ՄԻԵԴ-ում ՀՀ ներկայացուցիչը գոհացուցիչ չի համարում ԵԽ նախարարների կոմիտեի գերիների հարցով աշխատանքը

 Ադրբեջանի  իշխանությունները հատկապես սկզբնական ժամականաշրջանում կամ առհասարակ չէին համագործակցում Մարդու իրավունքների եվրոպական դատարանի հետ հայ գերիների հարցով, կամ մատների արանքով էին նայում այդ հարցին և անընդհատ խախտում էին Դատարանի կողմից կիրառվող միջանկյալ միջոցի ժամկետները:

Այս մասին առցանց ասուլիսի ժամանակ ասաց  Մարդու իրավունքների եվրոպական

դատարանում ՀՀ ներկայացուցիչ Եղիշե Կիրակոսյանը:

ՄԻԵԴ-ում ՀՀ ներկայացուցիչը նշեց, որ Կառավարությունն արդեն իսկ 44-օրյա պատերազմի սկզբից համացանցում շրջանառվող ապացույցների, վերադարձած գերեվարված անձանց հարցաքննության և այլ ուղղակի կամ անուղղակի ապացույցների  հիման վրա գերեվարված անձանց վերաբերյալ ՄԻԵԴ դիմումներ էր ներկայացնում` Ադրբեջանի նկատմամբ հրատապ միջանկյալ միջոց կիրառելու պահանջով, որոնց մեծ մասը ՄԻԵԴ-ը բավարարում էր:

«Այս միջոցով, իհարկե, փորձ էր կատարվում իրավական պարտավորեցնող տեղեկություններ ստանալ Ադրբեջանից` պարտավորեցնելով նրանց գերեվարված անձանց նկատմամբ ապահովել պատշաճ վերաբերմունք Մարդու իրավունքների և հիմնարար ազատությունների պաշտպանության մասին կոնվենցիայի պահանջներին համապատասխան, որպեսզի չխախտվեն առնվազն երկու առանցքային հոդվածները` երկրորդ և երրորդ հոդվածները (կյանքի իրավունքը և խոշտանգումների արգելումը)»,- ասաց Կիրակոսյանը:

ՄԻԵԴ-ում ՀՀ ներկայացուցիչը չի հիշում մի դեպք, որ ադրբեջանական կողմը խախտած չլինի Դատարանի կողմից սահմանված ժամկետները:

«Ադրբեջանի նմանատիպ պահվածքը հանգեցրեց նրան, որ մենք խնդրեցինք Դատարանին, որպեսզի այդ կառույցը իր կանոններով նախատեսված ընթացակարգի համաձայն ծանուցի նաև ԵԽ նախարարների կոմիտեին, որը լինելով հիմնական քաղաքական մարմինը Եվրոպայի Խորհրդում, նաև ունի լիազորություն որոշակի Եվրոպական դատարանի որոշումների կատարման վերահսկողության ուղղությամբ: Ծանուցումը տեղի ունեցավ, սակայն թե ինչ տեղի ունեցավ հետո նախարարների կոմիտեում, մեղմ ասած, գոհացուցիչ չէր, որովհետև բուն հարցի վերաբերյալ քննարկում կամ արդյունք, ցավոք, չտեսանք ինչ-ինչ պատճառներով, միգուցե քաղաքական պատճառներով»,- եզրափակեց Կիրակոսյանը:

Այս թեմայով ՄԻԵԴ-ն ու ՄԱԿ-ը երբեք չեն հայտարարել, որ ՀՀ-ն «օկուպացրել է» Լեռնային Ղարաբաղը (տեսանյութ) «Հրապարակ». Իշխանության յուրայիններից ո՞ւմ կընտրի ՄԻԵԴ-ը «Ժողովուրդ». Այսօր հայտնի կդառնա, թե որ երեք դատավորներն են գնում ՄԻԵԴ «Ժողովուրդ». Ովքե՞ր կլինեն ՄԻԵԴ-ի 3 լավագույն թեկնածու դատավորները. ընտրելու ժամանակ է տրված ՄԻԵԴ-ը նախնական ընդունել է Արթուր Դանիելյանի ու Արմեն Աշոտյանի գործերով գանգատները. փաստաբան Կոչ ենք անում Ադրբեջանին կատարել ՄԻԵԴ որոշումը՝ կապված Գուրգեն Մարգարյանի սպանության հետ Դատավոր Դավիթ Հարությունյանն ընդդեմ Հայաստանի գործը ՄԻԵԴ-ում կքննվի առաջնահերթության կարգով ՄԻՊ-ը ՄԻԵԴ նախկին փոխնախագահին է ներկայացրել Արցախից բռնահանվածների պաշտպանության հարցերը 7 տարի անց 3 հայ զինծառայողի սպանության դեպքերը ՄԻԵԴ-ը համարել է կյանքի իրավունքի կոպիտ խախտում ՄԻԵԴ-ը հայ զինծառայողների սպանության հետ կապված Ադրբեջանի դեմ որոշում է կայացրել