Փաշինյանն ու թիմն «աննախադեպ» ցուցանիշ են գրանցել

Հայաստանի պետական պարտքն անցել է 8 մլրդ 650 միլիոն դոլարից՝ գերազանցելով ՀՀ «Պետական պարտքի մասին օրենքով» նախատեսված առավելագույն 60 տոկոս շեմը:

Դոլարի նկատմամբ դրամի արժեզրկման հետևանքով, երբ պարտքը հաշվարկվում և 2019 թվականի վերջի հետ համեմատվում է դրամով, ապա աճը շատ ավելի մեծ է ստացվում, քան դոլարային հաշվարկներով: Մասնավորապես, 2020 թվականի դեկտեմբերի վերջին Հայաստանի պետական պարտքը կազմել է 7 մլրդ 968 մլն դոլար: Տարվա ընթացքում, այսինքն՝ 2019 թվականի վերջի համեմատ, այն աճել է 647 մլն դոլարով կամ 8.8%-ով: Հայաստանի արտաքին պարտքը 2020-ի վերջի դրությամբ կազմել է 6 մլրդ 53 մլն դոլար՝ տարվա ընթացքում աճելով մոտ 269 մլն դոլարով կամ 4.6%-ով: Իսկ ներքին պարտքը կազմել է 1 մլրդ 915 մլն դոլար՝ ավելանալով մոտ 379 մլն դոլարով կամ 24.6%-ով: Համեմատության համար՝ դրամով պետական պարտքը 2020-ի դեկտեմբերի վերջին կազմել է 4 տրլն 164 մլրդ դրամ՝ տարվա ընթացքում աճելով 18.6%-ով:

Ընդ որում, արտաքին պարտքը կազմել է 3 տրլն 163 մլրդ դրամ՝ աճելով 14%-ով: Ներքին պարտքը կազմել է 1 տրլն դրամ՝ աճելով 35.8%-ով: Սրա արդյունքում ավելացել է կառավարության պարտք-ՀՆԱ հարաբերակցությունը՝ 2020 թվականի վերջում կազմելով 63.5%, մինչդեռ 60%-ի շեմը գերազանցելը համարվում է «վտանգավոր շեմի» հատում: «Պետական պարտքի մասին» օրենքը սահմանում է, որ յուրաքանչյուր տարվա դեկտեմբերի 31-ի դրությամբ կառավարության պարտքի և Հայաստանի Հանրապետության համախառն ներքին արդյունքի հարաբերակցության սահմանային շեմը 60 տոկոս է։ Երբ կառավարության պարտքը գերազանցում է տվյալ տարվա ՀՆԱ-ի 60%-ը, պարտավորվում է հստակ սահմանափակումների գնալ հարկաբյուջետային պլանավորման ժամանակ:

Մինչ ընտրությունները ԿԲ-ն, ֆինանսների նախարարությունը և անձամբ վարչապետը համոզում էին հանրությանը, որ պետական պարտքի ավելացման մեջ վտանգավոր ոչինչ չկա, Փաշինյանի անգամ Աժ ամբիոնից էր հայտարարում, որ վախենալ պետք չի վարկերից, պետք լինի՝ էլի կվերցնենք: Սակայն ընտրություններից հետո հանրությանը կանգնեցնում են, ըստ էության, փաստի առաջ, երբ պարզ է դառնում, որ մի կողմից ամենաբարձր մակարդակով խախտվել է պետական պարտքի մասին ՀՀ օրենքը, մյուս կողմից էլ պաշտոնյաների կողմից ընդամենը հանրությանը մոլորեցնելու փորձեր են արվել, ժողովրդից թաքցվել է իրականությունը, այն իրականությունը, որն այսօր բոլորս ստիպված ենք ընդունել իբրև կայացած փաստ:

Այս թեմայով Հնդիկ ուսանողները ահազանգում են՝ «Հայբուսակը» չի թողնում մասնակցել պետական ավարտական քննություններին. Hetq.am Պետական մարմինները «լվանում են ձեռքերը». արցախցիների կենսաթոշակների ճակատագիրն անորոշ է. Hetq.am ՀՀ պետական բյուջե մուտքագրվել է ավելի քան 20 մլն ՀՀ դրամ. ԲԸՏՄ Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր