Ադրբեջանում պահվող գերիների հարազատները նստացույց են սկսում Կառավարության մոտ
ՀասարակությունՏիգրան Ամբարդարյանը հայտարարություն է տարածել, որում նշվում է․
«Ես, Տիգրան Կարապետի Ամբարդարյանս, գերեվարված Մելս Ամբարդարյանի եղբայրը, ինչպես նաև մեր գերեվարված մյուս տղաների ծնողները, ՀՀ ներկայիս իշխանություններից պահանջում ենք Ադրբեջանի դիմաց պահանջ դնել՝ անհապաղ դադարեցնել մեր եղբայրների նկատմամբ կեղծ դատավարությունը և վերադարձնել Հայաստան առանց նախապայմանների։ Այս պահից սկսած հայտարարում եմ անժամկետ նստացույց»,-նշել է նա։
Նշվում է նաև, որ ռազմագերիների հարազատները այս պահից Կառավարության մոտ նստացույց են սկսում։
«Ռազմագերիների հարազատները այս պահից Կառավարության մոտ նստացույց են սկսում` իրենց զավակների եւ մեր բոլորի եղբայրների նկատմամբ Բաքվում իրականացվող ապօրինի դատավարությունների կասեցման եւ գերիների անհապաղ վերադարձի պահանջով»,- ասված է հայտարարությունում: