Ոչ ոքի, ոչ ոքի թույլ չենք տալու իմաստազրկել մեր որդիների անգին զոհաբերությունը. Կարին Տոնոյան

«5165» շարժման առաջնորդ Կարին Տոնոյանը ֆեյսբուքյան իր էջում գրել է․

«Անճարությունից դեպի անկոտրում պայքար
Ամեն երեկո Եռաբլուրում ինձ են մոտենում հերոսածին մայրեր ու բարևելով շշնջում.

– Շնորհակալություն, որ այդքան ուժեղ եք, մեր տեղն էլ պայքարեք, ես այդքան ուժեղ չեմ…

– Ինձ համար միևնույն է վաղվա ճակատագիրը….. եթե որդիս չկա, մնացածն էլ կարևոր չէ….

– Ես չեմ կարողանում ապրել, ուր մնաց պայքարել….

– Ի՞նչ անենք, ասեք, վրեժը մթագնել է ուղեղս, սիրտս, հոգիս….ոչինչ չեմ ուզում վրեժից բացի…

– Ի՞նչ իմաստ ունի էլ ապրելը, երբ մեր երեխեքի կյանքն էլ, մահն էլ արժեզրկեցին….
….և շարունակվում է Հայրենիքին զավակ տված հերոսածին մայրերի անտերության ու անճարության սգահանդեսը…..
Եվ ուզում եմ շշնջալ ու գոռալ միաժամանակ.

– Ես բոլորովին էլ ուժեղ չեմ, քույրեր, իմ սիրտն էլ ձեր սրտի պես դադարել է բաբախել, իմ հոգին էլ ձեր հոգու պես նվում է անճարությունից, իմ աչքերն էլ ձեր աչքերի պես ցամաքել են արցունքներից…..
Բայց իմ անճարությունից խելագար ցասում է միայն ծնվում.

– Ոչ ոքի, ոչ ոքի թույլ չենք տալու իմաստազրկել մեր որդիների անգին զոհաբերությունը….
Կա Տիեզերական արդարություն, պիտի՛ լինի, հակառակ դեպքում ամեն ինչ արժեզրկվում է կյանքում, և մեր՝ այսքան թանկ վճարած մայրերիս պատասխանը պիտի լինի նույնքան թանկ՝ Հայաստանի նոր հաղթանակը…
Եվ այդ օրը գալու է»։

Այս թեմայով Խոշոր ավտովթար՝ Արագածոտնի մարզում. Կարին գյուղում «Nissan»-ը բախվել է քարերին ու գլխիվայր շրջվել «Գագիկ Գինոսյանի անժամանակ մահը ցնցել է բոլորիս, բայց նրա աշխատանքը պետք է շարունակվի». «Կարին» «Հրապարակ». Դավիթ Տոնոյան. վերջին կալանավորը «Բավական շատ դժվարություններով անցանք այս 7 տարվա մեջ»․ Դիանա Տոնոյանի խոստովանությունը Ինձ ձերբակալելու համար քաղաքական համաձայնություն է տրվել ՀՀ վարչապետի մոտ կայացած խորհրդակցության ժամանակ. Տոնոյան․ 168.am Ռուբեն Վարդանյանը շատերի համար հայի արժանապատվության վերականգնման խորհրդանիշ կդառնա․ Տոնոյան Քարվաճառով զորք մտցնել Արցախ ու սկսել ազատագրումը. Կարին Տոնոյան Դավիթ Տոնոյանի խափանման միջոցի փոփոխման վերաբերյալ որոշումը վաղը կհրապարակվի Ընդդիմության շահարկումներն անընդունելի են, եթե չեն եկել՝ կորսված պահ է. Դավիթ Տոնոյան Տոնոյան Դավիթի ասածներն իմաստ չունի քննարկել մի պարզ պատճառով. Վրթանեսյան