Ինչպես է աղիքային ինֆեկցիան տարածվել երեխաների շրջանում․ Մարտունու ԲԿ-ի տնօրենը մանրամասներ է ներկայացրել

Մարտունու բժշկական կենտրոնից աղիքային ինֆեկցիայով Երևան է տեղափոխվել 1-4 տարեկան 12 երեխա։ ԼՈՒՐԵՐ․com-ի հետ զրույցում Մարտունու բժշկական կենտրոնի տնօրեն Անդրանիկ Հարությունյանն ասաց, որ կասկած կա, որ երեխաներից մեկին խնամող մայրիկի մոտ հայտնաբերվել է աղիքային վարակ։

«Հիվանդների մի բլոկը շփման մեջ է եղել, և աղիքային ինֆեկցիա ունեցողներից մեկի միջոցով՝ տարածվել մյուսներին։ Այս պահին փորձում ենք հասկանալ՝ ինչ ճանապարհով է եղել։ Հավանաբար, վարակի մասին չի հայտնել, տարածվել է, բայց դա ճշտման փուլում է, որքանով գիտեմ դեռ չի հաստատվել»,- ասաց նա։

Նա նշեց, որ հիվանդանոցը չի փակվել, քանի որ խնդիրն առաջացել է բաժանմունքի մի բլոկում․ «Ոչ մի խնդիր չի եղել, երեխաների մոտ ընդամենը փսխում է եղել, լուծ չեն եղել։ Ծանր վիճակով հիվանդներ չկան»,- նշեց Հարությունյանը։

Ավելի վաղ առողջապահությասն նախարարությունը հայտարարություն տարածեց, ըստ որի՝ հունիսի 12-13-ը Մարտունի ԲԿ-ից Երևան՝ Ինֆեկցիոն հիվանդությունների ազգային կենտրոն է տեղափոխվել աղիքային վարակին բնորոշ ախտանշաններով (ընդհանուր թուլություն, փսխում, լուծ) 1-4 տարեկան 12 երեխա: Ըստ առողջապահության նախարարության՝ նույն ժամանակահատվածում Մարտունի ԲԿ-ում իրականացված համաճարակաբանական հետազոտության արդյունքում` լաբորատոր հետազոտության նպատակով վերցվել է 12 նմուշ ջուր, 30 լվացուկ` ԱՑԽՄ և պաթոգեն միկրոֆլորայի նկատմամբ: Բուժանձնակազմի 9 հոգուց վերցրել են ստաֆիլակոկակրության և մանրէակրության նկատմամբ նմուշներ, իսկ բաժանմունքում բուժում ստացող 7 երեխաներից և 1 խնամակալից` մանրէակրության նմուշառում:

Նախարարությունը տեղեկացնում է, որ Ինֆեկցիոն հիվանդությունների ազգային կենտրոն հոսպիտալացված 2 պացիենտների մոտ հայտնաբերվել է ներհիվադանոցային վարակի հարուցիչ` Կլոստիդիում դիֆիցիլե, իսկ երկու նմուշներից մեկում` նաև այդ հարուցչի հակածինը: Նմուշները տեղափոխվել են նաև «Ռեֆերենս լաբորատոր կենտրոն», որտեղ Կլոստրիդիում Դիֆիցիլեն հաստատվել է:

Այս թեմայով Վայոց ձորում իրանական համարանիշերով բեռնատարը կողաշրջվել է Բժշկական օգնության և սպասարկման մի շարք տեսակների համար սահմանված տեխնիկական և կադրային պահանջները կվերանայվեն. «Փաստ» Ինժեներ ամուսինները հիմել են ռոբոտաշինության և ինժեներական հմտությունների կենտրոն Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն Անահիտ Ավանեսյանը ներկայացրեց բժշկական կենտրոնների կառուցման ծրագրերի ընթացքը ԼՂ-ից բռնի տեղահանված անձանց մարզերում անվճար մատուցվում է առաջնային բժշկական օգնություն ԿԳՄՍ փոխնախարարն այցելել է «Ճախրուկ» մշակութային կենտրոն Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է Պարզվել է 20-ամյա հղի կնոջ մահվան պատճառը. մեղադրանք է ներկայացվել բժշկական կենտրոնի երեք բժշկի Ապարանում բացվել է «ԱլտերաԼաբ» երիտասարդական կենտրոն