Ե՞րբ է Արցախը դուրս մնացել բանակցային գործընթացից. Քոչարյանի պարզաբանումը

«Լեռնային Ղարաբաղը բանակցային գործընթացից դուրս է մնացել առաջին նախագահ Լևոն Տեր-Պետրոսյանի օրոք»։ Այս մասին Մարտունիում նախընտրական հանդիպման ժամանակ հայտարարեց «Հայաստան» դաշինքի վարչապետի թեկնածու, երկրորդ նախագահ Ռոբերտ Քոչարյանը։

Նրա խոսքով՝ 1995-ի վերջին և 1996-ի սկզբին Լևոն Տեր-Պետրոսյանի գլխավոր խորհրդական Ժիրայր Լիպարիտյանի և Հեյդար Ալիևի խորհրդական Վաֆա Գուլուզադեի միջև բանակցություններ են սկսվել, որին Լեռնային Ղարաբաղը չի մասնակցել։ 

«Այդ բանակցություններն ավարտվեցին նրանով, որ Լիսաբոնում մենք շատ վատ որոշում ստացանք ԵԱՀԿ-ից, որը Հայաստանը չստորագրեց և վետո դրեց։ Հետագայում Լիպարիտյանն ինքը ընդունեց, որ իրենք լավ նպատակով մտել են առանձին բանակցային գործընթացի մեջ, բայց դրա հետևանքով Ղարաբաղը դուրս մնաց բանակցային գործընթացից»,- ասաց «Հայաստան» դաշինքի առաջնորդը։

Ռոբերտ Քոչարյանը շեշտում է, որ ինքը ՀՀ նախագահի պաշտոնը ստանձնել է 1998 թվականի ապրիլի 9-ին, իսկ Լիսաբոնի գագաթնաժողովը տեղի է ունեցել 1996 թվականի դեկտեմբերին, ուստի Լեռնային Ղարաբաղի՝ բանակցային սեղանից դուրս մնալն իր հետ կապելը, ըստ Քոչարյանի, առնվազն անբարեխիղճ է։

« Լևոն Տեր-Պետրոսյանն ասում է ինքը փորձում է ինձ հետ կապել, բայց իրականում հենց իր ժամանակ է Ղարաբաղը դուրս մնացել բանակցային գործընթացից։ Այդ տեսանկյունից նրանք նման են, մի բան անեն, մյուսի վրա գցեն։ Այսօրվա իշխանությունը նույն գործելաոճի մեջ է»,- եզրափակեց երկրորդ նախագահը։

1996 թվականի դեկտեմբերի 3-ին Պորտուգալիայի մայրաքաղաք Լիսաբոնում տեղի է ունեցել Եվրոպայում անվտանգության և համագործակցության կազմակերպության (ԵԱՀԿ) անդամ պետությունների գագաթնաժողովը, որի եզրափակիչ մասում հնչել էր ԵԱՀԿ գործող նախագահի հայտարարությունը, որտեղ շեշտվում էր Ադրբեջանի տարածքային ամբողջականությունը և Լեռնային Ղարաբաղին Ադրբեջանի կազմում ինքնավարության բարձր մակարդակի շնորհումը։ Սա հակասում էր Հայաստանի և Լեռնային Ղարաբաղի շահերին, ուստի ՀՀ նախագահ Լևոն Տեր-Պետրոսյանը կիրառեց վետոյի իրավունքը և գագաթնաժողովի արդյունքներով ընդունված դեկլարացիայից դուրս մնաց Լեռնային Ղարաբաղին առնչվող հատվածը։ 

Այս թեմայով Ընթանում է Լեւոն Քոչարյանի եւ Սերգեյ Ասատուրովի գործով դատական նիստը ՈՒՂԻՂ․ Լևոն Քոչարյանի գործով դատական նիստ Լևոն Քոչարյանի գործով դատախազին ինչպիսի՞ «պայծառ ապագա» է սպասվում. «Փաստ» ՈՒՂԻՂ. Լևոն Քոչարյանի և Սերգեյ Ասատուրովի գործով առաջին դատական նիստը Լևոն Քոչարյանի և Սերգեյ Ասատուրովի գործը մակագրվել է դատավոր Կարեն Ֆարխոյանին․ փաստաբան Վարչապետի խոսքը մանիպուլատիվ կերպով կտրվել է կոնտեքստից և լուսապատկերի տեսքով շրջանառվել. Նազելի Բաղդասարյան Հայաստանի պատմության թանգարանի պարզաբանումը՝ Անահիտ աստվածուհու արձանի գլուխը Հայաստանում ցուցադրելու մասին «Ժողովուրդ». Մերժե՞լ է Պուտինը Փաշինյանին. խոսնակի պարզաբանումը Լևոն Քոչարյանի ու Նիկոլ Փաշինյանի լարված հարցուպատասխանը Ինչո՞ւ է Արմեն Աշոտյանը շարունակում մնալ կալանքի տակ. ԲԴԽ պարզաբանումը