Աննա Դանիբեկյանի քթի վիրահատության գործով դատախազը հաստատել է մեղադրական եզրակացությունը. միակ մեղադրյալը Նարեկ Մանթաշյանն է

ՀՀ երկրորդ նախագահ Ռոբերտ Քոչարյանի քրեական գործը քննող Երեւանի ընդհանուր իրավասության դատարանի դատավոր Աննա Դանիբեկյանի քթի վիրահատության գործով դատախազը հաստատել է մեղադրական եզրակացությունն ու այն ուղարկել դատարան։

Ըստ լուրերի՝ քրեական գործով միակ մեղադրյալը «Հայաստան» դաշինքի անդամ Նարեկ Մանթաշյանն է, որին մեղադրանք է առաջադրվել Աննա Դանիբեկյանի քթի վիրահատության ենթարկվելու մասին տեղեկատվությունը տարածելու համար։

Հիշեցնենք, որ տեղեկատվության տարածումը տեղի է ունեցել ավելի քան մեկ տարի առաջ. 2020 թվականի մարտին պաշտպանական կողմը միջնորդություն էր ներկայացրել կալանքի տակ գտնվող Ռոբերտ Քոչարյանի խափանման միջոցը փոխելու մասին, իսկ գործով դատավոր Ա. Դանիբեկյանը չէր ներկայացել նիստին՝ առանց որեւէ պատճառաբանության ու չէր քննարկել անհապաղ քննարկման ենթակա միջնորդությունը։ Հասարակական գործիչ Նարեկ Մանթաշյանը 2020 թ. ապրիլին հրավիրած մամուլի ասուլիսում տեղեկացրել էր, որ Ա.Դանիբեկյանի նիստին չներկայանալու պատճառը եղել է քթի վիրահատությունը՝ պետպատվերի շրջանակներում։

Թեեւ տեղեկությունը հաստատվեց, սակայն նախաքննական մարմինը քրեական գործ հարուցեց անձնական գաղտնիք համարվող տեղեկությունները հրապարակելու համար ու ավելի քան մեկ տարի անց քրեական գործն ուղարկել են դատարան՝ մեղադրական եզրակացությամբ։

Գործը դատարան է մուտք եղել 2021 թվականի հուլիսի 12-ին ու մակագրվել Երեւանի ընդհանուր իրավասության դատարանի դատավոր Արման Հովհաննիսյանին։

Այս թեմայով Աշխարհի ամենամեծ շուրթերով աղջիկը խոսել է դրանք էլ ավելի մեծացնելու ցանկության մասին Հայաստանում հազվադեպ վիրահատություն են իրականացրել Սխալ վիրահատություն են արել, 6-ամյա աղջիկը մահացել է. մայրը դիմել է գլխավոր դատախազին «Սուրբ Աստվածամայր» ԲԿ-ում տիտանե կոնստրուկցիայով գանգի դեֆեկտի աննախադեպ վիրահատություն է կատարվել Կինը 20 տարի ապրել է ստամոքսի մեջ մկրատով Բժիշկները տղամարդու աչքից հինգ սանտիմետրանոց ճյուղ են հանել (լուսանկար) Հռոմի Պապը վիրահատությունից հետո առաջին անգամ հայտնվել է հավատացյալների առջև Հռոմի Ֆրանցիսկոսի պապի վիրահատությունը բարեհաջող է անցել Րաֆֆի Հովհաննիսյանն արտերկրում սրտի բարդ վիրահատություն է տարել, բժիշկները արգելել են տեղաշարժերը Աննա Հակոբյանը Գյումրիում մասնակցում է բազմամարդ համերգի (տեսանյութ)