Պատկերացնու՞մ եք` հիմա Նիկոլը ոնց է դողում. Վահե Հակոբյան

Վստահ եմ, որ Նիկոլն այսօր գիշերը կանցկացնի բունկերում, ընդ որում՝ զրահաբաճկոնով: Այդ մասին հունիսի 18-ին Հանրապետության հրապարակում հանրահավաքի ժամանակ հայտարարել է «Հայաստան» դաշինքի ներկայացուցիչ Վահե Հակոբյանը:

Դիմելով քաղաքացիներին՝ նա ասել է. «Ժողովուրդ, պատկերացնու՞մ եք` հիմա Նիկոլը ոնցա դողում»:

Նա նկատել է, որ երեկ նույն այդ հրապարակ եկել էր մի քանի հազար հայրենակից, եկել էին ընդդեմ իրենց կամքի:

«Եւ նրանցից շատերն այսօր այստեղ են, սակայն արդեն սեփական կամքով»,-հավելել է Վահե Հակոբյանը:

Նա հիշեցրել է, որ «Հայաստան» դաշինքը սկսել է քարոզարշավը Սյունիքից, որտեղ եւ ծնվել է «Վերածնվող Հայաստան» կուսակցությունը միակ նպատակով՝ ապահովել Սյունիքի եւ Հայաստանի անվտանգությունը:

«Քարոզարշավի ընթացքում մենք առաջին օրից հասկացել ենք, որ «Հայաստան» դաշինքն ընկալվում է ոչ թե որպես ընդդիմություն, մեզ տեսնում են՝ որպես ուժ, որը հունիսի 21-ին կստանձնի պետության կառավարումն ու դուրս կբերի երկիրն այդ իրավիճակից: Գործը շատ է: Մենք պետք է աշխատենք 24 ժամ, որպեսզի հաղթահարենք խնդիրները, որոնք պետք է միավորվեն երեք բլոկում՝ անվտանգություն, տնտեսական կայուն զարգացում եւ արդարություն: «Հայաստան» դաշինքը կապահովի այդ ամենը: Դաշինքի հիմնադրման օրը՝ մայիսի 9-ին, մենք հնչեցրել ենք մեր ուժի բանաձեւը. դրանում միավորվել է ազգային գաղափարախոսությունը, կամքն ու վճռականությունը, ինչպես նաեւ հաղթանակած ուղին:

Այդ բանաձեւում պակասում է մեկ բաղադրիչ՝ ընտրողների ձայնը: Մեր հաղթանակին մնացել է երկու օր: Հունիսի 20-ին մենք կմերժենք պոպուլիզմը, սուտը, կեղծիքը, դավաճանությունը: Հունիսի 20-ին կքվեարկենք արժանապատիվ եւ ուժի Հայաստանի օգտին»,-եզրափակել է դաշինքի ներկայացուցիչը:

Հիշեցնենք, որ Հայաստանում հունիսի 20-ին կայանալու են արտահերթ խորհրդարանական ընտրություններ:

Այս թեմայով Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը Մենք տավուշեցու տունը չենք տալիս թշնամուն. Վահե Ղալումյան (տեսանյութ) Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ) «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին «Չափդ չանցնես, ես իմ հողի վրա եմ». տավուշցին` Վահե Ղազարյանին Եկել եմ` ասեմ, որ ձեզ խաբող չկա. Վահե Ղազարյան «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին