68.000 գումար են տալիս, չգիտես՝ դրանով գդալ, ափսե առնե՞ս, թե՞ վարձը տաս. տեղահանված քաշաթաղցիների բողոքի ակցիան կառավարության դիմաց

Քաշաթաղից տեղահանվածներն այսօր՝ հուլիսի 9-ին, կառավարության շենքի դիմաց պահանջում էին լուծել իրենց բնակարանային խնդիրը։ Նախկինում վերաբնակեցվածներն այսօր տեղահանված են։ 

Քաշաթաղցիները նշում են՝ 9 ամիս է անորոշության մեջ են ապրում, իսկ կառավարությունը հստակ որոշում չի հայտնում։ Բանկերից էլ ծանուցագրեր են ստանում ՝ ներկայանալու դատարան։

«Մենք հիմա, տարիքից ելնելով, էլ չենք կարող գնալ նորից բնակեցնել մեր սահմանային հատվածները՝ 25 տարի բնակեցրինք, դպրոց բացեցինք, Միրիկ համայնքը կայացրեցինք։ Պարբերաբար զանգեր են գալիս բանկից՝ «ինչո՞ւ չեք վճարում»։ Պատասխանել եմ, որ ոչ հասցե ունենք, ոչ տուն ունենք, ոչ աշխատանք։ Փաստացի տարբեր տեղեր եմ ապրում, հիմա ծանուցագիր եմ ստացել, որ ներկայանամ դատարան։ Արցախբանկին ոչինչ չի հետաքրքրում, ամեն անգամ մեզ ասում են՝ տույժերը մարեք, մեզ հետաքրքիր չի՝ որտեղ եք ապրում։ Ներկայանամ դատարան՝ ի՞նչ պիտի մեզնից վերցնեք, վերցրեք։ Վերջապես թող կարգավորումներ անեն»։

Բողոքի ակցիա կատարողներից մեկը 650 հազար դրամի չափով վարկ ունի, որը վերցրել էր բնակարանը վերանորոգելու համար։ Աշխատանքներից մեկ շաբաթ հետո պատերազմը սկսվել է։ Հիմա մտածում են՝ իրենց ձայնը չեն ուզում լսել։

Մեկ այլ բողոքի ակցիա իրականացնող էլ նշեց, որ Արծրուն Հովհաննիսյանն ասում էր, թե հաղթելու ենք, հաղթելու ենք։ Հիմա պարտվել ենք, Արծրուն Հովհաննիսյան արի մեզ պատասխան տուր, որ չենք հաղթել. «Այսօր 68 հազար դրամ գումար են տալիս, չգիտես՝ դրանով գդալ, ափսե, աթոռ առնես, թե վարձը տաս։ Ի՞նչ առնես դրանով, որ ապրես։ Հունվարից մինչև հիմա հյուրընկալության գումարը չի լինում։ Մենք գնացել ենք Քաշաթաղ, 10 տարի իմ երեխաները մանկություն չեն տեսել, չարչարվել ենք, բնակարանը մենք ենք կառուցել։ Մեզ թող ասեին, որ պատերազմ է լինելու, չենք հաղթելու, ոչ մի բան մի արեք։ Մեր գումարը կհավաքեինք, այսօր այստեղ տուն կգնեինք»,-ասաց Քաշաթաղից տեղահանված բնակչուհին։

Այս թեմայով Stop_nikol ակցիան կառավարության շենքի դիմաց. այս պահին ընթանում է նաև կառավարության նիստը (տեսանյութ) ՈՒՂԻՂ․ Վարդան Ղուկասյանի աջակիցներն ակցիա են իրականացնում Վաղը՝ ժամը 12։00-ին, միացեք կառավարության դիմաց բողոքի ակցիային. իրենք 1+1 եկան, իրենց հնարավոր է կանգնեցնել 1+1-ով. Վահագն Չախալյան Հինգշաբթի օրը` ժամը 12։00-ին, միացեք կառավարության դիմաց մեր բողոքի ակցիային. Վահագն Չախալյան STOP_NIKOL. Վահագն Չախալյանը բերման է ենթարկվել ակցիա անելու համար ԵԽ գլխավոր քարտուղարը հեռացավ ԱԳՆ-ից`չմոտենալով բողոքի ակցիա անցկացնող ցուցարարներին ՈՒՂԻՂ․ Բողոքի ակցիա՝ ԱԳՆ-ի դիմաց․ պահանջում են ազատութուն քաղբանտարկյալներին Աշոտյանի գույքի վրա արգելանքի մասին հայցը «PR» ակցիա է քաղաքական հետապնդման մասին. փաստաբան Ռուսաստանը բողոքի նոտա է հղել Մոլդովային Փաշինյանը փորձում է սեպ խրել արցախցիների և ՀՀ-ի մեր հայրենակիցների միջև. սա չենք ընդունելու. ակցիա