Մենք քննարկեցինք ԱՄՆ-ի դերը հայ ռազմագերիների ազատման գործում. Ֆրենկ Փալոնե
Արտաքին ՔաղաքականԱՄՆ Ներկայացուցիչների պալատի անդամ, փաստաբան Ֆրենք Փալոնեն ԱՄՆ Պետքարտուղարության եւ Պաշտպանության նախարարության պաշտոնատար անձանց հետ քննարկել է ԱՄՆ-ի հնարավոր դերը Ադրբեջանում հայ ռազմագերիների ազատման գործում: Այս մասին Փալոնեն հայտարարել է Twitter-ի իր պաշտոնական էջում:
«Արդյունավետ զրույց ունեցանք Պետդեպարտամենտի եւ Պաշտպանության նախարարության պաշտոնյաների հետ: Դիտարկեցինք հայ-ամերիկյան հարաբերությունների ամրապնդման ուղիները: Մենք նաեւ խոսեցինք այն կարեւոր դերի մասին, որը Միացյալ Նահանգները պետք է ունենա Ադրբեջանում պահվող հայ ռազմագերիների ազատման, ինչպես նաեւ սահմանային շարունակվող ճգնաժամի լուծման հարցում»,- գրել է Փալոնեն: