Որքան էլ շարունակվեն ապօրինությունները, Արմեն Չարչյանը լինելու է ազատության մեջ. Արամ Վարդևանյան

Վերաքննիչ քրեական դատարանը մերժեց Արմեն Չարչյանի պաշտպանների կողմից ներկայացված բողոքը։ Դատարանը հրապարակեց «Իզմիրլյան» ԲԿ տնօրեն, «Հայաստան» դաշինքի պատգամավորի թեկնածու Արմեն Չարչյանի կալանավորման դեմ պաշտպանների բողոքի վերաբերյալ որոշումը։ Այս մասին այսօր՝ հուլիսի 8-ին, Վերաքննիչ քրեական դատարանի բակում լրագրողների հետ զրույցում նշեց փաստաբան Արամ Վարդևանյանը.

«Դատարանը՝ Լուսինե Աբգարյանի նախագահությամբ մերժեց մեր բողոքը, մերժեց բավականին դողդողացող ձայնով, ամեն ինչ էլ ընկալելի և հասկանալի է, բայց իրավաչափ չէ. հասկանալի են ճնշումները դատավորների նկատմամբ, նոր որակի մոտեցումները, բայց այդ ամենը կապ չունի իրավունքի հետ»,- ընդգծեց Արամ Վարդևանյանը։

Վերջինս նշեց, որ բոլոր դեպքերում Վերաքննիչ դատարան էին եկել արդարադատության ակնկալիքով, կարծելով, որ իրավաբանություն են տեսնելու, սակայն՝ ըստ իրենց՝ ապարդյուն. «Դատարանի կողմից բոլոր հարցադրումները, որոնք հնչում էին, տպավորություն էին թողնում, որ կալանավորումը որպես խափանման միջոց պետք է վերացվեր։ Հերթական անգամ ունեցանք քաղաքական հետապնդման ագրեսիվ դրսևորման դեպքում պլանավորման ֆետիշացում»։

Վարդևանյանը ընդգծեց, որ որքան էլ շարունակվեն ապօրինությունները՝ Արմեն Չարչյանը ամեն դեպքում լինելու է ազատության մեջ։

Հիշեցնենք, որ ընտրություններին ընդառաջ տելեգրամյան մի ալիքում հրապարակվել էր ձայնագրություն, համաձայն որի՝ «Իզմիրլյան» բժշկական կենտրոնի տնօրեն Արմեն Չարչյանը հունիսի 18-ի առավոտյան աշխատակիցների հետ հանդիպմանը հորդորել է, որ նրանք պարտադիր կարգով մասնակցեն ընտրություններին։ Չարչյանը նշել է, որ եթե որևէ մեկը չմասնակցի ընտրություններին, ապա կիմանա այդ մասին։

Այս թեմայով «Հրապարակ». Արամ Սարգսյանի մտերիմին 1 բուլդոզերի համար 700 հազար դոլար են տվել Արամ Վարդևանյանը միացել է Սամվել Վարդանյանի փաստաբանական խմբին Արամ Հովհաննիսյանը պարգևներ է հանձնել Ոստիկանության մի խումբ ծառայողների Քաղաքաշինության կոմիտեի գլխավոր քարտուղար Արամ Մկրտչյանն ազատվել է պաշտոնից Արամ MP3-ն երկրպագուներին է ներկայացրել «Երևի» նոր երգը Ռաֆայել ԻԱ․ Հոգևոր Տերը այցելել է Արամ Ա․ Վեհափառ Հայրապետին «Հրապարակ». Արամ Սարգսյանի կուսակցի ՍՊԸ-ն «բինգո» է բռնել Իրար ողջունենք մեզ շրջապատող տագնապները հաղթահարելու Հարության հավատքով. Արամ Ա-ի պատգամը Առաջիկա շաբաթներին հնարավոր հարձակման մասին խոսակցությունները չափազանցված են. Արամ Սարգսյան «Արամ Խաչատրյան» համերգասրահում կկայանա Հայաստանի պետական ջազ նվագախմբի համերգը