Լո՞ւրջ ես ասում, արա՛, էս բնագի՞ծ ա․ Աշոտյանը՝ Փաշինյանի հայտարարությունների մասին
ՀասարակությունԱշոտյանը անդրադարձավ Նիկոլ Փաշինյանի հայտարարությանը, թե չի ճանաչել Արցախի Հանրապետությունը, քանի որ եթե ճանաչեր պատերազմ կսկսվեր. «Խոսքը չի վերաբերում պատերազմից առաջ Արցախը ճանաչելուն: 44-օրյա պատերազմում կար առնվազն 2 լեգիտիմ, միջազգային հանրության աչքում արդարացված առիթ՝ ճանաչելու Արցախի Հանրապետությունը: Արցախը պետք է ճանաչվեր 44 օրվա ընթացքում: Առաջին հնարավորությունը հոկտեմբերի 10-ին էր, երբ Ռուսաստանի միջամտությամբ ստորագրվեց հումանիտար զինադադար, եւ բնական է, որ Հայաստանը պետք է հարգեր իր դաշնակցի միջնորդական ջանքերը: Բայց այդ զինադադարը տեւեց մի քանի ժամ, Ադրբեջանը խախտեց այն եւ ՀՀ իշխանություններին տվեց հնարավորություն ճանաչելու Արցախի Հանրապետությունը:
Նիկոլը չճանաչեց, որովհետեւ տեսավ, որ Ռուսաստանի պասը չի աշխատում, փորձեց թեքվել Արեւմուտք եւ հոկտեմբերի 17-ին Ֆրանսիայի միջնորդությամբ ստորագրվեց երկրորդ հումանիտար զինադադարը: Այդ զինադադարը եւս խախտվեց եւ դա երկրորդ հնարավորությունն էր՝ ճանաչելու Արցախի անկախությունը: Երեկ նա ծղրտում էր, որ եթե ճանաչեինք Արցախը, այս բնագծերով Արցախ չէինք ունենա, լո՞ւրջ ես ասում, արա: Էս բնագի՞ծ է, կույրաղիք ես թողել Արցախից: Նիկոլը սա էլ չէր ուզում թողնել, եւ նոյեմբերի 5-7-ին Ստեփանակերտում խուճապ էր, որովհետեւ սկսվել էր պետական ինստիտուտների էվակուացիան դեպի Գանձասար: Երբ շուխուռն ընկավ Հայաստան, ամոթով կանգնացրեցին, եւ հետո Մոսկվայից զանգեցին, ասացին՝ խելոք մնացեք: Նիկոլին պետք էր այդ 3,5 հազար քառակուսի կլիոմետրից էլ, պրծնել, համ Ռուսաստանին զրկել տարածաշրջանում նոր ներկայություն ունենալու հնարավորությունից, համ էլ պրծնել Արցախի հարցի գլխացավանքից»,-հայտարարեց ՀՀԿ փոխնախագահը: