6 ամսում, ըստ միջազգային հանրության զրույցների, պիտի ստորագրվի Մեղրու միջանցքի փաստաթուղթը

Հայաստանը դառնում է պրոտեկտորատI Միջազգային հանրությունը լուռ կոնսեսուս ունի Հայաստանի վերջնական պրոտեկտորացման հարցում։ Այս մասին ֆեյսբուքյան իր էջում գրել է ԱԺ պատգամավոր Նաիրա Զոհրաբյանը:

«Միջազգային հանրությունը լուռ կոնսեսուս ունի այլեւս ինքնիշխանության անվտանգության բարձիկներ չունեցող Հայաստան ունենալու հարցում։

Ինքնիշխան Հայաստանի մասին այսօր կարող են խոսել միայն ռաբիս պոետները։

Երեկ Բաքվի ծանր հանցագործությունների դատարանը հրապարակեց մեր 14 ռազմագերների դատավճիռը՝ նրանք դատապարտվեցին 6 ամսից մինչև 4 տարի ազատազրկման։

6 ամիսը այն ժամանակահատվածն է, որի ընթացքում, ըստ միջազգային հանրության կուլուարային զրույցների, պիտի ավարտվի Ադրբեջանին մի քանի հայկական անկլավների հանձնումը, որոնք Ալիևի սիրած խորհրդային քարտեզով եղել են ադրբեջանական ԽՍՀՄ մաս։

6 ամիսը այն ժամկետն է, որի ընթացքում, ըստ միջազգային հանրության կուլուարային զրույցների, պիտի ստորագրվեն Մեղրու միջանցքի և դելիմիտացիա ու դեմարկացիա սկսելու իրավական փաստաթղթերը։

Այսօր Ալիևի աշխատակազմի արտաքին հարաբերությունների վարչության ղեկավար Հաջիևը մարդասպան երկրին ոչ բնորոշ խաղաղասիրական տեքստ է արտաբերել՝ ասելով, որ Հայաստանն ու Ադրբեջանը այլևս ունեն շանս ստորագրելու խաղաղության համաձայնագիր, իսկ դրա համար պիտի ավարտին հասցվեն ձեռք բերված պայմանավորվածություններն ու պիտի սկսվի դելիմիտացիայի ու դեմարկացիայի գործընթացը։ Իսկ Արցախը երբևէ վերադարձնելու օրակարգ ունեցողներին Հաջիևը սպառնաց նոր արհավիրքով։

Ահա այսպես։

Մեր տղաները, հիշեցնեմ, երեկ Բաքվի ծանր հանցագործությունների դատարանի կողմից դատապարտվեցին 6 ամսից մինչև 4 տարի ազատազրկման։ Տարբեր գերտերությունների կաբինետներում այլևս բաց խոսում են, որ մինչև տարեվերջ հիմնական ու վերջին պայմանավորվածությունների փաթեթները պետք է ստորագրվեն ու դա սկսվելու է հենց սեպտեմբերից։

Մեր տղաները պատանդ են։

Պատանդ են այն պայմանավորվածությունների և ստորագրվելիք փաստաթղթերի, որոնք տեղի են ունենալու մեր տարածաշրջանում խաղադրույքներ դրած տերությունների բաց, բայց ոչինչ չտեսնող հայացքի տակ»,- գրել է Զոհրաբյանը:

Այս թեմայով Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան Նաիրա Պետրոսյանը որոնվում է որպես անհետ կորած ՀՀ «լամպուշկա» իշխանություններից պետք է պահանջել կալանքից ազատել բոլոր քաղաքական բանտարկյալներին. Զոհրաբյան Առաջիկայում շատ լուրջ քաղաքական գործընթացներ են սպասվում․ Նաիրա Զոհրաբյան ԵԽ բանաձևերը A4 ֆորմատի վրա գրված թղթեր են․ մեզ էմոցիոնալ ճառեր պետք չեն․ Զոհրաբյան Արևմտյան դեմոքրսիի լայն ապտակը Նիկոլին․ Նաիրա Զոհրաբյան ՀՀ-ն սարքել են տարածաշրջանային բոմժ ու չմո, դրել աշխարհաքաղաքական խժռման սեղանին. Զոհրաբյան Հայց է ներկայացվել ԿԳՄՍ նախարարության դեմ․ Արա Զոհրաբյան Նիկոլն իր թիմակիցներին ասաց՝ դուք զրո եք, ոչինչ չեք որոշում. Նաիրա Զոհրաբյան Սիրտս վկայում է՝ ընտրություններից առաջ Նիկոլը կալանավորելու է իր եղբորը՝ Արտակ Փաշինյանին․ Զոհրաբյան