Վարդևանյանը պարզաբանեց, թե ինչու են ցանկանում, որ ԱԺ-ում իշխող ուժը չունենա 3/5-րդ ներկայացվածություն

«Հայաստան» դաշինքը զսպում և հակակշռում ապահովելու նպատակով կարևորում է, որ ԱԺ-ում մեծամասնություն ունեցող խմբակցության առավելագույն տեղերը սահմանափակվեն մինչև 3/5-ով:

«Հայաստան» դաշինքի ներկայացուցիչ Արամ Վարդևանյանը ՍԴ նիստում ներկայացրեց այս պնդման հիմնավորումները՝ անդրադառնալով ՍԴ դատավոր Վահե Գրիգորյանի հարցին:

Վահե Գրիգորյանը նկատեց, որ Վարդևանյանն այս մասին խոսել է՝ հղում կատարելով աղբյուրների, նշելով, որ դա սահմանադրի կամքին վերագրելի մոտեցում է: Նա հետաքրքրվեց, թե ի՞նչ նկատառում կարող է դրա տակ դրված լինել:

Վարդևանյանը հիշեցրեց՝ աղբյուրները հադիսանում են 2015-ի Սահմանադրության փոփոխությունների հայեցակարգը, 2015-ի Սահմանադրության փոփոխությունների վերջնական նախագծի տեքստի հիմնավորումը: «Ես կարծում եմ, որ այդ աղբյուրներն ինքնին սահմանադրի կամքի բացահայտման առավել, քան պատշաճ աղբյուր են»,- նշեց նա:

Ըստ նրա՝ դրանով սահմանադիրը ուզել էր, որ 2015-ից հետո սահմանադրական օրենքներն ընդունվեն ոչ թե մեկ ուժի կամքի արտահայտման, այլ կոնսոլիդացիայի ձևով: «2022-ին նոր դատախազ պետք է ընտրվի: Սահմանադիրն ուզել է, որ գլխավոր դատախազը չլինի մեկ ուժի կողմից նշանակված, սահմանադիրն ուզել է, որ գլխավոր դատախազն ունենա անկախություն: Սահմանադիրն ուզել է, որ ԿԸՀ անդամները չընտրվեն մեկ ուժի կողմից, այլ ընտրվեն կոնսոլիդացիայի արդյունքում»,- ասաց Վարդևանյանը:

Ըստ նրա՝ այդ շեմի սահմանմամբ սահմանադիրը ցանկացել է բարձրացնել ընդդիմադիրների դերը՝ դրանով իսկ երաշխավորելով ժողովրդավարության սկզբունքի դասական իրացումը: «3/5-րդը որևէ կերպ չի բախվում կառավարության բնականոն գործունեության հետ: Օրենքներ, օրենսգրքեր, գերավճարների հետ կապված վերադարձի որոշումներ. դրանք բոլորը կարող են իրականացնել, բայց Ընտրական օրենսգիրքը, Դատական օրենսգիրքը, ՍԴ մասին օրենսգիրքը, ԲԴԽ անդամները. բոլոր այն մարմինները, որոնք պետք է ունենան անկախության բարձր աստիճան, պետք է ԱԺ մեկ ուժի կամքից կախված չլինեն»,- ասաց Վարդևանյանը:

Ըստ նրա՝ այդ 3/5-րդը նշվել է սահմանադրական օրենքների համար ապահովելու քաղաքական կոնսոլիդացիա՝ զսպում և հակակշռում:

Այս թեմայով Արամ Վարդևանյանը միացել է Սամվել Վարդանյանի փաստաբանական խմբին Նարեկ Սամսոնյանի նկատմամբ ականատես ենք եղել անհամաչափ ուժի կիրառման. Արամ Վարդևանյան Հերոսի ծնողի դեպքում կալանավորման վերացումն անհրաժեշտ է և իրավաչափ է․ Արամ Վարդևանյան Վազգեն Մանուկյանի գործով քննիչներն ու դատախազները միմյանցից տեղյակ չեն եղել. Վարդևանյան Արամ Գասպարյանն ազատ արձակվեց՝ 530 օր կալանավորումից հետո, ստանձնել եմ նրա պաշտպանությունը․ Վարդևանյան Ադրբեջանցիների կողմից Լաչինի միջանքը փակելը՝ Սումգայիթի, Մարաղայի ջարդերի, մեր Հայրենակիցներին ցեղասպանելու քաղաքականության շարունակությունն է. Վարդևանյան «Փաստ». Արամ Վարդևանյանը վիրահատվել է Նոյեմբերի 5-ի հանրահավաքը միասնական լինելու մասին է, Արցախ աշխարհի մասին է, մեր Հայաստանի մասին է. Արամ Վարդևանյան Սուտ ու կեղծիք ու նույնիսկ այս օրհասական պայմաններում պառակտում քարոզող անձի շուրջ` համախմբում հնարավոր չէ․ Արամ Վարդևանյան Ո՞նց եք հերոսի մորը քաշում, ի՞նչ արժեքներ եք ձեր մեջ պահել․ սա՞ է հայը․ Վարդևանյան