Ավտովթար՝ Սյունիքում. կա 5 վիրավոր. հայտնաբերվել է ՀՀ ԱԺ պատգամավորի օգնականի վկայական
Emergency CaseԱյսօր՝ հունիսի 20-ին, խոշոր ավտովթար է տեղի ունեցել Սյունիքի մարզում: Ժամը 13:00-ի սահմաններում, Երևանի բնակիչ, 58-ամյա Սամսոն Մխիթարյանը, իր վարած Audi A6 մակնիշի 77 ՏM 070 համարանիշի ավտոմեքենայով, Երևան-Մեղրի ավտոճանապարհի 218 կմ հատվածում, դուրս է եկել ճանապարհի երթևեկելի գոտուց և մի քանի պտույտ գլորվելով, հայտնվել ձորակում:
Ինչպես հայտնում է shamshyan.com-ը, վթարի հետևանքով վարորդ Ս. Մխիթարյանն ու նրա ուղևորներ, 18-ամյա Խաչիկ Մ.-ն, 32-ամյա Ժենիկ Մ.-ն և 36-ամյա Սյուզաննա Մ.-ն տեղափոխվել են Սիսիանի բժշկական կենտրոն, իսկ 39-ամյա Գոռ Մ.-ն՝ Գորիսի բժշկական կենտրոն:
Կայքի տեղեկություններով. ավտոմեքենայից դուրս հայտնաբերվել է վարորդի անվամբ ՀՀ Ազգային Ժողովի աշխատակազմի ղեկավարի կողմից տրված ՀՀ ԱԺ պատգամավորի օգնականի վկայական: