Եվրոպական հանձնաժողովի հարևանության և ընդլայնման հարցերով հանձնակատարը կայցելի Հայաստան

Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին հուլիսի 6-ից 9-ը կայցելի Հարավային Կովկասի տարածաշրջանի երկրներ՝ Վրաստան, Ադրբեջան և Հայաստան:

Սա հանձնակատարի առաջին այցն է հարավկովկասյան տարածաշրջանի երկրներ․ այցը տեղի կունենա տնտեսական և ներդրումային պլանի այսօրվա հաստատումից հետո, որի նպատակն է աջակցել Արևելյան գործընկերության երկրների հետ վերականգնմանը, դիմակայունությանը և բարեփոխումներին ուղղված վերանայված օրակարգի իրագործմանը: 

Քաղաքական իշխանության, գործարար միջավայրի ներկայացուցիչների և քաղաքացիական հասարակության դերակատարների հետ հանդիպումների ընթացքում հանձնակատար Օլիվեր Վարհեին կներկայացնի տարածաշրջանային տնտեսական և ներդրումային պլանը և յուրաքանչյուր երկրի համար առաջատար կարևորության ծրագրերը: Երեք երկրներից յուրաքանչյուրի հետ նա կքննարկի երկկողմ հարաբերությունների առանցքային հարցեր: Հանձնակատարի այցի նպատակն է հաստատել ԵՄ-ի համերաշխությունը գործընկեր երկրներին՝ ՔՈՎԻԴ-19 համավարակի դեմ պայքարում:

Վրաստանում հանձնակատար Վարհեին կհանդիպի վարչապետ Իրակլի Գարիբաշվիլու, ԱԳ նախարար Դավիթ Զաքալիանիի, խորհրդարանի խոսնակ Կախաբեր Կուչավայի և քաղաքական կուսակցությունների ներկայացուցիչների, ինչպես նաև՝ պատրիարք Իլյա Երկրորդի հետ:

Ադրբեջանում նա հանդիպումներ կունենա ԱԳ նախարար Ջեյհուն Բայրամովի, նախագահի աշխատակազմի ղեկավար Սամիր Նուրիևի, էկոնոմիկայի նախարարի և էներգետիկայի նախարար Փարվիզ Շահբազովի հետ: Հայաստանում հանձնակատար Վարհեին կհանդիպի նախագահ Արմեն Սարգսյանի, վարչապետի պաշտոնակատար Նիկոլ Փաշինյանի, փոխվարչապետի պաշտոնակատար Մհեր Գրիգորյանի և Գարեգին Բ պատրիարքի հետ: Այցի տեսա-ձայնային լուսաբանումը հասանելի կլինի EbS-ի միջոցով:

Այս թեմայով ՀՀ-ի և ԵՄ-ի միջև ստորագրվել է «Եվրաջասթ» համաձայնագիրը Հայաստանը Եվրոպա է և վերջ. ՀՀ-ում պիտի արտահերթ խորհրդարանական ընտրություններ անցկացվեն ԵՄ-ում հայտարարել են, որ չեն պատրաստվում որևէ մեկի վրա հարձակվել ՀՀ-ն Եվրոպա է, բայց «Եվրոպան» մեզ պաշտպանել չի կարող և չի ուզում. Աշոտյան Հայաստանի իրական բարեկամը Եվրոպան է․ Քերըն Մելքիոր Հայտնի են Եվրոպա լիգայի 1/8 եզրափակիչի զույգերը Օբամեյանգը՝ Եվրոպա լիգայի պատմության լավագույն ռմբարկու 2024 թվականի երկրորդ կեսից եվրոպական երկրներում կգործարկվի մուտքի և ելքի նոր համակարգ Սուրեն Պետրոսյանը կուսակցության Արցախի ներկայացուցչի հետ մեկնում է Եվրոպա «Մենք աջակցում ենք դեպի Եվրոպա միտված Հայաստանի քայլերին». Չեխիայի ԱԺ նախագահ