Նվիրատվություններ և միլիոնների եկամուտ. աղմկահարույց քրեական գործերով դատավորների ունեցվածքը

«Դատավորը չպետք է նվեր ընդունի կամ այն հետագայում ընդունելու համաձայնություն տա, եթե ողջամտորեն կարող է ընկալվել, որ այն կապված է իր պաշտոնեական պարտականություններն իրականացնելու հետ», – ամրագրում է Դատական օրենսգիրքը։ Սակայն, ինչպես երևում է, Նոր Հայաստանում օրենքը դատավորների համար չէ գրված:

Դիցուք՝ նորանշանակ դատավոր Ռուզաննա Ազրոյանը 2018-ին ստացել է 30 000 դոլարի նվիրատվություն՝ գույքի տեսքով․ դատավորին ծնողը ամառանոց է նվիրել։

Դատավոր Սերգեյ Մարաբյանը երեք հայտարարագրերում նվիրատվություններ է նշել, 2014-ին պաշտոնը ստանձնելիս՝ 15 000 դոլար ու 100 000 ռուբլի, 2017-ին՝ 500 դոլար, 2018-ին՝ 200 000 ռուբլի։ Դատավոր Ռուբիկ Մխիթարյանի կինը 2013-2018-ին յուրաքանչյուր տարի ստացել է նվիրատվություններ, ընդհանուր ՝ 6 300 դոլար ու 375 000 ռուբլի։

Դատավոր Գագիկ Խանդանյանը ստացել է 5 մլն դրամ նվիրատվություն, իսկ նրա կինը՝ 2,4 մլն դրամ։ Նրա հետ համատեղ բնակվող երկու անձինք ավելի քան 4,5 մլն դրամ նվիրատվություններ են ստացել։ Ի դեպ, այս դատավորի որդին՝ Ռաֆիկ Խանդանյանը, վարչական դատարանում է, սակայան որևէ նվիրատվություն չի ստացել։

Ըստ բարձաստիճան պաշտոնատար անձանց էթիկայի հանձնաժողովի կայքում հրապարակված հայտարարագրերի՝ Մարտի 1-ի գործը քննող դատավոր Աննա Դանիբեկյանի եկամուտները աճել են՝ 9,885,776.00 դրամ, որից 6,135,824.00 դրամն աշխատանքից ստացված վարձատրությունն է, իսկ մնացածը՝ փոխառությունները։ 2018-ին դատավորը բնակարաններից մեկը 10,833.00 դոլարով վաճառել է։ Նրա փոխառությունները նույնն են մնացել, դրամական միջոցները կազմել են՝ 1.5մլն դրամ, 1000 դոլար և 3000 եվրո, իսկ եկամուտները՝ 10,120,058.00 դրամ, որը գոյացել է աշխատավարձից և փոխառություններից։

Քրեական գործը, որով անցնում է երրորդ նախագահ Սերժ Սարգսյանը, քննելու է դատավոր Վահե Միսակյանը: Վերջինս 2018 թվականին հայտարարագրել է 3,900,000.00 ՀՀ դրամ արժողությամբ MAZDA 6 2.5 L ավտոմեքենան, 3,500,000.00 ՀՀ դրամ, 5,000.00 ԱՄՆ դոլար: Դատավորի եկամուտները հարկային տարում կազմել են 18,987,976.00 ՀՀ դրամ: 

Վերաքննիչ քրեական դատարանը՝ նախագահությամբ դատավոր Սերգեյ Մարաբյանի, որը վերջերս մերժեց ՊեԿ նախկին նախագահ, ֆինանսների նախկին նախարար Գագիկ Խաչատրյանի կալանքի ժամկետը երկարացնելու որոշման դեմ նրա պաշտպանի բողոքը, հայտարարագրել է 2,400,000.00 ՀՀ դրամ, 2,500.00 ԱՄՆ դոլար և 150,000.00 ռուբլի: Հարկային տարում նրա եկամուտները կազմել են 9,648,732.50 ՀՀ դրամ, միևնույն ժամանակ, ուշագրավ է, որ դատավորը որպես նվիրատվություն հայտարարագրել է նաև 200,000.00 ռուբլի: 

Այս թեմայով Անպատժելիության գերակայությունը հանգեցնում է նման խայտառակ արդյունքի․ Քոչարյան Սասուն Խաչատրյանը՝ Արսեն Թորոսյանին հարցաքննելու, Երևանի փոխքաղաքապետի և Մարտի 1-ի քրգործերի մասին Ոստիկանության հենասյուների միջև լարվածությունը հարց կառաջացնի՝ ո՞վ է արջը. Քոչարյան Բանակում կանանց ներգրավումը մոդայի՞կ է, թե՞ նոր լիցք կտա. Անդրանիկ Քոչարյան Նորատուսի Գրիգորյանը եթե ոստիկաններից էդքան գոհ ա, ուրեմն արդյունավետ ենք աշխատում. Քոչարյան Պարո’ն Քոչարյան, սենց գնա, «պլան» եք բաժանելու՝ ոստիկանության աշխատանքը ստուգելու համար. Մանուկյան Ես էի, Սանդիկովը, Ասատրյանը, մեծ արագությամբ մտանք Երևան, պարեկը քաշեց, դիմացը փակեց. Քոչարյան ՀՀ վերաքննիչ քաղաքացիական դատարանում դատավորներ են նշանակվել ՆԱՏՕ ԽՎ նիստին քննարկել ենք անվտանգային հարցեր, ներկայացրել ենք խաղաղության օրակագը․ Քոչարյան ԱԺ նիստ․ պատգամավորները դատավորներ են ընտրում․ ՈՒՂԻՂ