոտինի առաջատար հարավկորեական ընկերության կողմից ստորագրված համաձայնագրին: Ֆիլիպ Մորրիսի և KT&G-ի միջև համաձայնագիրը նախատեսված է երեք տարվա սկզբնական ժամանակահատվածի համար. այն թույլ է տալիս ՖՄԻ-ին բացառիկ հիմունքներով մատակարարել KT&G անծուխ արտադրանքը և չի սահմանափակում ՖՄԻ-ին սեփական կամ երրորդ կողմի ապրանքներ մատակարարել: Ըստ համաձայնագրի, սարքերը կներկայացվեն IQOS բրենդի ներքո։

Ինչպես նշում է Ֆիլիպ Մորրիս Արմենիա ընկերության գլխավոր կառավարիչ Միհայել Սոլթերը․ «Մեր նպատակն է, որ բոլոր այն չափահաս ծխողներն, ովքեր այլապես չեն ցանկանում կամ չեն կարողանում թողնել ծխելը, որքան հնարավոր է շուտ անցնեն այլընտրանքային պրոդուկնտերի և հրաժարվեն սիգարետից ի շահ իրենց, հասարակության և հանրության առողջության։ Մենք շատ ոգևորված ենք KT&G-ի հետ մեր համաձայնագրի հաջորդ փուլ անցնելով:

KT&G-ի արտադրանքի վաճառքը Հարավային Կորեայից դուրս կլրացնի մեր առանց այդ էլ ուժեղ անծուխ պորտֆելը՝ չափահաս ծխողներին տրամադրելով համի, գնի և տեխնոլոգիայի էլ ավելի լայն տեսականի»։ Հայաստանում ներկայացված նոր սարքի (lil SOLID 2.0) կարևորագույն հատկությունն այն է, որ այն տաքացնում է ծխախոտն առանց այրման։ Սարքն աշխատում է տաքացման սկզբունքով․ միջուկը թույլ է տալիս հավասարաչափ տաքացնել ծխախոտը ներսից՝ առանց այրման կամ կրակի։

KT&G-ի արտադրանքը, ներառյալ lil SOLID 2.0-ը և Fiit տաքացվող ծխախոտային գլանակները Ֆիլիպ Մորրիս Ինթերնեյշնլը մատակարարելու է Հարավային Կորեայից դուրս․ Դրանք ենթակա են մանրակրկիտ գնահատման նախքան առևտրայնացումը` ապահովելու համար, վերջիններիս համապատասխանությունը գործարկման նորմատիվ պահանջներին ներկայացրած շուկաներում, ինչպես նաև ՖՄԻ- ի գիտական հիմնավորման բարձր ստանդարտները` հաստատելու այրման բացակայությունը և վնասակար նյութերի արտազատման զգալի նվազումն ի համեմատ սիգարետի։ Տեղեկատվությունը տրամադրված է Ֆիլիպ Մորրիս Արմենիա ընկերության կողմից։

Ֆիլիպ Մորրիս Ինթերնեյշնլ․ դեպի անծուխ ապագա

_{Ֆիլիպ Մորրիս Ինթերնեյշնլն (ՖՄԻ) առաջնորդում է ծխախոտի արդյունաբերության փոխակերպումը՝ ստեղծելու անծուխ ապագա և փոխարինելու սիգարետն առանց ծուխ արտադրատեսակներով, ինչը բխում է հասարակության, ընկերության և այն ծխողների շահերից, ովքեր այլապես կշարունակեին ծխել։ ՖՄԻ-ն առաջատար միջազգային ընկերություն է, որը զբաղվում է սիգարետի, առանց ծուխ արտադրատեսակների ու նիկոտին պարունակող արտադրատեսակների, ինչպես նաև հարակից էլեկտրոնային սարքերի ու աքսեսուարների արտադրությամբ և վաճառքով ԱՄՆ-ից դուրս շուկաներում։}

_{Բացի այդ, ՖՄԻ-ն մատակարարում է իր IQOS Պլատֆորմ 1 սարքը և իր աքսեսուարները Ալտրիա Գրուպ կորպ․ ԱՄՆ-ում լիցենզավորված վաճառքի համար, որտեղ այս ապրանքները առևտրայնացման թուլտվություն են ստացել ԱՄՆ Սննդամթերքի և Դեղորայքի վարչության կողմից (FDA) ծխախոտային արտադրանքների շուկայավարման դիմումի ներքո (PMTA): FDA-ը նաև թույլատրել է IQOS-ի շուկայավարումը որպես մոդիֆիկացված ռիսկով արտադրանք (MRTP), գտնելով, որ վերջինս համահունչ է հանրային առողջության պահպանմանը։ Ընկերությունն իր ապագան կառուցում է առանց ծուխ արտադրատեսակների նոր սերնդի վրա, որոնք, թեև զերծ չեն ռիսկերից, այնուամենայնիվ, շատ ավելի լավ ընտրություն են, քան ծխելը շարունակելը։}

_{Ֆիլիպ Մորրիսի նպատակն է արտադրանքի մշակման, գերժամանակակից սարքավորումների ու բազմակողմանի գիտական գնահատման միջոցով ապահովել, որ առանց ծուխ արտադրատեսակները բավարարեն չափահաս սպառողների նախասիրություններն ու կարգավորող մարմինների խիստ պահանջները: Լրացուցիչ տեղեկատվությունը հասանելի է www.pmi.com և PMIScience.com կայքերում:}