Երևան-Գյումրի-Երևան երթուղին կսպասարկեն 2 նոր էլեկտրագնացքներ

Երևան-Գյումրի-Երևան երկաթուղային ուղևորափոխադրումների համար նախատեսված երկու նոր էլեկտրագնացքների արտադրության և կարգաբերման աշխատանքներն ավարտական փուլում են։ ԷՊ2Դ էլեկտրագնացքներն արտադրվում են ռուսաստանյան «Տրանսմաշհոլդինգ» ընկերության մաս կազմող Դեմիխովոյի մեքենաշինական գործարանում «Հարավկովկասյան երկաթուղի» ՓԲԸ-ի և «Տրանսմաշհոլդինգ» ԲԸ-ի միջև 2021 թ․ մարտ ամսին կնքված մատակարարման պայմանագրի համաձայն։

Հուլիսի 20-ին նախատեսված է գործարանում էլեկտրագնացքների ընդունումը, օգոստոսի սկզբին դրանք կժամանեն Երևան և կհանձնվեն շահագործման։ Ներկայում ՀԿԵ ներհանրապետական ուղևորափոխադրումների համար արդեն իսկ շահագործվում են ԷՊ2Դ մոդելի երկու երկվագոնանոց գնացքներ։ 2022 թ․ նախատեսված է ձեռք բերել այդ մոդելի ևս մեկ էլեկտրագնացք։

ԷՊ2Դ էլեկտրագնացքների երկվագոնանոց շարժակազմը հագեցած է անվտանգության պասիվ համակարգերով, միկրոկլիմայի ապահովման և օդի ախտահանման հատուկ համակարգով, էկոլոգիապես մաքուր զուգարանային սարքավորումներով: Ուղևորասրահները կահավորված են մաշադիմացկուն նյութերից պատրաստված երկտեղանոց և վեցտեղանոց բազմոցներով, հեծանիվների համար նախատեսված ամրակապերով, վագոնահարթակները կահավորված են բռնաձողերով։

ԷՊ2Դ էլեկտրագնացքների շարժակազմը համապատասխանում է Մաքսային միության տեխնիկական կանոնակարգերով սահմանված ուղևորափոխադրումների հարմարավետության և անվտանգության բոլոր պահանջներին, ինչպես նաև կարող է շահագործվել Եվրասիական տնտեսական միության բոլոր երկրների տարածքում:

ՀՀ կառավարության ու «Հարավկովկասյան երկաթուղի» ՓԲԸ-ի հետ համագործակցության և ՀԿԵ-ի ու «Տրանսմաշհոլդինգ» ԲԸ-ի միջև կնքված պայմանագրի շրջանակում հունիս ամսին Հայաստան են մատակարարվել 27 ուղևորատար վագոններ, որոնք սպասարկելու են Հայաստանի և Վրաստանի միջև միջազգային ուղևորափոխադրումները: Վագոններում գործում են վաճառքի ավտոմատներ և սուրճի ապարատներ, հագեցած են էլեկտրական վարդակներով կամ USB միակցիչներով, ինչպես նաև զուգարանային համալիրներով` ցնցուղախցիկներով և խմելու ջրի ապարատներով:

Այս թեմայով Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր ՈՒՂԻՂ․ Բազմաթիվ քաղաքացիներ փակել են Երևան-Սևան մայրուղին Սևանի թերակղզու հատվածում Դեպի Երևան և Երևանից մեկնող 12 չվերթ հետաձգվել է Գիշերը ևս շարունակելու ենք փակ պահել Երևան-Թբիլիսի միջպետական ճանապարհը. Գառնիկ Դանիելյան Տավուշի իրավիճակով պայմանավորված՝ փոխել են դեպի Թբիլիսի երթուղին․ անցնում են Վանաձորով և Ալավերդիով Վայոց ձորում իրանական համարանիշերով բեռնատարը կողաշրջվել է Աբու Դաբի-Երևան չվերթի օդանավը հրաշքով է փրկվել կործանվելուց (տեսանյութ) Մեկնարկել է Երևան-Գառնի-Գեղարդի վանք ճանապարհի մի հատվածի հիմնանորոգումը Գյումրի, Հրազդան և Վանաձոր քաղաքների մթնոլորտային օդում փոշու պարունակությունը