Երևանցին վեճի ժամանակ կրակել է 27-ամյա ալավերդցուն և դիմել փախուստի․ մանրամասներ

ՀՀ քննչական կոմիտեի Լոռու մարզային քննչական վարչությունում ավարտվել է 27-ամյա երիտասարդի առողջությանը դիտավորությամբ ծանր վնաս պատճառելու դեպքի առթիվ հարուցված քրեական գործի նախաքննությունը:

Քննությամբ պարզվել և հիմնավորվել է, որ 2020 թ. մարտի 9-ին՝ ժամը 16:00-ի սահմաններում, Ալավերդի քաղաքի Սայաթ-Նովա հրապարակի հարակից այգում վիճաբանություն է տեղի ունեցել նույն քաղաքի 27-ամյա բնակչի և Երևան քաղաքում բնակվող, 1993 թ. ծնված երիտասարդի միջև, որի ժամանակ վերջինս, մարմնական վնասվածք պատճառելու դիտավորությամբ, իր կողմից ապօրինի ձեռք բերած, պահած 9մմ տրամաչափի «Մակարով» տեսակի ակոսափող ատրճանակով, կրակ է արձակել Ալավերդի քաղաքի 27-ամյա բնակչի ուղղությամբ՝ նրա առողջությանը պատճառելով ծանր վնաս, և դիմել փախուստի:

Նախաքննության ընթացքում իրականացված քննչական գործողությունների արդյունքում հանցագործության գործիք հանդիսացող ատրճանակը և պահունակում առկա ռազմամթերք հանդիսացող 4 հատ փամփուշտները հայտնաբերվել ու վերցվել են հիշյալ այգու հարևանությամբ գտնվող թաքստոցից:

Մինչդատական վարույթում ձեռք բերված բավարար ապացույցների համակցությամբ՝ Երևան քաղաքի բնակչին մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասով և 235-րդ հոդվածի 1-ին մասով: Նրա նկատմամբ որպես խափանման միջոց ընտրվել է կալանավորումը:

Նախաքննություն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին:

Այս թեմայով Երևանում 9-ամյա երեխան խաղալու ժամանակ քարերով վնասել է 2 մեքենա` պատճառելով մոտ 1 մլն դրամի վնաս «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Վանաձորում կարիճի խայթոցի դեպք է գրանցվել. 16-ամյա աղջիկ է տուժել «Մորս է նեղացրել». դանակահարություն՝ Արթիկում. 17-ամյա բնակչի մոտ հայնաբերվել է մի քանի դանակ, որից մեկը՝ արյունոտ 29-ամյա երիտասարդը մասնակցել է թմրամիջոցների ապօրինի իրացմանը և 43մլն դրամի փողերի լվացում կատարել Հարցաքննվել են 19-ամյա զինծառայողի համածառայակիցները. հրազենային վնասվածքի դեպքով նախաձեռնվել է քրեական վարույթ Ավան գյուղի բնակիչը խեղդամահ էր արել Երևանի բնակիչ 69-ամյա տղամարդուն. ոստիկանությունը մանրամասներ է ներկայացրել Ողբերգական դեպք՝ Լոռու մարզում․ Ալավերդի քաղաքի տներից մեկում հայտնաբերվել է 16-ամյա երեխայի մարմին Ավան գյուղի տներից մեկում հայտնաբերվել է 69-ամյա տղամարդու դի. հանգամանքները պարզվում են Երևանում 28-ամյա տղան շինաշխատանքներ կատարելիս հոսանքահարվել ու տեղում մահացել է