Ասում եմ՝ ամուսինս կյանքն է տվել հայրենիքին, պատասխանում են՝ ռազմի դաշտում չի զոհվել. 6 երեխաներիս հետ անելանելի վիճակում ենք

Արդեն քանի օր է, ինչ համացանցում լայն շրջանառվում է 44-օրյա պատերազմին մասնակցած կամավորական  Գևորգ Դարբինյանի ընտանիքի լուսանկարը: Ընտանիքը գտնվում է սոցիալապես շատ ծանր վիճակում, անչափահաս 6 երեխաները սովի են մատնված և ապրում են կենցաղային սուղ պայմաններում: Ըստ Գևորգի կնոջ՝ Հռիփսիմեի խոսքերի՝ իրենց վիճակը էլ ավելի է վատացել ամուսնու մահից հետո. «Ամուսինս նախքան պատերազմ գնալը աշխատում էր, ֆինանսապես օգնում էր: Պատերազմից Գևորգը վերադարձավ շատ ծանր վիճակում՝ կանտուզիա էր ստացել, արյուն էր գալիս բերանից և նմանատիպ այլ խնդիրներ ուներ, ցավոք, պատերազմից վերադառնալու հենց հաջորդ օրը տանը մահացավ»,- այս մասին ԼՈՒՐԵՐ.com-ի հետ զրույցում ասաց Հռիփսիմե Հակոբյանը՝ հավելելով՝ եթե պատերազմ չգնար, ինքը հիմա ողջ կլիներ:

Կամավորականի կինը պատմում է, որ ամուսինը մասնակցել է ոչ միայն 44-օրյա պատերազմին, այլև Ապրիլյանին: Ըստ նրա՝ պետությունը որևէ աջակցություն չի ցուցաբերել իր ընտանիքին, քանի որ ամուսինը ռազմի դաշտում չի զոհվել. «Ես ասում եմ՝ ամուսինս իր կյանքն է տվել հայրենիքի համար, օգնե՛ք ինձ ու երեխաներիս, ինձ պատասխանում են, թե ամուսինդ ռազմի դաշտում չի զոհվել, այլ եկել է տուն, նոր է մահացել. ինչո՞ւ պետք է ամուսինս անհետ կորած լինե՞ր, դիակը փնտրելիս լինեի՞նք, որ նոր օգնություն ցուցաբերեին մեզ»,- վիրավորված ասաց Հռիփսիմեն:

Նա պատմում է, որ ընտանիքը շատ մեծ է. իրենից ու 6 անչափահաս երեխաներից բացի, կոմունալ հարմարություններից զուրկ, փոքր տանը ապրում է նաև իր սկեսրայրն ու սկեսուրը. «Ինձ ինսուլտ է խփել, հիմա էլ չեմ կարողանում աշխատել, հաշմանդամ սկեսայրս է աշխատում միայն: Վաստակում է 100 հազար դրամ, որից 35 հազարը միայն տան վարձն ենք տալիս: Այս տանն ու այս պայմաններում այլևս հնարավոր չէ ապրել, անելանելի վիճակում ենք...»,- հուզված ասաց կամավորականի կինը՝ հուսալով, որ բարի մարդիկ, կգտնվեն և օգնություն կտրամադրեն իրենց:

Ընտանիքի մոր հետ կապ հաստատելու համար զանգահարել՝ +374 93 55 28 57:

Հասցեն՝ Մասիս քաղաք, փողոց 6, տուն 3:

Այս թեմայով Կիրանց-Բերքաբեր հատվածում ականապայթյունային վնասվածք ստացողը պայմանագրային զինծառայող է Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են Անչափահաս աղջկա նկատմամբ սեռական բռնություն կատարած 74-ամյա և 66-ամյա տղամարդկանց հայտնաբերել են Արմավիրի մարզում 2-ամյա երեխան սղարանից վայր է ընկել և հոսպիտալացվել Մանրամասներ` երրորդ հարկից ընկած երեխայի առողջական վիճակից «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Ուրալում միգրանտ տաքսու վարորդը բռնաբարել է անչափահաս ուղեւորուհուն Զինվորներն են իրենց գումարով հաճախ զինվորական մեքենաները նորոգում. վթարից տուժածի մայր Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար