Արագածոտնում նոր արևային ֆոտովոլտային կայանը կգործարկվի արդեն 2025-ին. ներդրումները կկազմեն 174 մլն դոլար

Կառավարությունն իր այսօրվա՝ հունիսի 24-ի նիստում որոշում կայացրեց, որով փոփոխություն կատարեց «Հայաստանում արդյունաբերական մասշտաբի «Այգ-1» արևային ֆոտովոլտային կայանի կառուցման ծրագրի ժամկետներում: Մասնավորապես, որոշվեց, որ «Ֆինանսավորման Ամփոփման Վերջնաժամկետ» սահմանման մեջ «180 օր անց ընկնող ամսաթիվը» բառերը փոխարինել «545 օր անց ընկնող ամսաթիվը» բառերով։

Փոխվարչապետ Տիգրան Ավինյանը նշեց, որ խոսքը 200 մգվտ հզորությամբ «Այգ-1» արևային ֆոտովոլտային կայանի մասին է:

«Արդեն ունենք հաղթող, որն առաջարկել է մեկ կվտ էլեկտրաէներգիայի համար 2,9 ցենտ արժեք, որը բավականին ցածր գին է: Բացի այդ, մրցութային պայմաններից մեկն այն էր, որ պետական ընկերություններից մեկը եւս 15 տոկոսի չափով ունի փայամասնակցություն: Բավական խոշոր ներդրումային ծրագիր է, մոտ 174 մլն դոլար:

Կայանը կառուցվելու է Դաշտադեմ եւ Թալին համայնքների հատվածներում: Այդտեղ արդեն որոշակի աշխատանքներ իրականացրել ենք համայնքների հետ, հողահատկացման պրոցեսը ընթացքի մեջ է: Հողը պետության կողմից է տրամադրվոըւմ: Մենք ունենք բավականին լավ արդյունքներ: Մոտավորապես կայանը գործարկվելու է 2025 թվականին»,-ասաց Ավինյանը:

Իր հերթին վարչապետի պաշտոնակատար Նիկոլ Փաշինյանն ասաց. «Նախընտրական շրջանում շատ էր խոսվում, որ միջազգային հայտնի կորպորացիաները ՀՀ-ում ներդրումներ չեն անում: «Մասդար»-ը ոլորտի ամենաազդեցիկ ընկերություններից մեկն է: Սա իր դրական ազդեցությունն  է ունեալու ոչ միայն տնտեսության տեսակետից, այլեւ ներդրումային միջավայրի գրավչության, որովհետեւ այս ընկերության ներկայությունը Հայաստանի շուկայում շատ կարեւոր ու դրական ազդակ է միջազգային ներդրողների համար:

Այս թեմայով Արցախից տեղահանվածների համար հաշվառման կայան կգործի նաև Վայքում Սեկի Նակամուրան այցելել է «Հիդրոօդերևութաբանության և մոնիթորինգի կենտրոն» ՊՈԱԿ-ի Ամբերդ բարձր լեռնային օդերևութաբանական կայան Հնդկաստանը հետազոտական ​​կայան է բաց թողել դեպի Արև Կոռնիձորում Արցախի համար հումանիտար կայան է բացվում Հիմնվել է դեպի Կայան բերդ տանող քայլարշավային արահետ. Փաշինյանը մասնակցեց բացմանը Երևանը 15 նոր տրոլեյբուս կունենա․ կկառուցվի նաև շարժակազմի լվացման ժամանակակից կայան Համայնքներին հնարավորություն է տրվում համայնքային շենքերի տանիքներին ֆոտովոլտային կայան տեղադրել (տեսանյութ) Երեւանում տրոլեյբուսների, ավտոբուսների լվացման նոր կայան կկառուցվի. մրցույթը կկայանա այսօր Հայաստանում կկառուցվի ևս մեկ 200 մեգավատտ հզորության արևային ֆոտովոլտային կայան Հայաստան է ներկրվել թթվածին արտադրող 4 կայան ու 200 թթվածնային կոնցենտրատոր