Մահացել է գրոսմայստեր Յուրի Դոխոյանը

Մոսկվայում մահացել է շախմատի Ռուսաստանի հավաքականի նախկին գլխավոր մարզիչ, միջազգային գրոսմայստեր Յուրի Դոխոյանը, հաղորդում է Ռուսաստանի շախմատային ֆեդերացիայի մամուլի ծառայությունը։ 56–ամյա Դոխոյանի մահվան պատճառը կորոնավիրուսն է։

«Գրոսմայստեր Յուրի Դոխոյանը տաղանդավոր շախմատային տեսաբան էր։ Երկար տարիներ նա աշխարհի 13–րդ չեմպիոն Գարի Կասպարովի մարզիչն ու մարտավկան էր։ Պրոֆեսիոնալ սպորտից Կասպարովի հեռանալուց հետո նա մարզել է առաջատար ռուս շախմատիստուհիներ Տատյանա եւ Նադեժդա Կոսինցեւաներին։

2006–2011–ին Դոխոյանը գլխավորել է կանանց Ռուսաստանի հավաքականը, որը նրա ղեկավարությամբ 2010–ին առաջին անգամ նվաճեց Համաշխարհային օլիմպիադայի չեմպիոնական տիտղոսը։

2011–2015–ին Յուրի Դոխոյանը գլխավորել է տղամարդկանց Ռուսաստանի հավաքականը, որը 2012թ. Համաշխարհային օլիմպիադայում առաջին տեղը կիսեց Հայաստանի հավաքականի հետ, սակայն լրացուցիչ ցուցանիշով մնաց երկրորդ տեղում»,– նշվում է Ռուսաստանի շախմատային ֆեդերացիայի հաղորդագրությունում։

Ռուսաստանի շախմատի ֆեդերացիան ցավակցում է Յուրի Դոխոյանի հարազատներին, մերձավորներին եւ սաներին։ 

Այս թեմայով Գրոսմայստեր Էլինա Դանիելյանը՝ Ավստրիայի թիմային չեմպիոն Հայաստանն աշխարհի ամենաշախմատային երկիրն է. Անդրեյ Տերեխով Ուղեղում Neuralink չիպ ունեցող առաջին հիվանդը շախմատ է խաղացել մտքով (տեսանյութ) Մարիամ Մկրտչյանը բրոնզե մեդալ է նվաճել Տաշքենդում Կայծակնային շախմատի մրցաշարում հայ շախմատիստները երկրորդ և երրորդ հորիզոնականներն են զբաղեցրել Women's Chess Championship մրցաշարում ամենաբարձր վարկանիշ ունեցող մասնակիցը Մարիամ Մկրտչյանն է Սերժ Սարգսյանը հանդիպում է ունեցել շախմատի՝ մարզային ֆեդերացիաների ներկայացուցիչների հետ Հայաստանի շախմատի պատանիների առաջնության արդյունքները Հայաստանի 10 լավագույն շախմատիստներն ու շախմատիստուհիները Հայաստանի արագ շախմատի առաջնության չեմպիոն՝ Մանուել Պետրոսյան, փոխչեմպիոն՝ Շանթ Սարգսյան