«Ինքնիշխան Հայաստան»-ը բարձր է գնահատում քաղաքացիների կողմից ստացած յուրաքանչյուր քվեն

«Ինքնիշխան Հայաստան» կուսակցությունը հայտարարություն է տարածել 2021 թվականի հունիսի 20-ի արտահերթ խորհրդարանական ընտրությունների վերաբերյալ: Դրանում ասված է.

«Սիրելի՛ հայրենակիցներ,

«Ինքնիշխան Հայաստան» կուսակցությունը բարձր է գնահատում քաղաքացիների կողմից ստացած յուրաքանչյուր քվեն և հավաստիացնում, որ մեզ տրված վստահությունը պարտավորեցնող է, և այն ծառայելու է Հայաստանի զարգացմանը, հզորացմանը և միջազգային հեղինակության բարձրացմանը։

Մենք մշտապես հանդես ենք գալիս որպես բռնությունը, ատելությունը, անկայունությունը մերժող քաղաքական ուժ, ամուր կանգնած ենք պետականության և ինքնիշխանության համար ընթացող պայքարի դիրքերում, փորձում ենք հանրային օրակարգ ներմուծել նոր քաղաքական մշակույթ՝ առողջ քննադատությամբ և կառուցողական բանավեճերով:

Միաժամանակ, հունիսի 20-ին տեղի ունեցած արտահերթ խորհրդարանական ընտրությունների վերաբերյալ հարկ ենք համարում նշել, որ քարոզարշավը դարձավ մեծ ռեսուրսների պայքար, ուղեկցվեց ատելության քարոզով, անընդունելի բառապաշարով և, այս ամենն ազդեց ընտրողների բարոյահոգեբանական վիճակի վրա։ Այդուհանդերձ, հարգում ենք ժողովրդի մեծամասության ընտրությունը և հույս հայտնում, որ այս ընտրություններով նոյեմբերի 9-ից սկիզբ առած քաղաքական ճգնաժամը ի վերջո կհանգուցալուծվի, կձևավորվի համերաշխության մթնոլորտ և կայունություն, որն էլ անվտանգության սպառնալիքները հաղթարելու հիմք կդառնա:

«Ինքնիշխան Հայաստան» կուսակցությունը իր ընդդիմադիր գործունեությամբ շարունակելու է իր առջև դրած խնդիրների կատարումն ու կուսակցության ծրագրի իրականացման համար անհրաժեշտ քաղաքական գործունեությունը, վերահաստատում է իր հանձնառությունը Հայաստանի Հանրապետության ինքնիշխանության ամրապնդման և հզոր պետականության կերտման գործում, պատրաստ է իր հնարավորությունների սահմաններում աջակցել Հայաստանի Հանրապետությունում տեղի ունեցող բարեփոխումների անցկացմանը, բաց է համագործակցության համար բոլոր առողջ քաղաքական ուժերի և հասարակական կազմակերպությունների հետ»։

Այս թեմայով ՀՀ-ն առողջապահական ծրագրերը դիտարկում է ոչ թե ծախս, այլ ներդրում ինքնիշխան երկիր կառուցելու մեջ (տեսանյութ) Ցեղասպանության վտանգը տարածվել է Հայաստանի ինքնիշխան տարածքի վրա. Լեմկինի ինստիտուտն ամենաբարձր նախազգուշացումն է հայտարարել Եվրամիությունը ճանաչել է ՀՀ ինքնիշխան տարածքը․ մեր հարաբերությունները շատ ակտիվ են․ Փաշինյան Կան կասկածներ, որ Ադրբեջանը կարող է շարունակել իր նկրտումները ՀՀ ինքնիշխան տարածքի նկատմամբ Ադրբեջանը ՀՀ ինքնիշխան տարածքը օկուպացրել է, դրել Ուկրաինայի դարդն ես լացում․ Շարմազանովը՝ Փաշինյանին Հայաստանը, ինչպես ցանկացած ինքնիշխան պետություն, ունի ուժեղ և մարտունակ բանակ ունենալու իրավունք. Փաշինյան Մենք ապրում ենք դժվարին ժամանակներ, պարտավոր ենք ինքնիշխան պետություն կառուցել․ նախագահ Խաչատուրյան Հայաստանը պետք է լինի ազատ, ինքնիշխան ու սահմանադրական հստակ կարգով. Փաշինյան Հայրենիքի համար․ լեյտենանտ Արթուր Սահակյանը զոհվեց ՀՀ ինքնիշխան տարածքն անձնվիրաբար պաշտպանելիս 3+3 ձևաչափով հանդիպման համատեղ հայտարարությունից հետո Ադրբեջանը պետք է իր զորքերը հանի Հայաստանի ինքնիշխան տարածքից․ պատգամավոր