Ինչո՞ւ բժշկական հանրությունը չի պաշտպանում պրոֆեսոր Արմեն Չարչյանին. Գեղամ Նազարյան

Մի հարց եմ ուզում դնել քննարկման. Ինչո՞ւ բժշկական հանրությունը չի համախմբվում ու պաշտպանում իրենց հարգված գործընկերոջը՝ պրոֆեսոր Արմեն Չարչյանին։ Այս մասին Facebook-ի իր էջում գրել է «Ճշմարտություն սերունդների համար» նախաձեռնության ղեկավար Գեղամ Նազարյանը:

Նա, մասնավորապես, նշել է. «Կոնկրետ հարց. ինչո՞ւ հազարավոր բուժաշխատողներ սպիտակ խալաթները հագած չեն կանգնում դատախազության կամ դատարանների դիմաց։ Կասեք՝ հայտարարություն են արել։ Դա ձեւական, պասիվ մի քայլ է: Ի դեպ, դա էլ է շատ դժվար ստացվում։

Արմեն Չարչյանը ոչ մի վատ բան չի արել. բոլորը գիտեն, ավելին՝ կոչ անելով անպայման գնալ քվեարկության, իրեն պահել է որպես քաղաքացի։ Հիմա մեր բուժաշխատող-քաղաքացիներն ինչո՞ւ են փակվել տներում ու հետեւում, թե Նիկոլն ինչպես է ստորացնում իրենց ընկերոջը, գործնկերոջը։

Մենք հասարակությո՞ւն ենք, թե ցեղախումբ, որն ինչպես փայլուն ձեւակերպել է իրավապաշտպան Ավետիք Իշխանյանը, ընտրեց մուրճով շամանին։

Այն պահից, երբ Չարչյանի գործերը լավանան, անմիջապես շատերը կրկին հայտնվելու են նրա կողքին։ Սա հայաստանյան կեղտոտ բարքերն են։

Երբ  2018-2019  թվականներին Ռոբերտ Քոչարյանի նկատմամբ իրականացվում էր մի կողմից քրեական հետապնդում, իսկ մյուս կողմից՝ կեղտոտ քարոզչական թունավորում, հատուկենտ մարդիկ հրապարակային կանգնեցին նրա կողքին։ Ընտանիքի անդամներից բացի՝ հատուկենտ մարդիկ, ովքեր իրենց դեմքով ու իրենց համարձակությամբ, իրենց  խղճի թելադրանքով  կանգնեցին Քոչարյանի կողքին։

Բայց հենց Քոչարյանի գործերը լավացան, նրա շուրջ տեղ ու դադար այլեւս չկա։ Նրա համախոհների եւ թիմակիցների շրջանում անմիջապես հայտնվեցին մարդիկ, ովքեր իր դժվար պահին կամ անտարբեր էին, կամ իր դեմ աշխատողների ճամբարում էին, կամ ի պաշտպանություն Քոչարյանի ստորագրություն հավաքելիս հրաժարվում էին՝ «կարող է վարկաբեկվենք» բացատրությամբ։ Սա է իրականությունը։ Սա է հայաստանյան որակը։ Ու չգիտես արդեն ով է մեղավորը, ով՝ պատասխանատուն։

Ու նույնը հիմա, աչքիդ առաջ բժիշկ, պրոֆեսոր Արմեն Չարչյանի օրինակն է. քանի- քանի մարդու կյանք է փրկել, ոտքի կանգնացրել, քանի-քանի ուսանող է կրթել, քանի-քանի լավ բժիշկ պատրաստել, քանի-քանի մարդ է անվճար բուժել ու մոռացել դրա մասին։ Եթե այս մարդկանց ու բուժաշխատողների մի 20 տոկոսն էլ դուրս գար փողոց, ապա կլիներ լրիվ ուրիշ Հայաստան։ Տանը նստած հեշտ է նիկոլ մեղադրելը, շատ ավելի դժվար է քաղաքացի լինել»:

Այս թեմայով «Սկզբունքայնություն»՝ ՔՊ ոճով. Լենա Նազարյան, Արփի Դավոյան Թող ԱԱԾ-ն մի հատ էլ բացատրի՝ ինչպես է վերականգնելու պետությանը հասցված 16 մլրդ դրամի վնասը. Նազարյան Երևանում, օրը ցերեկով, հարձակվում են 17-18 տարեկան տղայի վրա և սպանում․ Գեղամ Նազարյան «Թավշյա հեղափոխության» իրական շահառուները. Լենա Նազարյան Գագիկ Գինոսյանն իր կյանքով ցույց է տվել՝ ինչպես պետք է ապրի հայ մարդը. Գեղամ Նազարյան ՔՊ-ին կոչ եմ անում՝ ճշտեք ԲԴԽ ձեր թեկնածուն 18 տարեկանում ո՞նց է 2 երեխա ունեցել. Նազարյան Եթե մարդը զուգընկեր է ընտրում նույն սեռից, դա ազատություն չի, չասեմ, թե ինչ է. Գեղամ Նազարյան Մեզնից մի' խլեք զինանշանը, օրհներգն ու դրոշը, հասարակությանը պառակտում եք. Նազարյան Երեխեքին դպրոցից հանե՞նք, թե էսինչ մեկն ասում ա, որ ՀՀ այս քաղաքն ադրբեջանական ա. Գեղամ Նազարյան Ինչ որ Արտաշ Ասատրյանի ճանաչել է երիտասարդների 89 %-ը, Առնո Բաբաջանյանին՝ 14 %-ը․ Գեղամ Նազարյան