ՆԱՏՕ֊ն պետք է աջակցի Ղարաբաղի հարցի կարգավորմանը․ Էրդողան

Բրյուսելում ՆԱՏՕ-ի գագաթնաժողովից հետո տեղի ունեցած մամուլի ասուլիսում Էրդողանը հայտարարել է, որ ՆԱՏՕ-ի կարևորությունն ու պատասխանատվությունը բարձրացել են, և դաշինքի անդամները պետք է այն ուժեղացնեն: «ՆԱՏՕ-ի արդիականությունն ու պատասխանատվությունը մեծացել են գլոբալ անվտանգության մարտահրավերների ֆոնին: Այսօր մենք որոշումներ կայացրեցինք, որոնք սկսեցին դաշինքի ռազմավարության արդիականացման գործընթացը` ժամանակակից պայմաններին համապատասխան», - ասել է նա: Ըստ Էրդողանի՝ դաշինքի անդամները «պետք է վերադառնան այն հիմնական սկզբունքներին, որոնց վրա ստեղծվել է կազմակերպությունը, և ամրապնդեն այն»: «Պաշտպանված լինելով հավաքական անվտանգության համակարգով՝ դաշինքը պետք է ակտիվ դեր խաղա ամենուր: Հիմա ժամանակն է ոչ թե փախչելու պատասխանատվությունից, այլ այն մեզ վրա վերցնելու: Ժամանակն է, որ բոլոր դաշնակիցները լքեն անձնական քաղաքական նկատառումները և ընդհանուր գործին անցնեն», - շեշտել է Էրդողանը: Այս համատեքստում՝ նա հայտարարել է, որ «իրենք անհրաժեշտ են համարում Ղարաբաղի հարցում ՆԱՏՕ֊ի գործուն մասնակցությունն ու դրա լուծմանն ուղղված ակտիվ ջանքերը»։ «30 տարի անց Ղարաբաղում արդարությունը վերականգնվել է: Այժմ հակամարտությունը փոխարինվել է կայուն խաղաղությամբ ու առաջընթացով»,֊հայտարարել է Էրդողանը։

Այս թեմայով Ռուսաստանի և ՆԱՏՕ-ի միջև բախումն անթույլատրելի է. Շոլց Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա ՆԱՏՕ-ն ողջունում է Հայաստանի և Ադրբեջանի համաձայնությունը. Կոլոմինա ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի Էրդողանն Իսրայելին մեղադրել է ցեղասպանություն իրականացնելու մեջ Էրդողանը կարող է թողնել իշխող կուսակցության ղեկավարի պաշտոնը Էրդողանը հայտարարել է Պուտինի հետ պայմանավորվածության մասին Էրդողանն Իսրայելին մեղադրել է սադրանքների մեջ Էրդողանը նամակ է հղել Հռոմի պապին ՆԱՏՕ-ի փլուզումն աղետ կլինի ամբողջ աշխարհի համար. Բայդեն