Հայկական ընդդիմությունը խրամատներ է փորում խորհրդարանում. Коммерсантъ

Հայաստանի վարչապետի պաշտոնակատար Նիկոլ Փաշինյանի հակառակորդները որոշել են իրենց մասին հիշեցնել խորհրդարանական ընտրություններում նրա հաղթանակի հաջորդ օրը, ի դեպ, հիշեցնել և՛ Երևանում, և՛ Ստեփանակերտում: Այս մասին գրում է «Կոմերսանտ»-ը` անդրադառնալով հետընտրական իրավիճակին:

Պարբերականն անդրադարձել է «Հայաստան» դաշինքի առաջնորդ, նախկին նախագահ Ռոբերտ Քոչարյանի նախօրեին արած հայտարարությանը, որի ժամանակ վերջինս նշել էր, որ «մանդատը, որը ստացել է ներկա իշխանությունը, չի արտացոլում նրա նկատմամբ վստահության աստիճանը»: Քոչարյանը հայտնել էր, որ ընդդիմությունը մտադիր է բողոքարկել ընտրությունների արդյունքները Սահմանադրական դատարանում, սակայն մինչև որոշման կայացումը, իր աջակիցները կպահպանեն իրենց ստացած մանդատները:

Խոսելով խորհրդարանում իր աջակիցների կատարելիք աշխատանքի մասին` Քոչարյանն ասել է, որ «իրենք վերցրել են այսպես կոչված` խրամատները, այժմ պետք է ամրանան և ապահովեն իրենց լիակատար հաղթանակը:

«Միևնույն ժամանակ Ռոբերտ Քոչարյանի անհաշտ հակառակորդ Նիկոլ Փաշինյանը հաղթանակից հետո խաղաղասեր դարձավ: Սակայն նախընտրական քարոզարշավի ժամանակ նա բանտարկումներով էր սպառնում «հին էլիտային»: Արդեն տոնական հանրահավաքի ժամանակ նա հեռացավ այդ հռետորաբանությունից` «համախմբան ձեռք» մեկնելով իր բոլոր մրցակիցներին»,- նկատում է հոդվածագիրը:

Պարբերականի հետ զրույցում Մարդկային զարգացման երևանյան միջազգային կենտրոնի ղեկավար, քաղաքագետ Թևան Պողոսյանը նշել է, որ խորհրդարանական ընդդիմությունը բավականաչափ ռեսուրսներ կունենա` իշխանություններին դիմագրավելու համար:

«Ընդդիմությունը բավականաչափ ձայներ ունի, որպեսզի ցանկացած պահի ժամանակավոր քննչական հանձնաժողովներ ձևավորի տարատեսակ խնդիրների հարցերով, կառավարության ներկայացուցիչներին կանչի այնտեղ և նրանց պահի հաշվետու իրավիճակում»,- ասել է Պողոսյանը:

Քաղաքագետի կարծիքով` Ղարաբաղի բնակիչները կարող են իրենց անպետք զգալ Երևանի իշխանությունների համար, որոնք «մոռացել են Ղարաբաղի մասին, չեն գնում այնտեղ և չեն զբաղվում նրանց խնդիրներով»: Պողոսյանի կարծիքով` Ստեփանակերտում տեղի ունեցող ներկայիս ցույցերն ընդդեմ Արայիկ Հարությունյանի, հասարակական տրամադրությունների դրսևորումն են` կապված ստեղծված իրավիճակի հետ:

Այս թեմայով Նիկոլ Փաշինյանը ծանոթացել է «Գառնի տաճարի մերձակա տարածքի բարեկարգում» ծրագրի ընթացքին (տեսանյութ) Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Ամենահարուստ «հեղափոխական» փոխմարզպետների թոփ 10-ը Հեղափոխական սուտն ու գնաճը «Նոր Հայաստանում» Փաշինյանի թիմակիցները զրոյացնում են վարչապետի «աննախադեպ ցուցանիշները» Հայաստանը պատրաստ է ընդլայնել համագործակցությունը ԱՀԿ-ի հետ․ Փաշինյան Ինչու Նիկոլ Փաշինյանը չի նկատում իր թիմակիցների ստացած ճոխ նվիրատվությունները Հայ-ադրբեջանական սահմանի 12 կմ-ից 7 կմ հատվածում տեղակայման կետերը հստակեցված են, մյուս 5 կմ հատվածի վերաբերյալ աշխատանքները շարունակվում են. Փաշինյան ՔՊ-ն նիստ է անցկացրել, որը վարել է Նիկոլ Փաշինյանը Փաշինյանի հեռացման հարցով ընդդիմության հաջորդ հանրահավաքը տեղի կունենա ապրիլի 11-ին. 24News.am