Անի հյուրանոցի մոտ սպանված երիտասարդն ու վիրավորված նրա ընկերը պետք է աշխատանքի անցնեին ԱԱԾ-ում. ArmLur.am

Անի հյուրանոցի մոտ սպանված երիտասարդն ու վիրավորված նրա ընկերը սովորել են Լենինգրադի Ազգային Անվտանգության ծառայությունում եւ Հայաստան էին տեղափոխվել ՀՀ ԱԱԾ-ում աշխատելու նպատակով, մոտ մեկ շաբաթից պետք է աշխատանքի անցնեին ԱԱԾ-ում: Այս մասին հայտնում է ArmLur.am-ը։

«Իրավապահներն այս պահին փնտրում են BMW մակնիշի մեքենա, որով, ըստ նախնական վարկածի, դեպքի վայրից հեռացել է սպանություն կատարողը»,– գրել է կայքը։

Նշենք, որ shmashyan.com-ը գրել էր, որ հուլիսի 10-ին, սպանություն և սպանության փորձ է տեղի ունեցել Երևանի կենտրոնում։

Ժամը 02։00-ի սահմաններում Երևանի 1-03 շտապօգնության բժիշկների «06» խմբից ահազանգ է ստացվել ոստիկանության կենտրոնական բաժին, որ դանակահարված վիճակում թիվ 1 համալսարանական հիվանդանոց են տեղափոխել 2 քաղաքացու։

Հիվանդանոցում բժիշկները ոստիկաններին և քննիչներին հայտնել են, որ վիրավորներն ի վիճակի չեն կատարվածի մասին բացատրություն տալ, իսկ կարճ ժամանակ անց թիվ 1 համալսարանական հիվանդանոցից ահազանգ է ստացվել, որ վիրավորներից մեկը, գիտակցության չգալով, մահացել է։

Ոստիկաններն ու քննիչները պարզել են՝ հիվանդանոց տեղափոխվածներն են Երևանի բնակիչ՝ 23-ամյա Արեգ Խալաթյանը, ով նշված կենտրոն է տեղափոխվել «ստորին սիներակի լայնակի պատռվածք, հաստ աղիքի վնասում, բարակ աղիների վնասում, հեմատոմա և հեմոռագիկ շոկ» ախտորոշմամբ, ով մահացել է, իսկ վիրավորը Արցախի Հանրապետության բնակիչ՝ 21-ամյա Արման Պողոսյանն է։ Վերջինս հիվանդանոց է տեղափոխվել «ներքին կրծքային զարկերակի վնասում, թոքի վնասում» ախտորոշմամբ և այս պահին գտնվում է ծայրահեղ ծանր վիճակում։

Ոստիկաններն ու քննիչները պարզել են նաև, որ նույն օրը, ժամը 01։00-ի սահմաններում Սայաթ-Նովա պողոտա 19 հասցեում գտնվող «Անի» հյուրանոցային համալիրի մոտ վիճաբանություն է տեղի ունեցել նշված անձանց և դեռև չպարզված անհայտ անձի միջև, ով սուր կտրող-ծակող առարկայով հարվածներ է հասցրել նշված անձանց։

Փաստի առթիվ Կենտրոն և Նորք Մարաշ վարչական շրջանների քննչական բաժնում ՀՀ քր.օր-ի 104 հոդվածի 1-ին մասի և 34-104 հոդվածի 1-ին մասի հատկանիշներով հարուցվել է քրեական գործ։

Այս թեմայով Երիտասարդ բռնցքամարտիկները ԵԱ-ում նվաճել են 5 մեդալ Երիտասարդ բռնցքամարտիկները ԵԱ-ում առնվազն երեք մեդալ են ապահովել Հայ երիտասարդ բռնցքամարտիկները շարունակում են ելույթները Խորվաթիայում Երիտասարդ բռնցքամարտիկները մեկնել են Եվրոպայի առաջնությանը Հադրութի հրապարակում տարեց և երիտասարդ անձինք գնդակահարվեցին. սա հստակ էթնիկ սպանություն էր Երիտասարդ բռնցքամարտիկները Եվրոպայի առաջնությանը կմասնակցեն ամբողջական կազմով Բա ոչ թե Հունաստանում կղզի առնեիք, այլ Ոսկեպարում հյուրանոց կառուցեիք. Փաշինյանը՝ ընդդիմությանը Հայ պատանիների «Գեղարդ» տեսանյութը կմասնակցի «Եվրոպական ժառանգության երիտասարդ կերտողներ» մրցույթին Առանձնապես խոշոր չափի՝ մոտ 300 գ․ «Մեթամֆետամինի» ապօրին շրջանառություն՝ երիտասարդ կնոջ և տղամարդու կողմից․ վերջիններս կալանավորվել են Բարձրահարկ շենքի բակում երիտասարդ աղջկա դի է հայտնաբերվել