ԶՊՄԿ-ի կանգնելուն մնացել է մեկ-երկու օր. 20 մլն եկամտից արդեն զրկվել է. Վահե Հակոբյան

Զանգեզուրի պղինձամոլիբդենային կոմբինատն անգամ արցախյան առաջին պատերազմի ժամանակ չէր կանգնել, երբ կողքերը ռումբ էր ընկնում, իսկ հիմա իշխանությունը կարողանում են անել ամեն ինչ, որ կոմբինատի աշխատանքը  կանգնի։ Այս մասին այսօր՝ հուլիսի 15–ին, լրագրողների հետ զրույցում ասաց «Հայաստան» դաշինքի պատգամավորի թեկնածու, «Վերածնվող Հայաստան» կուսակցության նախագահ Վահե Հակոբյանն՝ անդրադառնալով ԱԱԾ «Ալֆա» ջոկատի ներխուժմանը՝ կոմբինատ։

«Կոմբինատի կանգնելուն մնացել է մեկ–երկու օր։ Ես չեմ կարող հիմա հստակ ասել, թե այս գործընթացներն ինչ բացասական հետեւանք ենք ունեցել կոմբինատի եւ պետության վրա, բայց 20 մլն–ից ավել եկամտից կոմբինատն արդեն զրկվել է։ Առանց որեւէ պատճառաբանության, կոմբինատին արգելում են արտահանել հանքանյութը, երը բերում է տուգանքների, ինչը նշանակում է, որ Հայաստան տարադրամ չի մտնի, իսկ դա էլ կազդի դոլարի կուրսի վրա»,– ասաց Հակոբյանը։

Վահե Հակոբյանն անդրադարձավ նաեւ այսօր ԱԺ–ում ընդունված մի օրինագծի, որն, ըստ որոշ իշխանականների, հանքերն ազգայնացնելու վերաբերյալ է։  Ըստ Հակոբյանի՝ դա  անհեթեթություն է։

«Դա անհեռատես, անխելք օրինագիծ է, հակասում է ներդրումային ընկերությունների իրավունքներին։ Անգամ, եթե պատկերացնենք, որ այդ օրինագիծը որպես օրենք կյանքի է կոչվելու, եւ փակվելու են հանքարդյունաբերույան բոլոր հիմնարկները, դա  նշանակում է, որ Հայաստանի տնտեսությունը քանդվելու է։ Բայց ես համոզմունք ունեմ, որ բանը դրան չի հասնի, որովհետեւ օտարերկրյա ներդրողները  պաշտպանված են օրենքով, եւ առնվազն 5 տարի իրավունք չկա  որեւէ հարկային օրենքի փոփոխություն»,– հավելեց նա։

Այս թեմայով Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը Մենք տավուշեցու տունը չենք տալիս թշնամուն. Վահե Ղալումյան (տեսանյութ) Պաշտոնական բան չեմ կարա ասեմ, խնդրում եմ, եկել եմ՝ լսեմ բնակիչներին. փոխոստիկանապետ Կարեն Հակոբյան (տեսանյութ) Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ) «Կարողանու՞մ եք նայել ժողովրդի աչքերին». լրագրողը՝ ՔՊ-ական Վահե Ղալումյանին «Չափդ չանցնես, ես իմ հողի վրա եմ». տավուշցին` Վահե Ղազարյանին Եկել եմ` ասեմ, որ ձեզ խաբող չկա. Վահե Ղազարյան «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին