Շրջանառվել է election.am (elections-ի փոխարեն) կայքէջ, որը կտրուկ տարբերվող պատկեր է ներկայացրել. Դավիթ Խաժակյան

Երևանի ավագանու «Լույս» խմբակցության ղեկավար Դավիթ Խաժակյանը ֆեյսբուքյան իր էջում գրել է.

«Այս մի քանի ժամվա ընթացքում տեսա տասնյակ գրառումներ, որոնք կապված են որոշ տեղամասերի վերահաշվարկի արդյունքների հետ։ Նախ ակնհայտ է մի բան, որ շրջանառվել է election.am (elections-ի փոխարեն) կայքէջ, որը կտրուկ տարբերվող պատկեր է ներկայացրել։

Իմ ունեցած տեղեկություններով՝ վերահաշվարկը, որը իրականացվել է այսօր որոշ տեղամասերում քանակապես մեծ չէ և օբյեկտիվորեն չէր կարող հանգեցնել քվեների մեծ տարբերության։ Տեսել եմ հատուկենտ գրառումներ, որոնք ակնհայտ է, որ տեղամասային հանձնաժողովի թերացման արդյունք են և արտացոլվել են վերջնական արձանագրություններում։ Բայց եթե քվեաթերթիկները իրենց տրցակները չեն փոխել, նշանակում է խնդիրը տեխնիկական է և ոչ դիտավոր։ Վերահաշվարկը հենց սրա համար է։

Պետք չէ ստեղծել տպավորություն, թե ընտրությունները համակարգված կերպով կեղծվել են միայն այն պատճառով, որ արդյունքները մեր պատկերացումներին չեն համապատասխանում։ Պետք չէ արհեստականորեն սասանել մարդկանց հավատը ընտրություններով բան փոխելու հարցում։

Այս ընտրություններում ինձ համար ամենամտահոգիչը եղել է զինվորների ուղղորդված քվեարկությունը, որի փաստերը առնվազն քննության առարկա դարձնելու համար բավարար են։ Եթե դա հիմնավորվի, ապա այդ տեղամասի արդյունքները պետք է անվավեր ճանաչվեն։ Բայց ակնհայտ է, որ դա ընդհանուր պատկերի վրա չի կարող էական ազդեցություն թողնել։

Պարտությունը պետք է արժանապատվորեն ընդունենք»։

Այս թեմայով Ազատություն Բաքվի բանտերում ապօրինաբար պահվող բոլոր հայ պատանդներին. Դավիթ Խաժակյան (տեսանյութ) Այս սպեկուլյացիան ինձ չէր մտահոգի, եթե խոսքը չգնար մեր հանրությանը բթացնելու մասին․ Դավիթ Խաժակյան «Հանրային տրանսպորտի ԱՄԵՆԱԷԺԱՆ տոմսի արժեքը 300 դրամ է լինելու, եթե ավագանին հաստատի». Խաժակյան Ադրբեջանի գազամուղով Եվրոպային վաճառվող ռուսական գազը չպետք է գերակայի ժողովրդավարությանը. Խաժակյան Որոշել եմ շարունակել Երևանի քաղաքապետարանի գործունեության մոնիթորինգը․ Խաժակյան Անկայունության և կառավարչական ճգնաժամի լուրջ վտանգ կա, բայց եղավ այն, ինչ եղավ. Խաժակյան Դավիթ Խաժակյանը պատասխանել է ադրբեջանցի պատվիրակի կեղծ քարոզչական թեզերին (տեսանյութ) Մեր երեխաների համար ավելի մեծ վտանգ են այն «հայերը», որոնք փորձում են Արցախը «խոթել» Ադրբեջանի մեջ «Դատարանը փորձում է կանխել շինծու քրեական գործի վերջնական փլուզումը». Դավիթ Տոնոյանի հայտարարությունը Պետք է հնարավորինս զերծ մնալ հիմարությունից, դեմագոգիայից, սադրանքից. Դավիթ Բաբայան