Վահան Քերոբյանի՝ «սառույցին» գրված հեղափոխական խոստումները

Էկոնոմիկայի նախարար Վահան Քերոբյանը պաշտոնը ստանձնելուց հետո խոստացել էր հանրությանը պարբերաբար հաշվետվություն ներկայացնել կատարված աշխատանքի մասով: Սակայն, անցել է արդեն ինը ամիս, բայց արի ու տես, որ Քերոբյանը չի շտապում կատարված աշխատանքի համար հաշվետու լինել հպարտ քաղաքացիներին: Իսկ ինչ էր խոստացել այդ հանրությանը Քերոբյանը: Վերջինս որոշել էր ավետել հանրությանը, որ տնտեսությունը ակտիվ տեմպերով զարգանալու է, շինարարությունը և գյուղատնտեսությունը բուռն աճ են արձանագրելու, իսկ ներդրումներն ընդհանրապես հորդելու են:

Շինարարության մասով գուցե հնարավոր լինի համաձայնվել` հաշվի առնելով,  թե ինչ տեմպերով էին Հայաստանում նախընտրական ասֆալտապատման աշխատանքներ տարվում, սակայն հետաքրքիր է, թե այդ ինչպես է ծաղկում գյուղատնտեսությունը մի իշխանությունների օրոք, որոնք անգամ գյուղատնտեսության նախարարություն պահելու իմաստ և նպատակ չգտան: Գյուղատնտեսության ոլորտի տասնյակ տարիների աշխատակիցներին, ովքեր կրճատվել են հենց նախարարի պատաճռով, Քերոբյանը առաջարկում է աշխատանքի տեղավորել...տեքստիլի ոլորտում: Սա թերևս այն ամենն է, ինչ պետք է իմանալ նախարարի՝ ոլորտին տիրապետելու աստիճանի մասին: Ինչ վերաբերվում է հորդացող ներդրումներին, ապա սա ոչ այլ ինչ է, քան դասական պոպուլիզմ:

Վահան Քերոբյանը պաշտոնը ստանձնելու առաջին իսկ օրվանից հանրությանը կերակրում է սահմանին հերթ կանգնած պոտենցիալ ներդրողների մասին գեղեցիկ հեքիաթներով` առանց դրանց առկայության որևէ փաստացի ապացույցի: Դժվար թե հետպատերազմյան Հայաստանում, որի տնտեսությունը գտնվում է, մեղմ ասած, ողբալի վիճակում, ներդրողներն այդքան պատրաստակամ լինեին հորդացող ինվեստիցիաներ կատարել:

Քերոբյանը վստահեցնում էր, որ Հայաստանը ունենալու է 319 տոկոսի հասնող զբոսաշրջության ոլորտի աճ: Առ այսօր գրանցված աճը նշված ոլորտում կազմում է 1 տոկոս:

Քերոբյանը խոստացել էր նաև նոր աշխատատեղեր բացել: Այնուհետև կառավարության դիմաց ցույց անող գործազուրկներին հորդորում էր գնալ Գեղարքունիքի մարզ և այնտեղ աշխատանք գտնել:

Նա խոստացել էր նաև գրանցված աշխատատեղերի ռեկորդ ապահովել,մինչդեռ վերջինիս պաշտոնավարումից մինչ օրս այս հարցում վիճակագրությունը  էական փոփոխություն չի կրել:

Քերոբյանը խոստանում էր ուղիղ աշխատել փոքր և միջին ձեռնարկատերերի հետ, սակայն, այսօր ՓՄՁ ոլորտը ամենաանտեսվածն է կառավարության կողմից:

Այս թեմայով Վահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան Քերոբյանի նկատմամբ որպես խափանման միջոց տնային կալանք կիրառելու մասին որոշումը կբողոքարկվի․ «Փաստինֆո» Բայց Նիկոլ Փաշինյանն ի՞նչ կապ ունի․ Վահան Քերոբյան Վահան Քերոբյանին կալանավորելու միջնորդություն է ներկայացվել դատարան․ պաշտպան Քերոբյանի կալանքի հարցն է քննվում, նա չի ընդունում մեղադրանքը. փաստաբան (տեսանյութ) Քերոբյանին մեղադրանք է առաջադրվել․ նա տեղափոխվել է Հակակոռուպցիոն դատարան Վահան Քերոբյանի նկատմամբ քրեական հետապնդում է հարուցվել. ՔԿ Վահան Քերոբյանը դեռ ՔԿ-ում է, կա տեղեկություն, որ նրան ցանկանում են կալանավորել․ 24News.am Վահան Քերոբյանի հարցաքննությունն ընդմիջվել է (տեսանյութ) ՀՀ նախագահն ստորագրել է Վահան Քերոբյանին պաշտոնից ազատման հրամանագիրը