Ստեղծվում է մի վիճակ, երբ նոր պատերազմի վտանգը տեսանելի է դառնում ժողովրդի համար. Ռոբերտ Քոչարյան

ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը հարցազրույց է տվել մի քանի լրատվամիջոցների՝ անդրադառնալով Երասխում տեղի ունեցող գործողություններից։

«Երասխի դեպքերից հետո մենք ոնց որ մոռացել ենք, որ կա Սև լիճ, և Հայաստանի տարածքում գտնվում են բազմաթիվ ադրբեջանցի զինվորներ։ Սա տրամաբանական շարունակությունն է այն ամենի, ինչ կատարվում էր Հայաստանի հետ և՛ պատրեազմի ժամանակ, և՛ հետպատերազմյան հատվածում։ Մենք ցույց ենք տվել, որ ատամներ այլևս չունենք։ Արժանապատիվ պատասխան տալու հնարավարություն չունենք, և ցանկություն չունի երկիրը, և Ադրբեջանն իր օրակարգը առաջ է տանում նման կարգի դրսևորումներով»,-ասել է Ռոբերտ Քոչարյանը։

ՀՀ երկրորդ նախագահը նաև չի հերքել, որ Երասխում տեղի ունեցող գործողությունները հնարավոր «խաղաղության պայմանագրի» նախապատրաստական իրադարձություններ կարող են լինել։

Նրա խոսքով` այսկերպ փորձ է արվում ստեղծել մի իրավիճակ, երբ հերթական փաստաթղթի ստորագրումը կարող է գնահատվել ոչ թե որպես դավաճանություն, այլ փրկություն։

«Նման կարգի պրովոկացիաներից հետո ստեղծվում է մի վիճակ, երբ նոր պատերազմի վտանգը տեսանելի է դառնում ժողովրդի համար, և ժողովուրդը շատ մեծ հեշտությամբ մարսում է հերթական փաստաթղթի ստորագրումը, հերթական զիջումը»,– ասել է Քոչարյանը` հավելելով, որ դա պլանավորված պարտության տեխնոլոգիա է։

Երկրորդ նախագահը չի բացառել, որ խաղաղության համաձայնագրի ստորագրում է պատրաստվում, որը, նրա որակմամբ, չի կարող լինել առանց Հայաստանի կողմից Ադրբեջանի տարածքային ամբողջականության ճանաչման։

«Սա կնշանակի ուղղակի խաչ քաշել Հայաստանի ապագայի վրա»,– ասել է Քոչարյանը։

Այս թեմայով Երբ ադրբեջանցիները կսկսեն վերադառնալ իրենց նախկին բնակավայրերը, սկսելու է կինոն․ Տիգրան Քոչարյան Այս իշխանություններն այս տարիների ընթացքում ավելի շատ ապօրինություններ են արել, քան նախորդ 3-ը միասին. Քոչարյան (տեսանյութ) «Ռոբիս ապրեցնելը դարձավ իմ կյանքի շարժիչ ուժը». Ռոբերտ Հայրապետյանն անմահացել է 2022 թ. սեպտեմբերի 13-ին Իշխանասարում. «Փաստ» Մանդատները վայր դնելը և փողոց դուրս գալն անելու ենք երբ զգանք, որ դա կբերի իր տրամաբանական ավարտին․ Լևոն Քոչարյան (տեսանյութ) Զուգադիպությո՞ւն, թե գծված ծրագիր Վենեդիկտովը հիշել է իր խոսակցությունը Հեյդար Ալիևի և Ռոբերտ Քոչարյանի հետ (տեսանյութ) Մենք բառիս բուն իմաստով ամրոցներ ենք կառուցում սահմանին՝ չինական պարիսպի պես. Անդրանիկ Քոչարյան Կրակոցը վատ բան է, բայց եթե չենք պատասխանում, նշանակում է՝ այդքան մեծ վտանգ չենք տեսել դրանում. Քոչարյան Մենք մտահոգված ենք ցանկացած կրակոցով. Քոչարյան (տեսանյութ) Փաշինյանը խաբե՞լ է. Անդրանիկ Քոչարյանի բացահայտումը