Նիկոլը ՀՀ-ն վերածում է ԿԺԴՀ-ի․ Արտակ Զաքարյան

ՀՀԿ-ական նախկին պատգամավոր Արտակ Զաքարյանը ֆեյսբուքյան էջում գրառում է արել․

«Նիկոլը ՀՀ-ն վերածում է ԿԺԴՀ-ի (չշփոթել Կորեայի ժողովրդա-Դեմոկրատական Հանրապետության հետ)։

Շատ հարցերում, Հյուսիսային Կորեան Նիկոլի ԿԺԴՀ-ի համեմատ նորմալ երկիր է, որովհետև մի ամբողջ աշխարհ հախից չի կարողանում գալ։ Կիմ Իր Սենի ժառանգների ԿԺԴՀ-ն, չի վաճառվում և չի դավաճանվում, ունի արտաքին բարեկամներ, սեփական երկիրն ու նրա տարածքները պահելու կամք, ունի ինստիտուցիոնալ կարգ և հնարավորություններ՝ որին նույնիսկ իր թշնամիներն են հարգանքով վերաբերում։

Նիկոլի ստեղծած ԿԺԴՀ-ն՝ կոչվելու է Կապիտուլյանտի Ժողովրդա-Դիկտատորական Համայնք։ Հակիրճ հիմնավորեմ։

ԿԱՊԻՏՈւԼՅԱՆՏԻ՝ անհերքելի փաստ է։ «ԺՈՂՈՎՐԴԱ-» որովհետև անձամբ իրեն ձեռնատու ամեն ինչ կապիտուլյանտն անում է ժողովրդին հարիֆի տեղ դնելով, ժողովրդի անունը չարաշահելով և նրա պահանջներն աղավաղելով։ ԴԻԿՏԱՏՈՐԱԿԱՆ՝ դեռ նոր է սկսվելու, նոր թափով, նոր երանգներով ու ծափահարություններով։

Իսկ Հանրապետությունն արդեն դարձնում է ՀԱՄԱՅՆՔ։ Այսինքն այլևս չի լինելու այն պետությունը, որը կարողանում էր պաշտպանել իր քաղաքացուն, իր սահմանների անվտանգությունը, իր միջազգային հեղինակությունն ու զարգացման տեմպերը։

Ահա այսպես է լինում, երբ պետության քաղաքացին, առանց հասկանալու, իրականացնում է թշնամուն ձեռնատու իշխանափոխություն, այնուհետև, կրկին առանց հասկանալու, քվեարկում է իր պետությունը, արժանապատվությունն ու անվտանգությունը կործանողի օգտին։

Այնպես որ, բարի գալուստ առայժմ հայաբնակ ԿԺԴՀ»

Այս թեմայով Չեմ զարմանա, որ «անպաշտպան ու անմեղ թուրքերի դաժանաբար սպանության» մեղքը Նիկոլը բարդի հայ ժողովրդի վրա․ Արտակ Զաքարյան Տավուշի գյուղերը չպետք է տրվեն Ադրբեջանին, և այդ որոշման դեմ հանրային բողոքը հիմնավոր է. Բեգլարյան Մի ողջ Արցախի Հանրապետություն քայքայել, հայաթափել է ու ոչ մի բան՝ դեռ իր տեղում է․ 4 գյուղն ի՞նչ է, որ չհանձնի․ Զաքարյան Իմ ու Փաշինյանի ընդհանուր ծանոթ Արտակ Քամալյանի տան մոտ ոնց որ «Սմերչով» խփած լինեին. Խաչատրյան Նիկոլն ուրախ-ուրախ գնացել է Բրյուսել, որովհետև նրանցից է կախված իր անվտանգային երաշխիքները․ Զաքարյան ԵՄ ինտեգրումը միջոց է նպատակին հասնելու համար. Արտակ Զեյնալյան Ի՞նչ ունեք ինձ հետ կիսելու, եթե ոչ մեկի հաշվին չեմ իմ հանրային գործունեությունը ծավալում․ Արտակ Բեգլարյան Որոշ մարդկանց հանգիստ չի տալիս 2016թ. մարտական գործողություններում ՀՀ ռազմաքաղաքական հաղթանակները. Զաքարյան Հայոց հզոր բանակն այլընտրանք չունի, եթե ցանկանում ենք լինել որպես ազգ ու պետականություն. Արտակ Բեգլարյան Ռևանշը, միևնույն է, լինելու է, այնպես, ինչպես պատիժն ու անեծքը` բոլոր դավաճաններին. Արտակ Զաքարյան