Ապագա կա՞. ՔՊ-ական պաշտոնյաները «տնավորվում» են արտասահմանում

Ընդդիմադիր Նիկոլ Փաշինյանը հաճախ էր մեղադրում Հանրապետական կուսակցության ներկայացուցիչներին՝ հայրենասիրության պակասի և կապիտալը երկրում չպահելու մեջ: Նա, մասնավորապես, հռետորտական հարց էր տալիս, թե ինչու են Սերժ Սարգսյանի թիմակիցները նախընտրում անշարժ գույք ձեռք բերել արտերկրում, օրինակ՝ Մոնակոյում և ոչ թե Հայաստանի մարզերից որևէ մեկում` այդպիսով խթանելով հայաստանյան տնտեսության զարգացումը: Գալով իշխանության, սակայն, Փաշինյանը այլևս չի խոսում նման կնճռոտ երևույթների մասին, թերևս այն պատճառով, որ այդ երևույթները, որքան էլ որ զարմանալի է, սակայն առկա են նաև հեղափոխական թիմում: 

Դիցուք՝ 2018-ի հոկտեմբերից Երևանի քաղաքապետի պաշտոնը զբաղեցնող Հայկ Մարությանի կինը՝ Իվա Մարությանը, անցյալ տարի 3 միավոր անշարժ գույք է ձեռք բերել Չեխիայի Կուտնա Հորա քաղաքում: Սա Մարությանների առաջին անշարժ գույքը չէ Չեխիայում: Նկատենք, որ Իվա Վլաստիմիլի Մարությանն ազգությամբ չեխ է, Չեխիայի քաղաքացի, այդ երկրի քաղաքացիներ են նաև Երևանի քաղաքապետի 4 անչափահաս զավակները: Հայկ Մարությանն անցյալ տարի լրագրողներին ասել է, որ ինքը ՀՀ քաղաքացի է, Չեխիայի քաղաքացիություն չունի, սակայն այլ ինֆորմացիա չի բացահայտել: 

Արարատի նախկին կոկորդիլոսասեր մարզպետ Գարիկ Սարգսյանը Ռուսաստանում՝ Մերձմոսկովյան շրջանի Խիմկի քաղաքում, 9.000.000 ռուբլի արժողությամբ բնակարան է ձեռք բերել, դա ավելի քան 120 հազար դոլար է: Եվ այստեղ, իհարկե, հարց է առաջանում՝ ինչպես կարող էր երկու տարում պաշտոնյայի արդար վարձատրությամբ ապրող Գարիկ Սարգսյանը կարողացել նման գումար վաստակել: 

«Իմ քայլը» խմբակցության պատգամավոր Համազասպ Դանիելյանը 2018-ի հայտարարագրում ներկայացրել էր երեք բնակարան, որոնք հասցեները, ըստ նախորդ կանոնակարգի, նշված չեն եղել, 2019-ի հայտարարագրում պատգամավորը նշել է հինգ բնակարան, որից միայն Բաթումի երկրորդ բնակարանն է ձեռք բերել 2019-ին: 

Ավելի ուշ հասկանալի դարձավ, որ այս հրապարակման մեջ տեղ գտած տեղեկատվությունը Համազասպ Գրիգորի Դանիելյանի կողմից ներկայացված հայտարարագրի բովանդակությանը չի համապատասխանել: Իրականում այդ հայտարարագրից հետևում է, որ Համազասպ Դանիելյանը հայտարարագրել է և ունի երկու բնակարան /և մեկ նկուղ/։  Թե՛ 2018 և թե 2019 թ հայտարարագրերից պարզ է, որ Համազասպ Դանիելյանը Բաթումում միակ բնակարանը ձեռք է բերել դեռ 2017 թվականին՝ հեղափոխությունից առաջ։ 

2019-ին Նիկոլ Փաշինյանի հրամանով Իսրայելում ՀՀ դեսպան նշանակված Արմեն Սմբատյանը անշարժ գույք է ձեռք բերել Մոսկվայում և Դուբայում: 

Կոռուպցիայի կանխարգելման հանձնաժողովի անդամ Նարեկ Համբարձումյանը 2019 թվականին Բաթումիում բնակարան է ձեռք բերել:

Հարց է առաջանում՝ ինչո՞ւ են հեղափոխությունից հետո հեղափոխական պաշտոնյաները ձգտում տնավորվել արտասահմանում: Իսկ գուցե նրանց կերտած Նոր Հայաստանում ամեն բան այնքան աննախադեպ է և հրաշալի, որ վերջիններս արդեն իսկ աչքի տակ ունեն արտագաղթելու հեռանկարը, և դա է պատճառը, որ մեկը մյուսի հետևից անշարժ գույք են ձեռք բերում արտերկրում՝ արտերկրի մեր հայրենակիցներին էլ այդ ընթացքում կոչեր հղելով գալ և բնակվել, ներդրումներ անել հայրենիքում: Եվ սա սոցիալական ծանր բեռի տակ կքած, աղքատությունը ուղեղում հաղթահարելուն դատապարտված շարքային քաղաքացիների խնդիրների ֆոնին, երբ օրվա հաց գտնելը դարձել է անլուծելի հարց շատերի համար, իսկ նույն թավշյա պաշտոնյաները մատը մատին էլ չեն խփում ժողովրդի բեռը թեթևացնելու համար: Այն նույն ժողովրդի, որի օգնությամբ եկան իշխանության` խոստանալով լավ ապագա: Ինչպես երևում է, լավ ապագան թավշյա պաշտոնյաները հաջողացնում են ապահովել միայն իրենք իրենց համար, և արդեն իսկ պարզ է, թե ում կյանքն է իրականում փոխել 2018 թվականին տեղի ունեցած Թավշյա հեղափոխությունը... 

Այս թեմայով Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին «Ժողովուրդ». Օրինապահից դեպի «բարձր ռիսկային խումբ» մեկ քայլ է Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար «Իմ Քայլ»-ի բարեգործական ընթրիքը նպատակ ունի աջակցել կին գործարարների գործունեության ընդլայնմանը Որևէ մտահոգիչ քայլ չի արվում. ՊՆ փոխնախարարը՝ Տավուշին հարակից գյուղերի մասին Եթե մեր քայլից հետո Ադրբեջանը ընդառաջ քայլ չանի, ուրեմն կմտնենք տուպիկ. Աղազարյան «Այս շփումների վերջնական անկեղծությանը կդժվարանամ հավատալ, քանի դեռ գործնական հողի վրա որևէ քայլ չի արձանագրվել». «Փաստ»