Ավազակային հարձակում Գյումրիում. դիմակավորված անձը ատրճանակով թալանել է 70-ամյա ամուսիններին․ կա վիրավոր

Շիրակի մարզում, այսօր, հուլիսի 21-ին, ավազակային հարձակում է տեղի ունեցել. ժամը 04։40-ի սահմաններում ոստիկանության Մուշի բաժին ահազանգ է ստացվել Գյումրի քաղաքի Պարոնյան փողոցի տներից մեկի բնակիչ 70-ամյա Սաթենիկ Ա․-ից, ով հայտնել է, որ դիմակավորված անձը տեխնիկական միջոցների գործադրմամբ բացել է իր տան ննջասենյակի պատուհանը, այնուհետև մտել ներս և զենքով ստիպել է իր 70-ամյա ամուսնուն, որպեսզի իրենց մոտ եղած գումարը տան։

Shamshyan.com-ի  հաղորդմամբ, տեղում ոստիկաններն ու քննիչները պարզել են, որ հանցագործը նշված տուն է մտել դիմակավորված, և ծերունի ամուսիններից գումարը ստանալուց հետո մեկ կրակոց է արձակել Մեքս Ա․-ի վրա, ով հրազենային վնասվածք ախտորոշմամբ շտապօգնության ավտոմեքենայով տեղափոխվել է Գյումրու բժշկական կենտրոն։

Փաստի առթիվ քննչական բաժնում ավազակային հարձակում կատարելու և ապօրինի զենք կրելու հատկանիշներով հարուցվել է քրեական գործ։ Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ հանցագործությունը բացահայտելու, կատարողին, հանցագործության գործիք հրազենն ու գողոնը հայտնաբերելու ուղղությամբ։

Կայքի տեղեկություններով՝ հանցագործը տարեց ամուսիններից հափշտակել է 60-ից 70 հազար դրամ։

Այս թեմայով Գյումրի, Հրազդան և Վանաձոր քաղաքների մթնոլորտային օդում փոշու պարունակությունը ՃՏՊ Սպիտակ-Գյումրի ավտոճանապարհին․ կան տուժածներ Գազամատակարարման վթարային դադարեցում Գյումրի քաղաքում ՃՏՊ Բավրա-Գյումրի ավտոճանապարհին. կան տուժածներ Հրդեհ Գյումրի քաղաքում ՃՏՊ Երևան-Գյումրի ավտոճանապարհին Երևան-Գյումրի-Բավրա ավտոճանապարհի հարակից որոշ հատվածներում այսօր կկատարվեն պայթեցման աշխատանքներ Թալան է եղել, կաշառակերություն, ոչ ոք սահմանի մասին չէր մտածում, ընդդիմությու՞ն, չեք խոսում Գյումրի համայնքի ավագանու «Զարթոնք» խմբակցությունն ընտրել է նոր ղեկավար Սեյրան Օհանյանը, Լևոն Քոչարյանը և «Հայաստան» դաշինքի այլ պատգամավորներ այցելել են Գյումրի