Հայտնի են Եվրո-2020-ի փլեյ-օֆֆի բոլոր մասնակիցները
ՍպորտՖուտբոլի Եվրոպայի առաջնության խմբային փուլի արդյունքներով՝ հայտնի են մրցաշարի 1/8 եզրափակչի բոլոր մրցակիցների զույգերը:
Փլեյ-օֆֆ փուլը կմեկնարկի հունիսի 26-ին՝ Ուելսի և Դանիայի հավաքականները՝ Ամստերդամում, Իտալիան և Ավստրիան՝ Լոնդոնում:
Կիրակի օրը՝ հունիսի 27-ին, կայանալու են հանդիպումներ Նիդեռլանդների և Չեխիայի, ինչպես նաև Բելգիայի և Պորտուգալիայի ազգային հավաքականների միջև, իսկ երկուշաբթի օրը խաղալու են Խորվաթիա - Իսպանիա և Ֆրանսիա - Շվեյցարիա թիմերը:
Մրցաշարի այս փուլի վերջին խաղերը կանցկացվեն հունիսի 29-ին։ Այս օրը Անգլիայի և Գերմանիայի հավաքականները կխաղան Եվրո-2020-ի քառորդ եզրափակչի համար, ևս մեկ հանդիպում կանցկացվի Շվեդիայի և Ուկրաինայի հավաքականների միջև: