Տագնապալի են ապօրինի ծառահատումները Դալմայի այգիներում

Երևանի ավագանու «Իմ քայլը» խմբակցության ներկայացուցիչ Լիլիթ Կիրակոսյանը վստահեցնում է՝ Երևանի տարբեր վարչական շրջաններում սնկի պես աճում են ապօրինի շինությունները: Նա տագնապալի է համարում  նաև ապօրինի ծառահատումները Դալմայի այգիներում:

Այս մասին Կիրակոսյանը խոսեց հունիսի 22-ին Երևանի ավագանու 6-րդ նստաշրջանի 5-րդ նիստում:

«Ապրում եմ Արարատյան զանգվածում,… որտեղից սկսվում են Դալմայի այգիները: Այգիների ծառահատումները և բետոնապատ մեծ շենքերի կառուցումը դարձել են ամենօրյա գործողություններ: Օր օրի այդ տարածքում բնակելի շենքեր, փոքրիկ տներ են կառուցվում, և ոչ ոք չի կարողանում խոչընդոտել այդ գործընթացը»,- նշեց նա:

Կիրակոսյանն անդրադարձավ նաև Սայաթ-Նովա, 5-ի ապօրինի մանսարդի կառուցմանը և նշեց, որ այդ մասին արդեն բարձրաձայնվել է, բայց աղմուկից հետո ոչինչ չի փոխվել, իսկ շինության կողքին առավել մեծ մանսարդ է  կառուցվել:

Նրա խոսքով՝ պետք է դադարել մեղադրել միմյանց ու լինել առավել ուշադիր: Կիրակոսյանը, դիմելով Երևանի քաղաքապետ Հայկ Մարությանին, խնդրեց շատ հետևողական լինել և օրենք մշակել, որը կնպաստի ապօրինությունների վերացմանը:

Հայկ Մարությանը խնդրեց Սայաթ Նովա, 5-ի և մյուս հարցերի շուրջ խոսել նաև ավագանու հարցուպատասխանի ընթացքում, որին ներկա կլինեն նաև վարչական շրջանների ղեկավարները:

Այս թեմայով ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին ՈւՂԻՂ. Երևանի ավագանին նիստ է անում Կգումարվի ԱԺ արտահերթ նիստ ՄԱԿ-ի ԱԽ-ն հրատապ նիստ կանցկացնի Իրանի կողմից Իսրայելին հասցված հարվածների առնչությամբ «Հրապարակ». ԱԺ-ն արտահերթ նիստ կհրավիրի ՀՀ ԱԺ ութերորդ գումարման յոթերորդ նստաշրջանի հերթական նիստ ՈՒՂԻՂ․ Ազգային ժողովը շարունակում է նիստի աշխատանքները ՈՒՂԻՂ. Աշոտյանի գործով դատական նիստ. քննարկվում է խափանման միջոցի վերանայման հարցը ՈՒՂԻՂ․ ՀՀ ԱԺ ութերորդ գումարման յոթերորդ նստաշրջանի հերթական նիստ Ընդդիմությունն առաջարկում է ԱԺ հրատապ նիստ անցկացնել Հայաստանի և Ադրբեջանի միջև սահմանազատման և սահմանագծման հարցով