«Դոգ»-ի կուսակցությունը չի հաղթահարել ընտրական շեմը․ հավաքել են 13 119 ձայն
ՔաղաքականԱրտահերթ խորհրդարանական ընտրություններում «Հայոց Հայրենիք» կուսակցությունը ստացել է 13119 ձայն կամ 1.03 %: Կուսակցության վարչապետի թեկնածուն Արտակ Գալստյանն էր։ Այս կուսակցության պատգամավորների թեկնածուների ցանկում էր նաև «Դոգ» մականունով հայտնի Վարդան Ղուկասյանը, որը համարվում էր կուսակցության Սփյուռքի գլխավոր հանձնակատարը։
Կուսակցության՝ ԿԸՀ ներկայացրած ցուցակում ընդգրկված էր 92 պատգամավորի թեկնածու։
Նշենք, որ ընտրություններին, ընդհանուր առմամբ, մասնակցել է 1 մլն 281 հազար 911 մարդ:
Հավելենք նաև՝ արտահերթ խորհրդարանական ընտրություններին մասնակցում էր 25 քաղաքական ուժ՝ 21 կուսակցություն և 4 կուսակցությունների դաշինք։ Ընտրական շեմը հաղթահարել են «Քաղաքացիական պայմանագիր» կուսակցությունը, «Հայաստան» և «Պատիվ ունեմ» դաշինքները, որոնք ներկայացվածություն կունենան խորհրդարանում։