ՍԴ-ի այս որոշումը կանխատեսելի էր, ՍԴ-ի նկատմամբ քաղաքական ճնշումները՝ պարզ և հստակ. Վարդևանյան

ՍԴ-ի այս որոշումը կանխատեսելի էր, ՍԴ-ի նկատմամբ քաղաքական ճնշումները՝ պարզ եւ հստակ: Այս մասին, ՍԴ-ում լրագրողների հետ զրույցում նշեց «Հայաստան» դաշինքի ներկայացուցիչ Արամ Վարդեւանյանը՝ անդրադառնալով ՍԴ որոշմանը, որն ուժի մեջ թողեց ԱԺ արտահերթ ընտրությունների արդյունքների վերաբերյալ ԿԸՀ որոշումը:

«9 դատավորներից յուրաքանչյուրը պատկերացնում էր, որ իշխանության դեմ գնալու դեպքում իրենց կարող են փռել ասֆալտին, կտրեն  մատները, վենդետա լինի եւ այլ բոլոր մյուս տերմինները: Կարելի է ասել, որ ՍԴ-ն այս պայմաններում չունեցավ խիզախություն կայացնելու ճիշտ որոշում, որը ընտրության արդյունքներն անվավեր ճանաչելու մասին էր, բայց դրանից իրավիճակը չի փոխվում: Դուք բոլորդ տեսաք նիստի ընթացքը, հակափաստարկների բացակայությունը, որից որեւէ իրողություն չի կարող փոխվել ՍԴ-ի իրավական փաթեթավորմամբ, քաղաքական  հրահանգով կատարված որոշմամբ: Այս ընտրությունները ցույց տվեցին, որ այս իշխանությունը չունի ժողովրդի վստահությունը:

ՍԴ-ն ԿԸՀ-ի եւ քաղաքական իշխանության հետ միասին աշխատելով, նման որոշումներ կայացնելով իրավիճակ չեն փոխելու: Վստահությունը, որը չկա, ՍԴ-ով չի կարող հայտնվել կամ հակառակը ապացուցվել: Հանրությունը ՍԴ-ում տեսավ իրավական բանավեճի մակարդակը: Ի վերրջո, մեր պնդումը, որ Արմեն Սարգսյանին ճնշել էին, որ հունիսի 20-ին ընտրություն նշանակի, հաստատվեց: Այստեղ վարույթն այնպիսին է, որ եթե հակառակի մասին վարույթ չկա, ուրեմն դա համարվում է հաստատված»,-ասաց հայտարարեց Վարդեւանյանը:

Նա հիշեցրեց, որ իրենք ասել են, որ կան 109 հազար չաշխատող անձնագրեր եւ խնդրել են ՍԴ-ին անել մեկ գործողություն, որով կարող էր ուղղակի իրենց փաստարկը հերքել՝ վեփրցնել ՍԵԿՏ-ի տվյալները, որը չարվեց. «Եթե իրենք ունեին այդ համոզմունքը, որ այդ չաշխատող անձնագրերից յուրաքանչյուրն էլ պատշաճ է եղել, արդյոք իրենք մեկ վայրկյան կհապաղեին եւ ՍԵԿՏ-ի տվյալները չէին բերի մեզ հակառակը ցույց տալու համար: Չարեցին: 2017-ին, երբ առաջին անգամ այս նոր, Վահե Գրիգորյանի խոսքով, հեղափոխական ընտրական օրենսգիրքը գործածվում էր, Դավիթ Հարությունյանի նախաձեռնությամբ ՍԵԿՏ համակարգի տվյալներն ունեին ընդդիմադիր ուժերը: Իրենք խոսել էին 800 մարդու մասին, որոնք իբր Հայաստանում չեն եղել, բայց իրենց անվան դիմաց կա ստորագրություն: Մենք խոսել էինք մեկ անձի մասին, եւ այդ մեկ մարդը Հայաստանում չէր, իրս իրենց նշած 800 անձի մասով, պարզվել էր, որ ՀՀ-ում եղել են»,-ասաց «Հայաստան» դաշինքի ներկայացուցիչը:

Լրագրողները հիշեցրին, որ ՍԴ-ն Ռոբերտ Քոչարյանի գործով կայացրել էր որոշում, որով հակասահմանադրական էր ճանաչել այն հոդվածը, որով նա մեղադրվում էր եւ հարցրին, թե այդ ինչպես ստացվեց, որ ՍԴ-ն մի դեպքում վստահելի որոշում է կայացնում, մեկ այլ դեպքում իրենց համար ոչ վստահելի, Արամ Վարդեւանյանը պատասխանեց. «Երբ ՍԴ-ն նկատմամբ չի լինում այնպիսի ճնշում, որը մենք տեսանք այս ժամանակահատվածում, սահմանադրական արդարադատությունը հասանելի է լինում յուրաքանչյուրին»:

Այսինքն Քոչարյանի գործով Նիկոլ Փաշինյանի կողմից ՍԴ-ի վրա ճնշում չի՞ եղել, հարցին էլ արձագանքեց. «Ժամանակահատվածը դիտարկենք,  ժամանակահատված հիմա, երբ հնչում են հայտարարությունները գլուխները ջարդելու մասին: Նույն պատկերը չենք ունենում մեկ այլ ժամանակահատվածում եւ ունենում ենք սահմանադրական արդարադատություն: Ունենում ենք ճնշումներ, չենք ունենում արդարադատություն: Բանաձեւը շատ պարզ է»:

Հիշեցնենք՝ քաղաքական 4 ուժեր՝ «Հայաստան» եւ պատիվ ունեմ» դաշինքները, ինչպես նաեւ «Զարթոնք» եւ «Հայոց Հայրենիք» կուսակցությունները, դիմել էին ՍԴ՝ վիճարկելու Կենտրոնական ընտրական հանձնաժողովի հրապարակած՝ ընտրությունների վերաբերյալ վերջնական արդյունքները։  ՍԴ-ում դատավարությունը մեկնարկել էր հուլիսի 9-ին:

Այս թեմայով Հերթական անգամ արձանագրվում է՝ կալանավորումը պատժիչ գործիք է, ոչ թե խափանման միջոց․ Վարդևանյան «Մադրիդյան սկզբունքները քննադատում է այն անձը, ով ստորագրել է մեր դժբախտության շղթայի հիմքը» ԱԺ-ում ներկայացված 3 ուժերը կարող են սկիզբ դնել իրական համախմբման և ապահովել «մասնակի իշխանափոխություն»․ Վարդևանյան Արզումանյանի նկատմամբ ապօրինի հետապնդում է, կա՛մ ռազմաքաղաքական ղեկավարությունը ևս պետք է պատժվի. Արամ Վարդևանյան Դատարանում մարդու մահ,սա խելագարվելու դեպք է. Վարդևանյան Եկեք վերհիշենք Նիկոլ Փաշինյանի հայտարարությունները․ Արամ Վարդևանյան Եկեք այսօր ինքնաբուխ հավաք իրականացնենք ժամը 14.00-ին, Վարդանյանների այգում. Վարդևանյան Ուզեն-չուզեն, առանց Նիկոլ Հայաստան լինելու է. Արամ Վարդևանյան Նույն օրը Չալաբյանին կալանավորելիս մերժվում է կնոջը վրաերթի ենթարկած ոստիկանին կալանավորելու միջնորդությունը. պատգամավոր Տղերքը կալանավորված են, քանի որ իրավապահ համակարգը չնչին անկախությունից հրաժարվել է. Արամ Վարդևանյան